Закрыть

Выберите свой город

Закрыть

Нявесцін камень – ажыўшая гісторыя зямлі

У справе рэалізацыі праектаў ашмянскія бібліятэкары маюць багаты вопыт. За апошнія пяць год ім тройчы пашчасціла выйсці ў пераможцы конкурсу міні-грантаў, аб’яўленага грамадскім аб’яднаннем “Фонд імя Льва Сапегі” сумесна з Асацыяцыяй мясцовага самакіравання Еўразвязу. І гэта пры тым, што праекты не тычыліся напрамую бібліятэчнай дзейнасці. Віртуальны музей мерыдыяна Дугі Струвэ ў Гальшанах, добрыя справы на тэрыторыі Кальчунскага сельсавета (дзіцячая пляцоўка, масток праз рэчку, яблыневы сад), а цяпер і новая турыстычная кропка на карце раёна — усё гэта стала магчымым дзякуючы намаганням людзей, якія думаюць не аб тым, як адсядзець на рабочым месцы адведзеныя графікам восем гадзін, а нясуць асвету і пашыраюць нашы веды пра родны край, дапамагаюць жыхарам раёна ў вырашэнні сацыяльных праблем і пытанняў, тым самым робяць іх жыццё лепшым.

Нявесцін камень – ажыўшая гісторыя зямлі

Вось і валун “Нявесцін камень” дзякуючы краязнаўчаму аб’яднанню пры цэнтральнай раённай бібліятэцы стаў не толькі каштоўнейшай крыніцай па вывучэнні духоўнай культуры, але і набыў вядомасць як сярод мясцовых жыхароў, так і сярод турыстаў, што наведваюць Ашмяншчыну.

Менавіта па ініцыятыве бібліятэчных работнікаў у свой час было створана аб’яднанне “Знай край”. Неабыякавыя, творчыя людзі, якія жывуць адной ідэяй, знаходзяць час, каб зрабіць новыя адкрыцці ў гісторыі, літаратуры, геаграфіі, этнаграфіі роднай старонкі, пазнаёміцца з аднадумцамі не толькі з другіх куткоў Беларусі, але і з-за мяжы.

У мінулым годзе ўдзельнік аб’яднання Сяргей Жылік прапанаваў больш грунтоўна вывучыць Нявесцін камень, які знаходзіцца на тэрыторыі Навасёлкаўскага сельсавета. Так нарадзіўся праект з аднайменнай назвай, якому выпаў шчаслівы білет у конкурсе міні-праектаў “Тандэм ІІ“.

Нявесцін камень – ажыўшая гісторыя зямлі

Ажыццяўленне праекта завяршылася ў верасні. Вынікі яго былі падведзены на пасяджэнні “круглага стала”, на якім гутарка ішла не толькі аб грунтоўнай рабоце, праведзенай згодна з планам-заданнем праекта, але і аб мэтавым выкарыстанні грашовых сродкаў, выдаткаваных на яго ажыццяўленне, а гэта звыш 13 тысяч долараў.

У пасяджэнні прынялі ўдзел члены рабочай групы: Галіна Балінская, начальнік аддзела ідэалагічнай работы, культуры і па справах моладзі, кіраўнік праекта; Вольга Тарашкевіч, куратар праекта, кіраўнік аматарскага аб’яднання; Валянціна Лузіна, дэпутат Палаты прадстаўнікоў Нацыянальнага сходу Рэспублікі Беларусь чацвёртага склікання; Міраслаў Кобаса, старшыня праўлення Фонду імя Льва Сапегі; Барбара Эліа, фінансавы менеджар Асацыяцыі агенцтваў мясцовай дэмакратыі; Дзмітрый Сокал, эксперт Фонду імя Льва Сапегі; Андрэй Гардзей, начальнік раённай інспекцыі прыродных рэсурсаў і аховы навакольнага асяроддзя; Марына Белавус, дырэктар цэнтралізаванай бібліятэчнай сістэмы; Наталля Садоўская, загадчык аддзела бібліятэчнага маркетынгу раённай цэнтральнай бібліятэкі; Марына Мантур, бухгалтар праекта і інш.

Праектам было прадугледжана добраўпарадкаванне прылягаючай да валуна тэрыторыі. Асноўны груз работ на гэтым этапе ўзялі на сябе работнікі Ашмянскага лясніцтва. Не засталіся ўбаку ад гэтай справы вучні і педагогі мясцовай школы, а таксама валанцёрская група навучэнцаў аграрна-эканамічнага каледжа. Сумеснымі намаганнямі быў высечаны хмызняк, прарэджаны лес, выкашана пляцоўка, пасаджаны елачкі. Падыход да каменю падсыпаны шчэбнем. Для большай зручнасці пры спуску да валуна ўсталяваны драўляныя прыступкі з парэнчамі. Пастаўлены лаўкі, добраўпарадкавана аглядавая пляцоўка.

Для збору інфармацыі аб камені была арганізавана этнаграфічная экспедыцыя. На жаль, не так многа ў жыхароў навакольных вёсак засталося звестак, але тыя легенды і паданні, што захаваліся ў іх памяці, ляглі ў аснову выдавецкіх матэрыялаў. Асобнай брашурай выдадзены матэрыялы краязнаўчай канферэнцыі “Валуны – маякі гісторыі”. Вынікі этнаграфічнай экспедыцыі занатаваны ў відэаматэрыяле “Валун, авеяны легендамі”. Непасрэдна на аб’екце ўстаноўлены інфармацыйны банер, пастаўлены дарожны ўказальнік.

Работнікі культуры падрыхтавалі прэзентацыю турыстычнага аб’екта ў выглядзе тэатралізаванага прадстаўлення. Для гэтых мэт набыта гукавое абсталяванне і сцэнічныя касцюмы.

Сур’ёзная этнаграфічная і даследчая работа, праведзеная ў ходзе рэалізацыі праекта, стала падставай для збору дакументаў па ўключэнні валуна ў спіс нематэрыяльнай гісторыка-культурнай спадчыны Беларусі.

Нявесцін камень – ажыўшая гісторыя зямлі

Урачыстае адкрыццё турыстычнага аб’екта “Нявесцін камень” стала заключным этапам у рэалізацыі праекта і першым мерапрыемствам у праграме правядзення тыдня культуры, аб’яўленага аддзелам ідэалагічнай работы, культуры і па справах моладзі. Адзначыць гэтую важную для раёна падзею сабраліся ўдзельнікі “круглага стала” “Вынікі праекта “Нявесцін камень” і яго роля ў рэгіянальным развіцці”, а таксама дэпутат Палаты прадстаўнікоў Нацыянальнага сходу Рэспублікі Беларусь Наталля Кучынская, намеснікі старшыні райвыканкама Галіна Люткоўская і Вадзім Пашкоўскі, старшыня Навасёлкаўскага сельвыканкама Андрэй Садоўскі, ляснічы Ашмянскага лясніцтва Вячаслаў Панасевіч, вучні і настаўнікі Навасёлкаўскага ВПК, мясцовыя жыхары.

Нявесцін камень – ажыўшая гісторыя зямлі

Больш за ўсіх гэтай знакавай падзеі чакаў, напэўна, сам валун. Паважна ляжаў ён у Рамбакоўскім рове, ззяючы ружовымі бакамі. Культавы валун, якому пакланяліся нашы продкі, набыў другое жыццё. Прынесены да нас 130-150 тысяч год назад ледніком з Аландскіх астравоў, што ля берагоў Швецыі, гэты цуд прыроды прадаўжае прыцягваць людзей.

Кажуць, калі маладая дзяўчына хоча хутчэй выйсці замуж, ёй неабходна абавязкова дакрануцца да валуна і — яе мары спраўдзяцца. А яшчэ ходзяць чуткі, што камень гэты і іншыя жаданні спаўняе. Хочацца ў гэта верыць гэтак жа, як і ў тое, што да валуна ніколі не зарасце сцежка, пакуль будуць жыць людзі, для якіх духоўная культура свайго народа з’яўляецца найвялікшым скарбам, а яе захаванне – святым абавязкам.

Аліна САНЮК.

Фота Святланы МУЦЯНСКАЙ.


Поделиться в соц. сетях
Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нявесцін камень – ажыўшая гісторыя зямлі

Нравится
Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ошмян

Как белорусы будут отдыхать и работать в апреле и мае (инфографика)

Хотите узнать больше? Изображение использовано в качестве иллюстрации. Фото из архива Край.бай На следующей неделе белорусы помянут предков на Радуницу. А в мае 25

Акция «Молодежь за чистоту городов и сел» проходит в Ошмянском районе

Хотите узнать больше? Весна – время пробуждения природы. Время наводить порядок в нашем общем «доме»: в городе и деревне, на улицах, в парках и скверах, во дворах домов и 22

Предстоящая неделя в Беларуси будет холодной

Хотите узнать больше? Изображение использовано в качестве иллюстрации. Фото из архива Край.бай Средняя температура воздуха на этой неделе в Беларуси ожидается на 3-7 32

Край.бай разыграе два квіткі на канцэрт "Масты сяброўства – Беларусь-Расія"

Хотите узнать больше? Кіраўнік сімфанічнага аркестра Маладзечанскага музыкальнага каледжа імя М.-К. Агінскага Рыгор Сарока. Фота з архіву Край.бай 18 красавіка ў 19.00 на 36

В Гольшанской детской школе искусств открылась выставка, посвященная празднику Пасхи

Хотите узнать больше? Светлый праздник Пасхи с нетерпением ожидают не только взрослые, но и дети. Несомненно, ведь для ребят в пасхальные дни наступает особая пора веселья 36

В Ошмянском районе разыскивают мужчину, напавшего на пенсионерку

Хотите узнать больше? Об этом сообщил официальный представитель управления Следственного комитета по Гродненской области Сергей Шершневич. Ошмянский РОСК возбудил 57

Александр Лукашенко поручил за три-четыре года привести в порядок местные дороги

Хотите узнать больше? Изображение использовано в качестве иллюстрации. Фото из архива Край.бай Местная дорожная сеть в Беларуси в течение трех-четырех лет должна быть 62

Выставка «Наполеон Орда. Подорожные зарисовки» откроется 6 апреля в Ошмянах

Хотите узнать больше? Выставка откроется в Ошмянском краеведческом музее имени Ф.К. Богушевича. В этот же день гостей пригласят на краеведческую панораму «Дух времени и 34