Закрыть

Выберите свой город

Закрыть

7 – лічба шчаслівая! Лічаць работнікі дзіцячага садка №7, выхоўваючы 175 дзетак па здароўезберагаючых тэхналогіях

7 – лічба шчаслівая! Лічаць работнікі дзіцячага садка №7, выхоўваючы 175 дзетак па здароўезберагаючых тэхналогіях

Сёлета дзіцячы садок №7 г. Шчучына адзначыў свой 25-гадовы юбілей. Вядома, было прыгожае і яркае свята: на падобнага кшталту імпрэзы тут проста майстры!
– Але такія даты заўжды нагода, каб азірнуцца назад і прааналізаваць зробленае, – лічыць загадчыца дзіцячай установы Наталля Мікалаеўна Панімаш. – А за чвэрць стагоддзя мы зарадзілі мноства цудоўных традыцый, стварылі дружны калектыў, у якім, нібы ў добрай сям’і, утульна і камфортна дзецям.
– Яны, нашы выхаванцы, тут галоўныя, вакол іх усё “круціцца”. І самае важнае ў рабоце нашага персаналу – захаваць і ўмацаваць здароўе малышоў.
Словы Наталлі Мікалаеўны – далёка не дэкларацыя. Шэсць з дванаццаці груп у садку №7 – спецыяльнага прызначэння. Што гэта значыць? Да прыкладу, бацькі надзвычай удзячны за эфектыўную работу груп, дзе карпатліва займаюцца з дзеткамі з парушэннем зроку. Урач-афтальмолаг Л.М.Лабеева пастаянна наведваецца сюды, каб даць чарговыя рэкамендацыі, пракантраляваць выкананне прызначэнняў і ... парадавацца за відавочныя поспехі падапечных. Ёсць выпадкі, калі юныя пацыенты, дзякуючы заняткам менавіта ў такіх групах, стопрацэнтна аднаўляюць зрок. А гэта ўжо сур’ёзная перамога над немаччу!

 

7 – лічба шчаслівая! Лічаць работнікі дзіцячага садка №7, выхоўваючы 175 дзетак па здароўезберагаючых тэхналогіях


Адна з груп у садку – санаторная, дзве – моўныя, дзе дэфектолагі вырашаюць праблемы з мовай у малышоў, яшчэ адна група – для дзяцей з асаблівасцямі развіцця. Дарэчы, працуюць такія групы кругласутачна. Дзетак забіраюць дамоў толькі на выхадныя, а гэта значыць, што насамрэч трэба стварыць хатнія ўмовы, каб ніхто не сумаваў.

 

– Гэтаму спрыяе душэўнасць і адданасць сваёй справе людзей, якія ў нас працуюць, – лічыць Н.М.Панімаш. – Узяць, да прыкладу, тых, хто стаяў ля вытокаў, а дакладней – працуе з дня адкрыцця дзіцячага садка. Гэта выхавацелі Ірына Янаўна Фядзюк, Ала Аляксандраўна Ступакевіч, Ганна Станіславаўна Аўсейчык, музычныя кіраўнікі Люцыя Янаўна Паўлюковіч і Таццяна Канстанцінаўна Шупаева, памочнікі выхавацеляў Люцыя Вітольдаўна Гусак, Тэрэза Валяр’янаўна Жалнерчык, Валянціна Антонаўна Станэйка. Яны – не проста добрасумленна выконваюць свае абавязкі, а ва ўсё, што б ні рабілі, ўкладваюць часцінку свайго нераўнадушнага сэрца. Сапраўдным прафесіяналам з’яўляецца і наш кухар – Ірына Аляксандраўна Кахновіч. Надзвычай адказна адносіцца да сваёй работы вартаўнік Лілія Мікалаеўна Будзіловіч. Урэшце рэшт, літаральна кожны з дзевяці дзесяткаў чалавек персаналу заслугоўвае самых ухвальных слоў, бо ў рабоце з дзецьмі не бывае дробязі. Кожны ўчастак, кожны этап выхавання адказны па-свойму, – сцвярджае загадчыца садка.

 

7 – лічба шчаслівая! Лічаць работнікі дзіцячага садка №7, выхоўваючы 175 дзетак па здароўезберагаючых тэхналогіях


Сама Наталля Мікалаеўна Панімаш таксама чалавек чулы і спагадлівы, што зусім не перашкаджае дзелавой энергічнасці і ўменню павесці за сабой, арганізаваць калектыў на добрыя справы. Чаго варта, да прыкладу, адна толькі ідэя правесці шэраг суботнікаў у лясгасе, каб заробленае пусціць на ўмацаванне матэрыяльна-тэхнічнай базы садка, якая, шчыра кажучы, за 25 год мае вялікую патрэбу ў паляпшэнні.
– Мы ўдзячны бацькам нашых выхаванцаў, якія таксама нам вельмі дапамагаюць, – гаворыць Наталля Мікалаеўна. – Аказаў спонсарскую дапамогу і масласырзавод. Увогуле будзем прыкладваць усе намаганні, каб ствараць дастойныя ўмовы для дзяцей.

 

Што тычыцца якасці выхаваўчага працэсу, то тут можна меркаваць па высокім ўзроўні “катэгарыйнасці” педагогаў: 11 з іх маюць вышэйшую катэгорыю, 21 – першую. Гэта вельмі добры паказчык, які, зразумела, падмацоўваецца рэальнымі справамі. Да прыкладу, партнёры, у якасці якіх выступаюць педагогі трэцяй гарадской школы, даюць станоўчую ацэнку падрыхтаванасці дзяцей да школы. У садку, між іншым, працуюць тры гурткі чытання, адзін – англійскай мовы, яшчэ адзін – танцавальны. Праўда, гэтыя заняткі платныя.

А вось сацыяльную накіраванасць можна прасачыць у тым, што тут 22 мнагадзетныя сям’і плацяць за садок толькі 50% ад вызначанай сумы, астатняе датуе дзяржава. З 18 лютага бягучага года павялічаны грашовыя нормы на харчаванне дзяцей, што вельмі станоўча адбілася на разнастайнасці страў, якія зараз прапануюць у дзіцячым садку. Садавіна, гародніна, карысныя малочныя напоі – усё гэта дапаўняе рацыён.

– У нас вельмі шмат планаў на будучыню, – прызнаецца Наталля Мікалаеўна Панімаш. – Самая галоўная рыса нашага калектыву – няўрымслівасць у творчасці, нежаданне спыняцца на дасягнутым. У якасці найпершага памочніка і аднадумца выступае намеснік загадчыка па асноўнай дзейнасці Людміла Іванаўна Шматко. У гэтыя дні мы працуем над азеляненнем і добраўпарадкаваннем тэрыторыі садка. У нас тут вялікае поле дзейнасці – прыгожы, экалагічны куточак. Хочацца стварыць такі асяродак, каб маладыя сем’і, выбіраючы садок для свайго малыша, не задумваючыся аддавалі перавагу нашай “шчаслівай сямёрцы”.
Таццяна ВАЛЯНЦІНАВА.
Фота Сяргея ГАРДЗЕЙЧЫКА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Щучина

Команда СШ №2 Щучина «Х-team» вернулась с победой с областного этапа республиканской школьной лиги по чирлидингу

Хотите узнать больше? Щучинские чирлидеры второй год подряд удерживают лидирующие позиции на областных соревнованиях.  Показать захватывающие шоу на высоте на областной 31

За опытом в Щучин приезжала делегация Рогачевского района Гомельской области

Хотите узнать больше? Руководители сельисполкомов интересовались, как организована работа органов управления и самоуправления, какие формы профилактической работы 28

Военного комиссара Щучинского района признали лучшим военным комиссаром страны

Хотите узнать больше? По итогам 2015/2016 учебного года военный комиссар Щучинского района подполковник Александр Гайдук признан лучшим военным комиссаром Республики 35

В Щучинском и Зельвенском районах спасли на пожарах троих человек

Хотите узнать больше? На пожаре в Щучинском районе работники МЧС спасли пенсионерку и её сына 8 января в половине первого ночи щучинские спасатели выехали на пожар в 29

Проект "Туризм без чемодана": едем в Щучин

Хотите узнать больше? Щучин: на взлетной полосе Каждый житель Щучина скажет вам, что у их города самый оригинальный герб, самый чудесный фонтан и самые вкусные сыры. 33

«Музей-землянка» в Щучинском районе пополнится новыми экспонатами

Хотите узнать больше?  Мемориальный комплекс «Музей-землянка» в Зачепичах  пополнится новыми экспонатами: сюда передислоцируется музей Великой Отечественной войны из 23

Юный щучинец стал победителем Международного конкурса молодых пианистов в Варшаве

Хотите узнать больше? Воспитанник Щучинской детской школы искусств Михаил Резчиков с победой вернулся с Международного конкурса молодых пианистов-виртуозов имени Леопольда 25

На катке в центре Щучина особенно многолюдно по вечерам и в выходные дни

Хотите узнать больше? Щучинцы приходят сюда отдохнуть, набраться сил, пообщаться. – Нам очень нравится проводить здесь свое свободное время, – делятся Артур Залога, 31