Закрыть

Выберите свой город

Закрыть

Зона “хімікаў”

Зона “хімікаў”


Каля 80 асуджаных адбываюць свой тэрмін у папраўчай установе адкрытага тыпу №31, што знаходзіцца ў Гурнофелі

– Лічба гэта не стабільная, – тлумачыць начальнік атрада старшы лейтэнант міліцыі А.С. Капачоў. – За дзевяць месяцаў бягучага года ўмоўна-датэрмінова вызвалены 16 чалавек. Зразумела, што ўсе яны з ліку тых, хто добрасумленна працаваў, вызначаўся прыкладнымі паводзінамі. А ўвогуле тут людзі самыя розныя – са сваімі няпростымі лёсамі. Хтосьці трапіў сюды амаль выпадкова, хтосьці, саступіўшы з прамой дарогі, ні дзень і ні два ішоў па крывой ды слізкай сцежцы, якая абавязкова прыводзіць у мясціны не вельмі аддаленыя…

Зона “хімікаў”


У папраўчую ўстанову адкрытага тыпу (ПУАТ) адны, як 22-гадовы астрынчанін Алег, трапляюць прама з залы суда: хлопца, як сам кажа, за крадзеж “па п’янцы” асудзілі на тры месяцы “хіміі” (так у народзе празвалі тую паўсвабоду, у якой знаходзяцца насельнікі гэтай спецыфічнай установы). Многія ж па замене рэжыму прыбылі сюды з калоній, ужо адсядзеўшы за “калючкай” ладны тэрмін – за разбой, грабежніцтва і нават забойства.
– У нас хтосьці на год асуджаны, а хтосьці і на ўсе 20! – канстатуе начальнік атрада. – У гэтай “разнашэрснасці” і крыецца вялікая праблема. У кагосьці ёсць магутны стымул хутчэй вярнуцца дамоў, у сям’ю, больш ніколі не паўтараць аднойчы зробленую памылку. А камусьці … проста няма чаго губляць, яго ніхто не чакае, і казённы дом ды двух’ярусны ложак сталі звыклай з’явай.

Зона “хімікаў”


… Андрэй родам з Навагрудка, а ў Гурнофель прыбыў пасля чатырохгадовай “адсідкі” у Ваўкавыскай калоніі. Расказвае, як перад тым працаваў у прыватніка, не аформіўшы дагавора. Той толькі абяцаў разлічыцца за нялёгкую работу: месяцы міналі адзін за другім, а зарплату цынічна не плаціў. У рэшце рэшт, работнік не вытрымаў, узяў абрэз ад паляўнічага ружжа і пайшоў на разборкі да крыўдзіцеля. У выніку – сем год пазбаўлення волі. Канешне, не бессаромнаму работадаўцу, а яму, чалавеку з абрэзам…
Зрабіўшы першыя крокі да выпраўлення, Андрэй пераведзены ў ПУАТ №31 і цяпер тут адчувае сябе амаль на волі. Ёсць жа магчымасць хадзіць без канвою, працаваць, бачыцца з блізкімі, а то і ўвогуле жыць з сям’ёй.
– Хутка паеду ў водпуск, убачу жонку, дачушку, маму, – радуецца Андрэй. – Яны мяне чакаюць, падтрымліваюць. Усе разам мы пераадолеем любыя цяжкасці і забудзем гэты час, як жудасны сон.
Андрэй працуе газаэлектразваршчыкам у ААТ “Васілішкі”. Калі ягоны месячны заробак у Ваўкавыскай калоніі быў, што называецца, сімвалічным, то зараз, пры вылічэннях за абеды, зарплата складае 900 тысяч.
Праца і высокі заробак – добры стымул

Зона “хімікаў”


– Мы стараемся, каб нашы падапечныя мелі магчымасць зарабляць. Гэта таксама добры стымул, каб вярнуцца ў соцыум, – перакананы Сяргей Іванавіч Капуза, начальнік папраўчай установы адкрытага тыпу №31 упраўлення дэпартамента выканання пакаранняў па Гродзенскай вобласці.
Не сакрэт, што злосных неплацельшчыкаў па Дэкрэце №18 (а такіх тут сямёра) накіроўваюць на высокааплатныя работы. Гэтым нядбайным бацькам, абавязаным вяртаць дзяржаве даўгі за выхаванне дзяцей у інтэрнатах ці прытулках, даецца шанц разлічыцца па рахунках як мага хутчэй. Дарэчы, некаторыя гэта добра ўсвядомілі і, на сумленне працуючы ў жывёлагадоўлі на сучасных МФК, атрымліваюць каля двух мільёнаў рублёў. Было б жаданне ставіць “працоўныя рэкорды”! Тое ж тычыцца і бацькоў-аліментшчыкаў, сярод якіх, на жаль, не так і шмат ахвотнікаў працаваць з агеньчыкам ды вяртаць недададзенае ўласным дзецям.
Найцяжэй – з наркаманамі

Зона “хімікаў”


– Самыя непрадказальныя людзі – гэта наркаманы, – дзеліцца старшы оперупаўнаважаны наглядна-аператыўнай групы Д.В.Жагунь. – Калі на тэрыторыі калоній з наркотыкамі строга, то апынуўшыся ва ўмовах досыць свабоднага рэжыму, такія людзі імкнуцца любой цаной раздабыць “дурман”. Яны не толькі сябе губяць, але і іншых уцягваюць. Лічу, што такім не месца ў папраўчай установе адкрытага тыпу. Варта было б перагледзець заканадаўства ў бок больш жорсткіх адносін да наркаманаў, – выказвае сваё меркаванне Дзяніс Віктаравіч – нядаўні выпускнік Магілёўскага каледжа МУС.
Яшчэ адзін вялікі галаўны боль супрацоўнікаў ПУАТ №31 – уцекачы. Ахвотнікаў пагуляць у “кошкі-мышкі” з міліцыяй не так і мала. За дзевяць месяцаў з установы збягалі 28 асуджаных. Што чакала іх на волі? Адзін з апошніх “вандроўнікаў” быў вернуты ў “родныя пенаты” на чацвёрты дзень. Кажа, хацеў высветліць адносіны з каханай, якая ўжо цяжарная ад іншага. 30 сутак у ізалятары павінны вярнуць уцекача да адэкватнай ацэнкі сваіх паводзін.
Яшчэ адзін аматар “падарожжаў” узгадвае, як блукаў галодны, начаваў у хмызняках і на вакзале, жыў у страху, пакуль не вярнулі адбываць пакаранне далей.
Ёсць і такія, хто да гэтага часу знаходзіцца “ў бягах”. Адзін з іх ужо паспеў угнаць і разбіць чужую машыну. Зразумела, што і гэтага ўцекача вернуць, ды толькі ўжо, відаць, не ва ўстанову адкрытага тыпу, а акурат за краты, бо цягнецца за ім шлейф новага злачынства.
“Дзе б ты ні знаходзіўся, трэба заставацца чалавекам”

Зона “хімікаў”


Гэтыя мудрыя словы я пачула таксама там, у Гурнофелі, з вуснаў вадзіцеля-дальнабойшчыка, які асуджаны за аварыю з трагічным зыходам.
– Цяжка перажываю тое, што здарылася, – прызнаецца Віктар. – Але ёсць стымул не адчайвацца. У мяне жонка і двое дзяцей. Мы часта бачымся. Я імкнуся нават тут жыць і працаваць, каб мяне паважалі. Вядома, спадзяюся на ўмоўна-датэрміновае вызваленне. Самае галоўнае, што гэта – рэальна…
Бадай, такая пазітыўная мадэль паводзін і светаўспрымання – не адзіны прыклад сярод “хімікаў”. У досыць бадзёрым настроі мы сустрэлі Антона – жыхара Лідскага раёна, які працаваў на трактары ў складзе васілішкаўскай брыгады ЖКГ, што займалася ачысткай прыдарожнай паласы.
– Не хочацца ўспамінаць былое, на два гады за п’яную бойку асуджаны, – неахвотна гаворыць мужчына. – Але

Зона “хімікаў”


што было – тое прайшло. Спадзяюся, больш падобнага не паўторыцца. Вось працую, зарабляю. Грошы атрымліваю нармальныя, а значыць будзе з чаго пачаць, калі выйду на свабоду.
Яшчэ адзін асуджаны нядаўна … ажаніўся. Працуе і жыве ў Васілішках, рэжым не парушае. Кажа, нават калі закончыцца тэрмін, не стане вяртацца ў свой родны Гродна, дзе шмат спакусы. У Васілішках яму падабаецца, і заробак задавальняе.
Калектыў малады, але згуртаваны
Зразумела, што працаваць, а дакладней – служыць у ПУАТ №31, як і ўвогуле ў сістэме дэпартамента выпраўлення пакаранняў, вельмі няпроста. Аднак тая каманда, якая прыйшла працаваць у гэту ўстанову на чале з Сяргеем Іванавічам Капузай, праявіла ўжо і цвёрдасць характару, і адданасць справе, і ўменне арганізаваць выпраўленчы працэс.
– Галоўнае, што нашы падапечныя рэальна могуць зарабіць прыстойныя грошы, “напрацаваць” сабе аўтарытэт чалавека, які жадае быць лепшым і не паўтараць аднойчы зробленых памылак. Мы дзеля гэтага робім усё магчымае, – гаворыць начальнік ПУАТ №31 С.І.Капуза, які далёка не навічок у сістэме ўнутраных спраў, а да нядаўняга часу быў старшым інспектарам аналагічнай установы ў Нарашах.

Зона “хімікаў”


З мая 2011 года Сяргей Іванавіч узначаліў папраўчую ўстанову ў Гурнофелі. Параўнальна нядаўна прыйшлі сюды на службу і памочнікі начальніка ПУАТ В.П. Барыбкін, старшы оперупаўнаважаны Д.В. Жагунь, начальнік атрада А.С. Капачоў, міліцыянер-дзяжурны А.С.Шкляр. На працягу шэрагу гадоў нясуць нялёгкую службу ў гэтай установе памочнікі начальніка Ю.З. Кузьма, В.В. Працкайла, старшы інспектар У.С. Амялевіч.
– У нас у калектыве сплаў маладосці і вопыту, узаемавыручка, жаданне вучыцца адзін ў другога, – падкрэсліваюць супрацоўнікі ПУАТ №31.
– Хачу ў наступным годзе паступаць у вышэйшую школу міліцыі, – цвёрда вырашыў самы юны член калектыву 20-гадовы Алег Шкляр. – Для мяне прыкладам прафесіяналізму служыць Сяргей Іванавіч Капуза – чалавек справядлівы, які ўмее быць патрабавальным да супрацоўнікаў, а з асуджанымі – прынцыповым і строгім. Так і павінна быць.
… Падчас гэтай не зусім звычайнай камандзіроўкі, вобразна кажучы, у “зону хімікаў” мы шмат гутарылі і з людзьмі ў пагонах, і з умоўна вызваленымі, вывучалі быт і брутальныя правілы жыцця гэтай спецыфічнай установы, выслухалі мноства гісторый і перыпетый лёсаў. Зразумела, што жыццё на “хіміі” – не санаторый, але, між іншым, тут сапраўды ёсць усе ўмовы, каб зрабіць “работу над памылкамі”, і выйшаўшы з гэтых сцен, крочыць па жыцці годна. Было б жаданне, былі б сіла волі пераадолець дрэнныя звычкі і мудрасць пачаць сваё жыццё з чыстага ліста.
Таццяна СТУПАКЕВІЧ.
Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Щучина

На міжнародным турніры па тайскім боксе юныя шчучынцы заваявалі сем прызавых месцаў

Хотите узнать больше? Выхаванцы секцыі “Таэквандо” Шчучынскага палаца творчасці дзяцей і моладзі дастойна выступілі на міжнародным турніры па тайскім боксе “Кубак 34

В Щучинском районе двадцать восемь котельных из тридцати трех работают на местные виды топлива

Хотите узнать больше? Благодаря хозяйскому подходу коммунальщиков к решению проблемы цена гигакалории теплоэнергии снизилась до 113 рублей 60 копеек – это один из самых 54

В Щучине прошел слет молодых специалистов

Хотите узнать больше? В диалоге с молодежью участвовали заместители председателя Щучинского райисполкома Анна Хведюк и Ян Мойсей, председатель Щучинского районного 82

Щучинец получил награду на престижном британском кинофестивале

Хотите узнать больше? Уроженец Щучина актер Дмитрий Гриневич получил награду на престижном британском кинофестивале Southampton International Film Festival за роль второго 114

Молодой эксперт помог раскрыть преступление в Щучинском районе

Хотите узнать больше? След, обнаруженный молодым экспертом на месте преступления в Щучинском районе, помог найти преступника. От дома в одной из деревень Щучинского района 110

“Дэмбраўская кадрыля” будзе ўключана ў Дзяржаўны спіс нематэрыяльных гісторыка-культурных каштоўнасцей

Хотите узнать больше? Адзінаццацікласніца Дэм­б­раў­с­кай школы Вераніка Ма­лыш­ка спасцігае «Дэмбраўскую кад­ры­лю» 11-ы год. Русая каса, бла­кіт­ныя вочы і нацыянальны 69

Молодежный центр откроют в Щучине в начале 2017 года

Хотите узнать больше? Молодежный развлекательный центр на месте старого кинотеатра откроют в Щучине в начале 2017 года, сообщил  генеральный директор КУП 73

У Васілішках прайшло свята музыкі Чэс­ла­ва Немэна "Дзіўны гэты свет"

Хотите узнать больше? Спакон вякоў Шчучынская зямля славілася сваімі працавітымі, сумленнымі і таленавітымі людзьмі. Менавіта тут нарадзіўся і правёў сваё дзяцінства 101