Закрыть

Выберите свой город

Закрыть

Бар’ер супраць добрасуседства

Жыхарка адной з вёсак раёна, каб нават візуальна не кантактаваць з суседкай, узвяла ля яе акна поліэтыленавую шырму

Прычым плёнку напачатку абрала чорную, а пасля ўмяшання гігіеністаў з раёна, маўляў, недапушчальна забіраць святло ў суседзяў, Рэгіна Юзэфаўна замяніла “чорны квадрат” на мутна-светлы. Галоўная функцыя яе збудавання пры гэтым не змянілася: не жадае бачыць суседку і ўсё тут!А мо наадварот: навошта, каб бачылі, што робіцца ў яе на падворку…

Чаму такая нецярпімасць у адносінах да сваёй кумы, з якой раней сябравала, якой у свой час нават даверыла дачушку хрысціць? У вёсцы дзіву даюцца: цяпер тая ўжо дарослая і дужа адукаваная дачка ад хроснай маці святло боскае закрывае! Не, не па-людску гэта, лічаць вяскоўцы.

А дачка Рэгіны Юзэфаўны не ўтаймоўвае эмоцый. Так, гэта яны, дзеці, вырашылі шчыт перад акном суседкі паставіць, каб яна не абражала і не крыўдзіла іх матулю.

– Ці ж не знаеце, што ўсе хваробы ад нерваў?! І мы аберажом маму, каб суседка сваімі беспадстаўнымі абразамі і сваркамі не давяла да найгоршага. І вы, напэўна, прыехалі, каб нашу маці да інфаркту давесці! Хто вас паслаў? Я ў вас пытаюся – хто вас паслаў? – грозна дапытваецца па тэлефоне з Мінска жанчына, якая ўмее слухаць толькі сябе і ведае толькі сваю праўду.

Тое, што з яе мамай мы вядзём упаўне мірную гутарку, яе не цікавіць. Галоўнае для яе запалохаць суразмоўцу, паказаць уласную юрыдычную дасведчанасць і сілу. Шчыра кажучы, ну не вельмі страшна. А вось вяскоўцы, з якімі давялося гутарыць, сцвярджаюць, што гэта сямейка ўсю вёску запалохала. Любяць у гэтым доме падкрэсліць, што бліжэйшыя сваякі ў сілавых структурах працуюць, пагоны салідныя носяць, законы ведаюць, а таму няхай засцерагаюцца тыя, хто нават па службовых абавязках завітвае ў двор да Рэгіны Юзэфаўны. А прыходзілі сюды многія – ад старшыні сельвыканкама і ўчастковага інспектара да прадстаўнікоў службы землеўпаракавання, архітэктуры, цэнтра гігіены і эпідэміялогіі. Раённы аддзел па надзвычайных сітуацыях таксама не ў баку: нядаўна ў Рэгіны Юзэфаўны згарэў хлеў. Па падліках вяскоўцаў, гэта ўжо трэці пажар на вяку жанчыны. Прычыны, вядома, высвятляюцца, але версія ў кожнай суседкі свая.

Выслухаўшы адзін бок, мы ідзем у суседнюю хату. За сталом сядзіць жанчына з вялікімі сумнымі вачыма, слёзы міжволі сцякаюць па шчаках, крыўда раздзірае сэрца. Перад акном не зялёная траўка і прыгожы сельскі пейзаж, а драўляныя рэйкі з нацягнутым поліэтыленам. За што?

…Так ужо гістарычна склалася ў гэтай вёсачцы, што паміж дамамі нават плоту няма – сцяна суседзяў і ёсць граніца паміж домаўладаннямі. Таму акно Крысціны Сямёнаўны непасрэдна выходзіць на падворак Рэгіны Юзэфаўны, а тая, карыстаючыся поўным правам гаспадыні на сваім двары, наняла работнікаў, якія ўкапалі дыхтоўныя такія слупы, замацавалі на іх драўляны каркас, на які і была нацягнута плёнка. Збудаванне, скажу я вам, уражвае: мала хто такое ў сваім жыцці бачыў. Сапраўдны бар’ер на шляху добрасуседства. Колькі б яе ні ўшчувалі, ні прасілі, але Рэгіна Юзэфаўна і чуць не жадае, што шырму-адгародку трэба дэманціраваць, як, не раўнуючы, тую Берлінскую сцяну, каб раз і назаўжды забыць былыя крыўды і будаваць новыя адносіны – калі не сяброўскія, то хаця б чалавечыя.

– А ні за што! Далібог, як плёнка парвецца, то шыфер маю – адгараджуся шыферам. Я здаравейшая, калі яе не бачу.

У вёсцы ж усё навідавоку. І ў хітрыкі пра тое, што адгароджваецца Юзэфаўна ад абразаў суседкі, мала хто верыць. Прычына, лічаць, зусім у іншым: не трэба, каб лішнія вочы бачылі, што робіцца на падворку, які кантынгенцік і з якой мэтай сюды рэгулярна заходжвае.

– Яна ж ужо колькі год самапальнай гарэлкай ды спіртам разбаўленым гандлюе, віно прадае хоць вечарам, хоць уначы, – з болем расказваюць жыхары вёскі. – Колькі гора і болю ў дамы прыносіць такі бізнэс! Людзі ў рэанімацыю ды на той свет трапляюць ад няякаснага “пойла”.

– Няхай спачатку знойдуць што, а потым абвінавачваюць, – парыруе дасведчаная Юзэфаўна. – Прызнаюся, раней займалася гэтым, нават штрафавалі мяне. А цяпер не займаюся! І няхай хто дакажа адваротнае!

Хто мае рацыю ў гэтым канфлікце, судзіць не бяромся. Для старонняга капацца ў такім кіпучым варыве – сабе даражэй: можаш і крайнім застацца. Кожны з суседзяў паказвае сябе нявінна пацярпелым, а апанента – агрэсарам і супастатам. Адгародка перад акном, як помнік варожасці. Няўжо так і застанецца стаяць не толькі людзям, але і курам на смех? І калі жанчыны сталага веку не могуць знайсці між сабою агульную мову, то няхай бы іх адукаваныя, інтэлігентныя, законапаслухмяныя дзеці здолелі растлумачыць, што трэба годна жыць, і пакінуць пра сябе добрую памяць, светлы след на зямлі. На тое мы людзі!

Рэальныя імёны дзеючых асоб у гэтым тэатры абсурду з поліэтыленавай шырмай мы наўмысна не ўказваем. Так хочацца, каб нашы героі адумаліся. Можа, дзякуючы гэтай карэспандэнцыі, убачылі б сябе збоку, крытычна пераасэнсавалі ўласныя ўчынкі. Яны ж глыбока веруючыя хрысціяне, дый грамадская думка ніколі не была абыякавай для вяскоўца. Дык навошта ж парушаць спрадвечныя для нашых вёсак традыцыі добрасуседства і ўзаемадапамогі? Няўжо так цяжка жыць па-чалавечы?

Таццяна ВАЛЯНЦІНАВА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Щучина

На міжнародным турніры па тайскім боксе юныя шчучынцы заваявалі сем прызавых месцаў

Хотите узнать больше? Выхаванцы секцыі “Таэквандо” Шчучынскага палаца творчасці дзяцей і моладзі дастойна выступілі на міжнародным турніры па тайскім боксе “Кубак 46

В Щучинском районе двадцать восемь котельных из тридцати трех работают на местные виды топлива

Хотите узнать больше? Благодаря хозяйскому подходу коммунальщиков к решению проблемы цена гигакалории теплоэнергии снизилась до 113 рублей 60 копеек – это один из самых 62

В Щучине прошел слет молодых специалистов

Хотите узнать больше? В диалоге с молодежью участвовали заместители председателя Щучинского райисполкома Анна Хведюк и Ян Мойсей, председатель Щучинского районного 86

Щучинец получил награду на престижном британском кинофестивале

Хотите узнать больше? Уроженец Щучина актер Дмитрий Гриневич получил награду на престижном британском кинофестивале Southampton International Film Festival за роль второго 124

Молодой эксперт помог раскрыть преступление в Щучинском районе

Хотите узнать больше? След, обнаруженный молодым экспертом на месте преступления в Щучинском районе, помог найти преступника. От дома в одной из деревень Щучинского района 123

“Дэмбраўская кадрыля” будзе ўключана ў Дзяржаўны спіс нематэрыяльных гісторыка-культурных каштоўнасцей

Хотите узнать больше? Адзінаццацікласніца Дэм­б­раў­с­кай школы Вераніка Ма­лыш­ка спасцігае «Дэмбраўскую кад­ры­лю» 11-ы год. Русая каса, бла­кіт­ныя вочы і нацыянальны 76

Молодежный центр откроют в Щучине в начале 2017 года

Хотите узнать больше? Молодежный развлекательный центр на месте старого кинотеатра откроют в Щучине в начале 2017 года, сообщил  генеральный директор КУП 79

У Васілішках прайшло свята музыкі Чэс­ла­ва Немэна "Дзіўны гэты свет"

Хотите узнать больше? Спакон вякоў Шчучынская зямля славілася сваімі працавітымі, сумленнымі і таленавітымі людзьмі. Менавіта тут нарадзіўся і правёў сваё дзяцінства 110