Закрыть

Выберите свой город

Закрыть

«ЯКІХ ЦУДАЎ ВЫ ХАЦЕЛІ Б ПРЫЧАКАЦЬ У НАВАГОДНЮЮ НОЧ?»

А вось цікава… З якога года, з якога стагоддзя прыйшла да нас традыцыя чакаць ад навагодніх святаў… менавіта цудаў? І не толькі ў дзяцінстве, але і ў дарослым жыцці? І няхай сабе спраўджваюцца гэтыя чаканні далёка не ўсе, не ва ўсіх і не заўсёды, але сам працэс так сагравае душу… Бо, як вядома, марыць не шкодна, а нават карысна!

І сёння, напярэдадні чароўнага, таямнічага, загадкавага свята, мы спыталі ў чытачоў:

«ЯКІХ ЦУДАЎ ВЫ ХАЦЕЛІ Б ПРЫЧАКАЦЬ У НАВАГОДНЮЮ НОЧ?»

«ЯКІХ ЦУДАЎ ВЫ ХАЦЕЛІ Б ПРЫЧАКАЦЬ У НАВАГОДНЮЮ НОЧ?»

Ала ШЫДЛОЎСКАЯ, дырэктар Цэнтра творчасці дзяцей і моладзі г.п.Смілавічы:

– Мабыць, як і ў дзяцінстве, прыгожая мара, вера ў цуды на Новы год сапраўды захоўваецца і ў дарослым жыцці. І ў навагоднюю ноч хочацца чагосьці нечаканага, незвычайнага… Таго, што ў ночы і дні іншыя проста не можа адбыцца. Прыгадваючы маленства, магу сказаць, што мары пра цуды… спраўджваюцца! Асабліва, калі доўга чакаеш і спадзяешся. І няхай гэта будзе ў выглядзе якогасьці маленькага падаруначка ад добрага чалавека… Вось ты нічога ад яго не чакаеш, а тут – сюрпрыз, цуд…

Для сваіх выхаванцаў Цэнтра мы таксама імкнёмся ў дні навагодніх святаў зрабіць цуды. Вось ніхто з іх не чакае, а мы ўручаем вялікія салодкія падарункі… Не чакаюць яны сюрпрызу, а мы для іх ладзім цікавую выязную экскурсію… Элемент нечаканасці – ён, напэўна, самы галоўны. І тады любое дзеянне можа  ўспрымацца, як цуд – і ў дзяцінстве, і ў дарослым жыцці. І гэты элемент абавязкова павінен прысутнічаць у навагоднюю ноч. Бо мы так стаміліся ад жыццёвых рэалій, ад пастулатаў, ад якіх нікуды не дзецца… І так хочацца, каб хаця б у адну ноч у годзе насамрэч адбыўся цуд!

Ды хочацца нават проста добрых стасункаў  з прыемнымі людзьмі! Сустрэчы з сябрамі, з якімі ў будзённасці не знаходзіцца часу на гэта. З-за вялікай занятасці на працы мы мала ўвагі надаём адносінам асабістым, нават з сям’ёй, бацькамі… А тут такая магчымасць арганізаваць свята стасункаў і ўзаемінаў…

Ну, а калі размаўляць ужо больш прадметна, дык для мяне цуд у навагоднюю ноч – гэта магчымасць сустрэць свята… на якімсьці экзатычным востраве, у поўным спакоі. Прыгожая прырода, шмат фруктаў, мора, сонца… Я б вельмі хацела! І калі б мне раптам падаравалі такую пуцёўку… Больш, як кажуць, няма чаго і жадаць.

Зрэшты, у Дзеда Мароза я, вядома, верыла ў дзяцінстве. Ды я і зараз у яго веру! І ён сапраўды можа завітаць зусім нечакана. З маленства ў мяне засталася вось такая вера ў дабро, якое, лічу, перамагае заўсёды. І хочацца яго заўсёды, а ў навагоднюю ноч – у вялікай колькасці…

«ЯКІХ ЦУДАЎ ВЫ ХАЦЕЛІ Б ПРЫЧАКАЦЬ У НАВАГОДНЮЮ НОЧ?»

Святлана САПРОНАВА, пенсіянерка, г.Чэрвень:

– А можна, я спачатку ўсё ж скажу не пра сябе, а пра дзяцей? Як колішняя настаўніца пачатковых класаў? Дзеткі-пачаткоўцы абавязкова павінны верыць у цуды! І калі я працавала з імі, дык у класе гаварыла, што ёсць на свеце сапраўдны Дзед Мароз. Канешне, былі і недаверлівыя позіркі… Але, у рэшце рэшт, не без дапамогі бацькоў, з якімі я таксама праводзіла адпаведную работу, дзеці верылі. І ўпэўніваліся ў праўдзівасці маіх слоў.

Дарослых на бацькоўскіх сходах я папярэджвала, што дзеці чакаюць навагодніх цудаў. Прапаноўвала звязаць вялізную шкарпэтку, якая, напоўненая цукеркамі, прысмакамі і ласункамі, у пэўны час павінна з’явіцца пад ёлкай альбо ў іншым месцы. А каб Дзед Мароз змог прынесці падарункі, дзецям трэба было пакінуць адчыненым комін, калі ў хаце ёсць печка, альбо фортку, калі гэта кватэра… І вось да чацвёртага класа школьнікі, з якімі я працавала, верылі ў навагоднія цуды!

Адкуль гэта ўзялося ў мяне? Канешне, з уласнага дзяцінства. Памятаю, як адзін час мы жылі ў вёсцы. Да Новага года мама шыла дзецям такія палатняныя мяшочкі, якія запаўняліся цукеркамі. І засаўку на коміне ў печы мы абавязкова пакідалі адчыненай! І вось аднойчы тата ў ролі Дзеда Мароза сапраўды змог зрабіць цуд! Не ведаю, як у яго атрымалася гэтыя палатняныя мяшэчкі насамрэч праз комін апусціць… Але ўявіце сабе… Першы дзень новага года. Мама завіхаецца па гаспадарцы і раптам заве нас. Маўляў, паглядзіце, а што гэта тут??? І мы ўбачылі, што палатняныя мяшочкі з цукеркамі… звісаюць з коміна прама ў печцы!!!

Дарэчы, у такіх жа мяшэчках нам уручалі цукеркі і ў школе. А ў вёсцы выбіралі аднаго з мужчын  і апраналі яго Дзедам Марозам. І вось ён хадзіў па хатах, дзе былі дзеці, і ўручаў падарункі. Гэтыя ўспаміны пра навагоднія цуды са мною – на ўсё жыццё.

Ну, а зараз, у маім узросце, я ўжо больш чакаю не цуду, а стабільнасці, павышэння дабрабыту, узаемапаразумення паміж людзьмі. Каб усе мы зрабіліся больш добрымі і ўважлівымі адзін да аднаго ў новым годзе. Каб нялёгкую настаўніцкую працу ацанілі так, як належыць. Каб душы нашы пацяплелі, а сучасныя дзеці шчыра радаваліся не камп’ютарным «стралялкам» ды монстрам, а вось такім добрым немудрагелістым цудам…

«ЯКІХ ЦУДАЎ ВЫ ХАЦЕЛІ Б ПРЫЧАКАЦЬ У НАВАГОДНЮЮ НОЧ?»

Юлія АДАМОВІЧ, вучаніца 10 класа гімназіі №1 г.Чэрвеня:

– О, у цуды я веру! У тое, што існуюць якіясьці чароўныя істоты, што ёсць якаясьці чароўная атмасфера – дзесьці паралельна з нашай рэальнасцю. А што датычыцца цудаў у навагоднюю ноч… Мабыць, я хацела б убачыць Дзеда Мароза, толькі самага сапраўднага – вось з гэтай казачнай рэальнасці! А яшчэ – знайсці на Новы год пад ёлкай асаблівы падарунак. Няхай сабе маленькі, але не ад бацькоў, як заўсёды, а сапраўды ад Дзеда Мароза. Каб убачыць пакуначак – і адразу ж здагадацца, што гэта і ёсць мой цуд, якога я прычакала…

Зрэшты, цудаў і так хапае вакол нас. Толькі трэба ў іх верыць і ўмець успрымаць, усведамляць менавіта цудамі. Напрыклад, 31-га снежня я любуюся рознакаляровымі агеньчыкамі на ёлках, дрэвах, у вітрынах… Дыхаю свежым хваёвым паветрам… Гляджу на іскрысты снег – калі ён ёсць, вядома… І гэта ўсё для мяне – цуды!

Лічу, што ў маім жыцці ўжо быў і самы сапраўдны навагодні цуд – два гады таму. Снегу тады не было зусім. І раптоўна ён пасыпаў… акурат 31-га снежня! Ды такі вялікі, ды столькі… Ён такім слоем укрыў зямлю, што здавалася – снег ляжыць ужо месяцы два!

Снегу сёлета, канешне, таксама хочацца, але нават калі і будзе паўтарэнне таго цуду, яно мяне так ужо не здзівіць і не захопіць. Але ўсё ж няхай снегу будзе многа-многа… Каб з прыемнасцю гуляць па ім у навагоднюю ноч і ляпіць снегавікоў!

Распытвала і занатоўвала

Святлана АДАМОВІЧ. Фота аўтара

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Червеня

Минский областной суд оставил в силе приговор директору Червенского дома-интерната

Хотите узнать больше? 20 ноября Минский областной суд отклонил кассационную жалобу директора Червенского дома-интерната. Владимир Семижон был признан виновным в нарушении 659

1 декабря будет ограничено движение на трассе М-4 Минск — Могилев

Хотите узнать больше?  1 декабря на 46 км автодороги М-4 Минск — Могилев вблизи деревни Карпиловка (Червенский район) будет проводиться следственный эксперимент. Как 350

Среди добрых и заботливых определили лучших

Хотите узнать больше? Прошёл конкурс профессионального мастерства работников ГУ «Червенский территориальный центр социального обслуживания населения».  С 2010   он стал 459

С 13 по 28 ноября в Червенском районе проходит республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 372

График приёма граждан и «прямые линии»

Хотите узнать больше? 24 ноября с 10.00 до 12.00 в райисполкоме будет принимать граждан Министр иностранных дел Республики Беларусь В.В.Макей по вопросам, отнесенным к 430

Свята на вясковай вуліцы

Хотите узнать больше? У пахмурны і дажджлівы суботні дзень наваколле Цэнтра культуры і адпачынку ў Чэрвені расквеціў рознакаляровымі фарбамі раённы фестываль-кірмаш 420

15 лістапада — Дзень работнікаў сельскай гаспадаркі і перапрацоўчай прамысловасці АПК

Хотите узнать больше? Уважаемые труженики агропромышленного комплекса Червенского района! Примите искренние, сердечные поздравления в связи с профессиональным праздником — 422

С 13 по 28 ноября в Червенском районе пройдет республиканская акция «Не прожигай свою жизнь!»

Хотите узнать больше? Основная задача — привлечь внимание как можно большего числа людей к проблеме возникновения пожаров по причине неосторожности при курении и заставить 394