Закрыть

Выберите свой город

Закрыть

Прынясіце кветкі салдатам, што свабоду для нас здабылі…

Прынясіце кветкі салдатам, што свабоду для нас здабылі…

Разам з усёй Беларуссю Шчучыншчына ўрачыста адзначыла Дзень Незалежнасці краіны. Трэцяга ліпеня, як і ў Дзень Перамогі, у кожнай беларускай сям’і ўспаміналі родных, блізкіх, землякоў, што не вярнуліся з франтоў Вялікай Айчыннай. Дзякуючы гэтым салдатам вайны, якія аддалі сваё жыццё за свабоду нашай краіны, мы жывём пад мірным небам. У такія, самыя важныя для нашай Радзімы дні, адчуваеш асаблівы гонар за свой народ, які выстаяў і не аддаў ворагу ні пядзі роднай зямлі.

…Святочная калона, нібы плынь, якая звязвае мінулае і сучаснасць, плаўна рухалася па цэнтральнай вуліцы горада.
Прынясіце кветкі салдатам, што свабоду для нас здабылі…

Ветэраны, кіраўнікі раёна, ваенныя, прадстаўнікі працоўных калектываў, моладзь, школьнікі з кветкамі, шарыкамі, транспарантамі накіроўваліся да абеліска ў гарадскім парку, дзе, па даўняй традыцыі, шчучынцы і госці горада адзначаюць галоўнае свята нашай краіны – Дзень Рэспублікі. Разам крочаць прадстаўнікі розных пакаленняў. Іх раздзяляе час, але аб’ядноўвае адна агульная радасць – краіна, у якой мы жывём, свабодная і незалежная.

Прынясіце кветкі салдатам, што свабоду для нас здабылі…

На некалькі хвілін рух калоны спыняецца – да помніка на брацкай магіле ў гарадскім скверы старшыня Шчучынскага райвыканкама С.І. Ушкевіч і старшыня раённага Савета дэпутатаў І.Ю. Сакалоўскі ускладаюць вянок, на халодны камень кладуцца кветкі і вянкі ад працоўных калектываў, ветэранаў, моладзі… На магіле воінаў-вызваліцеляў, якія назаўсёды засталіся ў шчучынскай зямлі, гарыць Вечны агонь… Гэта – наша памяць, наш смутак і наша ўдзячнасць…

Прынясіце кветкі салдатам, што свабоду для нас здабылі…

Каля абеліска ў парку – ганаровая варта. Яе нясуць вучні СШ №2 г. Шчучына, якія рыхтуюцца стаць выратавальнікамі. Мужнымі і смелымі, як воіны, што вызвалялі нашу краіну ад ворага.

Самыя дарагія святыні, вышэйшыя сімвалы Беларусі – герб, сцяг і гімн. У Дзень Рэспублікі, у час святочнага мітынгу, узвіўся дзяржаўны сцяг нашай краіны, які ўзнялі Любоў Яўменаўна Пералехава – ветэран Вялікай Айчыннай вайны, Іван Паўлавіч Хільмановіч – ветэран працы, Алена Баляславаўна Ступакевіч – спецыяліст па ідэалагічнай рабоце РУП ЖКГ і Анастасія Рунец – вучаніца СШ №2 г. Шчучына.

Прынясіце кветкі салдатам, што свабоду для нас здабылі…

Да ветэранаў і ўдзельнікаў мітынгу звяртаецца старшыня Шчучынскага райвыканкама Сяргей Іосіфавіч Ушкевіч. Ён гаворыць аб тым, што гісторыя нашай краіны занатавала на сваіх старонках шмат важных падзей, свят і дат, аднак асаблівае месца займае Дзень Незалежнасці, адзначаючы які мы звяртаемся да вытокаў беларускай дзяржаўнасці, намячаем новыя рубяжы, будуем новыя планы.

Сяргей Іосіфавіч нагадаў, што беларуская зямля не раз станавілася арэнай спусташальных войнаў. Але самым цяжкім выпрабаваннем для нашага народа стала Вялікая Айчынная. Таму падзеі 1944 года, выдатна распрацаваная аперацыя “Багратыён”, у ходзе якой Беларусь была ачышчана ад нямецка-фашысцкіх захопнікаў, назаўсёды ўвайшлі ў гісторыю краіны. Барацьба з ворагам пачалася з таго самага моманту, калі ён ступіў на беларускую зямлю, і закончылася, калі нямецкія захопнікі былі канчаткова знішчаны.

Прынясіце кветкі салдатам, што свабоду для нас здабылі…

З першых дзён вайны мужна змагаліся пагранічнікі і абаронцы Брэсцкай крэпасці, сарвалі план маланкавай вайны абаронцы Гродна, Мінска, Оршы, Магілёва і іншых гарадоў. Баі ішлі за кожную пядзю зямлі, да апошняга патрона і да апошняга дыхання. Захапіўшы нашу зямлю, гітлераўцы ўстанавілі рэжым крывавага тэрору. Яны знішчалі насельніцтва, імкнуліся запалохаць людзей і падавіць іх волю і супраціўленне. Але ўсё гэта было дарэмна: нішто не магло параўнацца з сілай патрыятызму і духу, адзінствам людзей.

У гэтай вайне Беларусь страціла кожнага трэцяга свайго жыхара, былі разбураны амаль 200 гарадоў і пасёлкаў, больш за 9 тысяч вёсак. Не стала выключэннем і Шчучыншчына. Таму кожны наш жыхар так глыбока шануе памяць аб загінуўшых, даражыць мірам і свабодай, беражліва адносіцца да тых, хто набліжаў светлы Дзень Перамогі.

Прынясіце кветкі салдатам, што свабоду для нас здабылі…

Лета 44-га прынесла доўгачаканую свабоду. Трэба было аднаўляць народна-гаспадарчы комплекс краіны. Пакаленне людзей, якое прайшло ўсе кругі ваеннага пекла, здзейсніла яшчэ адзін подзвіг – знайшло ў сабе сілы і адрадзіла родную Айчыну.

– Паважаныя ветэраны! – звярнуўся да галоўных гасцей урачыстасці старшыня райвыканкама. – У гэтыя святочныя дні мы з асобай цеплынёй дзякуем вам – воінам-вызваліцелям за ваш вялікі подзвіг. Сёння вы – наша надзейная духоўная апора і падтрымка. Дарагія землякі! Беларусь, калі стала незалежнай дзяржавай, вызначыла свой уласны шлях развіцця, арыентаваны на сацыяльна накіраваную эканоміку, захаванне стабільнасці і паступовы рух наперад. Ісці непракладзеным шляхам заўсёды цяжка. І тым не менш, Беларусь упэўнена крочыць наперад. Мы павінны берагчы нашу Радзіму ў імя тых, хто цаною свайго жыцця здабываў для нас свабоду і незалежнасць, і мацней з’яднаць свае рады, каб з гонарам вытрымаць усе выпрабаванні, якія прыгатавала нам жыццё.

Прынясіце кветкі салдатам, што свабоду для нас здабылі…

Своеасаблівы экскурс у гісторыю партызанскага руху зрабіў старшыня раённай ветэранскай арганізацыі Эдмунд Станіслававіч Дзікевіч. Ён расказаў, што першыя партызанскія выстралы ўпершыню прагучалі 27 і 28 чэрвеня 1941 года пад Пінскам і Віцебскам, а на Шчучыншчыне партызанскія атрады пачалі стварацца ў канцы 41-га.

– У беларускага народа ёсць два важныя святы – Дзень Перамогі і Дзень Незалежнасці, – звяртаючыся да гасцей свята, сказаў Эдмунд Станіслававіч. – Свабода нам дасталася вельмі дорага і мы павінны яе шанаваць. Згодна з некаторымі данымі, нямецкія захопнікі меркавалі пакінуць у жывых толькі 10-15 працэнтаў жыхароў нашай краіны. Аднак іх зверствы не зламалі людзей. У нашага пакалення вайна ўкрала дзяцінства. І сёння нам вельмі радасна ад таго, што нашы ўнукі могуць жыць у свабоднай, мірнай і незалежнай краіне.

Прынясіце кветкі салдатам, што свабоду для нас здабылі…

Мінута маўчання… У глыбокім смутку, схіліўшы галовы, стаяць ветэраны. Яны ўспамінаюць сваіх баявых таварышаў, ваенныя шляхі-дарогі… І, напэўна, пераносяцца ў думках у тыя страшныя гады. У задуменні – моладзь. На шчасце, юнакі і дзяўчаты не чулі грукатання кананад. Яны жывуць у мірнай краіне, за якую цяпер у адказе.

– Мы павінны зрабіць усё магчымае, каб наш народ больш ніколі не зведаў жахлівых падзей той страшнай вайны, – ад імя маладога пакалення гаворыць сямікласніца СШ №3 г. Шчучына Надзея Дысько. – Нам быў патрэбны толькі мір, і яго для нас здабылі салдаты Вялікай Айчыннай.

Прынясіце кветкі салдатам, што свабоду для нас здабылі…

Шчучынская зямля славіцца самаадданай працай і талентам сваіх людзей. Шчучынцы ганарацца сваім укладам у агульную скарбонку рэспублікі і стараюцца, каб наша краіна стала яшчэ больш моцнай, багатай і квітнеючай. У Дзень Незалежнасці Кніга славы Шчучынскага раёна папоўнілася новымі імёнамі. Такога гонару былі ўдастоены Мікалай Агафонавіч Канстанцінаў – заслужаны работнік сельскай гаспадаркі Беларусі і Мікалай Мікалаевіч Юр’еў – удзельнік Вялікай Айчыннай вайны. Ганаровых грамадзян павіншаваў старшыня райвыканкама С.І. Ушкевіч, уручыў ім пасведчанні і падарункі.

Да падножжа абеліска кладуцца вянкі і кветкі. Жыве наша памяць пра загінуўшых…

Прынясіце кветкі салдатам, што свабоду для нас здабылі…

…Свята з нагоды Дня Незалежнасці працягвалася на алеях парка. Гучалі песні, ладзіліся танцы, праходзілі спартыўныя спаборніцтвы… Сваім хараством і непаўторнасцю вабілі вясковыя падворкі, дэманстравалі свае вырабы ўмельцы цэнтра рамёстваў. А госці з Ліды прыехалі да шчучынцаў з падарункам – каля раскінутага шатра праходзіла цікавае прадстаўленне, галоўнымі героямі якога былі сярэдневяковыя рыцары. Гасцінна запрашалі гандлёвыя палаткі.

У гэты дзень у Шчучыне прайшло многа іншых цікавых мерапрыемстваў. Гараджане прынялі ўдзел у рэспубліканскай акцыі “Спяём гімн разам”.
Ганна РУДСКАЯ.
Фота Алы БІБІКАВАЙ.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Щучина

На міжнародным турніры па тайскім боксе юныя шчучынцы заваявалі сем прызавых месцаў

Хотите узнать больше? Выхаванцы секцыі “Таэквандо” Шчучынскага палаца творчасці дзяцей і моладзі дастойна выступілі на міжнародным турніры па тайскім боксе “Кубак 37

В Щучинском районе двадцать восемь котельных из тридцати трех работают на местные виды топлива

Хотите узнать больше? Благодаря хозяйскому подходу коммунальщиков к решению проблемы цена гигакалории теплоэнергии снизилась до 113 рублей 60 копеек – это один из самых 58

В Щучине прошел слет молодых специалистов

Хотите узнать больше? В диалоге с молодежью участвовали заместители председателя Щучинского райисполкома Анна Хведюк и Ян Мойсей, председатель Щучинского районного 84

Щучинец получил награду на престижном британском кинофестивале

Хотите узнать больше? Уроженец Щучина актер Дмитрий Гриневич получил награду на престижном британском кинофестивале Southampton International Film Festival за роль второго 119

Молодой эксперт помог раскрыть преступление в Щучинском районе

Хотите узнать больше? След, обнаруженный молодым экспертом на месте преступления в Щучинском районе, помог найти преступника. От дома в одной из деревень Щучинского района 115

“Дэмбраўская кадрыля” будзе ўключана ў Дзяржаўны спіс нематэрыяльных гісторыка-культурных каштоўнасцей

Хотите узнать больше? Адзінаццацікласніца Дэм­б­раў­с­кай школы Вераніка Ма­лыш­ка спасцігае «Дэмбраўскую кад­ры­лю» 11-ы год. Русая каса, бла­кіт­ныя вочы і нацыянальны 71

Молодежный центр откроют в Щучине в начале 2017 года

Хотите узнать больше? Молодежный развлекательный центр на месте старого кинотеатра откроют в Щучине в начале 2017 года, сообщил  генеральный директор КУП 74

У Васілішках прайшло свята музыкі Чэс­ла­ва Немэна "Дзіўны гэты свет"

Хотите узнать больше? Спакон вякоў Шчучынская зямля славілася сваімі працавітымі, сумленнымі і таленавітымі людзьмі. Менавіта тут нарадзіўся і правёў сваё дзяцінства 105