Закрыть

Выберите свой город

Закрыть

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У апошнія дні летніх канікул настаўнікі збіраюцца на традыцыйную жнівеньскую нараду: менавіта на гэтым вялікім педагагічным савеце дружная сям’я аднадумцаў-прафесіяналаў падводзіць вынікі работы за мінулы год і вызначае прыярытэты развіцця сістэмы адукацыі на год бягучы. Кожнаму ёсць што сказаць у гэты дзень: падзяліцца вопытам у выхаванні і навучанні, выказаць з трыбуны сваё меркаванне наконт той ці іншай адукацыйнай альбо выхаваўчай праблемы, падзякаваць за адданую працу і ўручыць заслужаныя ўзнагароды, павіншаваць калег з чарговым навучальным годам, які будзе, як і год мінулы, шчодрым на інавацыі і адкрыцці і стане надзейным крокам наперад, у заўтрашні дзень.

У Ашмянах прайшла традыцыйная жнівеньская нарада настаўнікаў

Неад’емнай часткай сёлетняй жнівеньскай нарады стала выстава метадычнага майстэрства настаўнікаў раёна, якая была разгорнута ў холе райвыканкама. На выставе былі прадстаўлены напрацоўкі па ўсіх накірунках дзейнасці ў адукацыйнай прасторы, у тым ліку і дасягненні ў рэалізацыі рэспубліканскіх інавацыйных праектаў (у мінулым годзе сем устаноў адукацыі раёна працавалі ў інавацыйным рэжыме). У Год моладзі гучна заявіла аб сабе маладзёжная палата: з яе дзейнасцю можна было азнаёміцца на інтэрактыўнай пляцоўцы “Хто, калі не мы?”. Упершыню была арганізавана партрэтная галерэя лепшых педагогаў і іх выхаванцаў пад назвай «Супрацоўніцтва — умова поспеху». Цэнтр творчасці дзяцей і моладзі наладзіў выставу работ вучняў, якія развіваюць свае здольнасці і таленты ў аб’яднаннях па інтарэсах, створаных пры ўстанове.

У Ашмянах прайшла традыцыйная жнівеньская нарада настаўнікаў

Для сістэмы адукацыі раёна мінулы навучальны год адзначаны шэрагам перамог і дасягненняў. З гонарам начальнік аддзела адукацыі, спорту і турызму Святлана Баркоўская агучыла іх у сваім выступленні. У абласным конкурсе па развіцці рэгіянальных сістэм адукацыі Ашмянскі раён узнагароджаны дыпломам II ступені. Званне «Кіраўнік года Гродзеншчыны» атрымаў дырэктар СШ № 1 Міхаіл Гружэўскі. У Кнігу гонару Гродзенскай вобласці занесена прозвішча дырэктара Ашмянскай школы-інтэрната Уладзіміра Бізюка. Лаўрэатам конкурсу «Настаўнік года Рэспублікі Беларусь» у 2014 годзе стала Марына Дудойць, настаўніца фізікі СШ № 1. Вучаніца X класа СШ № 2 Кацярына Кунц паказала лепшыя вынікі ў гісторыі адукацыі Ашмянскага раёна па матэматыцы: у складзе каманды Гродзенскай вобласці стала пераможцам XVI рэспубліканскага турніру юных матэматыкаў, пераможцам заключнага этапу рэспубліканскай алімпіяды па матэматыцы (дыплом II ступені); заваявала бронзавы медаль на Еўрапейскай матэматычнай алімпіядзе сярод дзяўчат. Кацярына Кунц (СШ №2) і Вадзім Масцяніца (Жупранская СШ) узнагароджаны прэміяй спецыяльнага фонду Прэзідэнта Рэспублікі Беларусь. Кацярына дадаткова ўзнагароджана стыпендыяй і нагрудным знакам «Лаўрэат спецыяльнага фонду Рэспублікі Беларусь па сацыяльнай падтрымцы адораных навучэнцаў і студэнтаў». Упершыню атрыманы 100-бальныя рэзультаты па выніках цэнтралізаванага тэсціравання па беларускай мове — Ангеліна Хілінская, Навасёлкаўскі яслі-сад-сярэдняя школа; па хіміі – Ілона Грыб, гімназія № 1.

У Ашмянах прайшла традыцыйная жнівеньская нарада настаўнікаў

Надзейным стымулам развіцця стаў штогадовы раённы рух па вызначэнні школы ўзорнай якасці і парадку, а таксама лепшай ўстановы дашкольнай адукацыі. За 2014 год імі сталі сярод гарадскіх устаноў СШ №1, сярод сельскіх — Навасёлкаўскі яслі-сад-сярэдняя школа, сярод устаноў дашкольнай адукацыі — Кракоўскі яслі-сад, яслі-сад №3.

У раёне вядзецца мэтанакіраваная работа па павышэнні прэстыжу педагагічнай прафесіі. Традыцыйна праводзяцца конкурсы прафесійнага майстэрства як сярод вопытных педагогаў, так і маладых спецыялістаў, якія робяць першыя крокі ў сваёй прафесіі. Дзейнічае зладжаная сістэма маральнага і матэрыяльнага заахвочвання лепшых педагогаў. За мінулы навучальны год адзначаны 134 педагагічныя работнікі раёна.

У Ашмянах прайшла традыцыйная жнівеньская нарада настаўнікаў

Ганаровай граматай Адміністрацыі Прэзідэнта Рэспублікі Беларусь узнагароджаны Міхаіл Гружэўскі, дырэктар СШ № 1. Ганаровай граматай Гродзенскага абласнога выканаўчага камітэта адзначана плённая праца Валянціны Чарняцовай, настаўніцы матэматыкі СШ № 2. Нагрудным знакам “Выдатнік адукацыі” ўзнагароджана Любоў Пятрова, настаўніца гісторыі СШ № 2.

У мінулым навучальным годзе аддзел адукацыі, спорту і турызму, а таксама пяць устаноў агульнай сярэдняй адукацыі раёна па выніках вывучэння і аналізу дзейнасці атрымалі годную ацэнку Дэпартамента кантролю якасці адукацыі Міністэрства адукацыі.

Спынілася ў сваім выступленні Святлана Мікалаеўна і на пытаннях удасканалення матэрыяльна-тэхнічнай базы ўстаноў адукацыі, стварэння бяспечных умоў для ўдзельнікаў адукацыйнага працэсу, павышэння якасці адукацыі. Была адзначана станоўчая дынаміка ў вырашэнні пытанняў адукацыйнага і кваліфікацыйнага ўзроўняў педагагічных кадраў. На працягу апошніх гадоў паспяхова вырашаецца задача забеспячэння ўстаноў адукацыі раёна мясцовымі кадрамі за кошт накіравання выпускнікоў школ на педагагічныя спецыяльнасці ў ВНУ і каледжы.

У Ашмянах прайшла традыцыйная жнівеньская нарада настаўнікаў

Яскравым пацвярджэннем таму стаў сёлетні год. 44 маладыя спецыялісты ўліліся ў дружную педагагічную сям’ю Ашмяншчыны. Большасць з іх – ураджэнцы нашага раёна. З наказам да маладых настаўнікаў звярнулася дырэктар Жупранскай СШ Кацярына Астрамовіч, яшчэ зусім нядаўна малады спецыяліст, а сёння – творчы і крэатыўны кіраўнік школы. Выдатна справіліся са сваім першым іспытам маладыя спецыялісты Сабіна Чымбар, Вікторыя Вашчук, Аляксей Акінча і Лізавета Камінская, якія трымалі слова на раённай сцэне ад імя сваіх калег.

Сёлета ў дырэктарскім корпусе раёна адбыліся значныя змены. У пяць устаноў адукацыі прыйшлі новыя

У Ашмянах прайшла традыцыйная жнівеньская нарада настаўнікаў

кіраўнікі. На раённым настаўніцкім педсавеце шмат добрых слоў гучала ў адрас Антона Шмуксты (Кальчунская СШ), Антаніны Савёнак (гімназія №1), Рамана Янушкевіча (Навасёлкаўскі ВПК), Марыі Басалыга (Кальчунскі дашкольны цэнтр развіцця дзіцяці) і Святланы Савіцкай (Цудзенішскі ВПК). Бясцэнны педагагічны вопыт і жыццёвы досвед гэтых кіраўнікоў нельга змераць чалавечымі меркамі. Яны ўсё сваё жыццё прысвяцілі педагогіцы. Іх прыклад самаахвярнага служэння прафесіі назаўжды будзе ўпісаны ў гісторыю настаўніцтва Ашмяншчыны. Маладым кіраўнікам экс-дырэктары перадалі сімвалічны ключ ад устаноў адукацыі, дзе яны працавалі не адзін дзясятак год.

Настойлівасці і цярпення, асабістага і прафесійнага шчасця, яркіх перамог у новым навучальным годзе пажадалі педагогам старшыня райвыканкама Міраслаў Сарасек, дэпутат Палаты прадстаўнікоў Нацыянальнага сходу Рэспублікі Беларусь Наталля Кучынская, галоўны спецыяліст аддзела дашкольнай і агульнай сярэдняй адукацыі ўпраўлення адукацыі Гродзенскага аблвыканкама Анжаліка Кухта. Музычнае віншаванне сваім любімым настаўнікам і выхавацелям падарылі выхаванцы ясляў-сада №3.

У Ашмянах прайшла традыцыйная жнівеньская нарада настаўнікаў

Яркім акордам святочнай жнівеньскай нарады стала ўзнагароджванне лепшых педагогаў раёна, якія ўнеслі значны ўклад у развіццё сістэмы адукацыі раёна. Ганаровымі граматамі Міністэрства адукацыі Рэспублікі Беларусь адзначана праца настаўніцы пачатковых класаў СШ №2 Людмілы Гайдукевіч, настаўніцы грамадазнаўства СШ №3 Яніны Жвірыдоўскай, настаўніцы фізікі СШ №3 Ганны Чубрык, галоўнага спецыяліста аддзела адукацыі, спорту і турызму Жанны Загорскай. Граматамі Міністэрства адукацыі РБ узнагароджаны галоўны спецыяліст аддзела адукацыі, спорту і турызму Лілія Малашкевіч, загадчык дашкольнага цэнтра развіцця дзіцяці г. Ашмяны Наталля Буйніцкая, намеснік дырэктара па вучэбнай рабоце, настаўніца музыкі СШ №3 Галіна Яскель. Дыпломам абласнога Савета дэпутатаў і прэміяй у памеры 80 базавых велічынь узнагароджана настаўніца матэматыкі СШ №2 Валянціна Чарняцова.

Высокая ацэнка дзейнасці настаўнікаў – сведчанне таго, што ў сістэме адукацыі працуюць педагогі-прафесіяналы, плады старання якіх мы пажынаем не толькі ў канцы кожнага навучальнага года, а збіраем і карыстаемся імі ўсё жыццё.

Аліна САНЮК.

Фота Аляксандра НАУМЧЫКА.


Поделиться в соц. сетях
У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

У Ашмянах прайшла традыцыйная жнівеньская нарада настаўнікаў

Нравится
Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ошмян

В Ошмянах открыли дом совместного проживания для пожилых людей (фото)

Хотите узнать больше? В Ошмянах открыли дом совместного проживания для пожилых людей. Фото с сайта www.osh.by Дом совместного самостоятельного проживания граждан пожилого 29

На белорусско-литовской границе сохраняются очереди: на выезд в «Котловке» стоят 130 машин, в «Каменном Логе» – 300 фур

Хотите узнать больше? Данная камера установлена непосредственно на въезде в пункт пропуска «Каменный Лог» (выезд из Республики Беларусь). Фото с сайта gpk.gov.by На 10.00 28

Школы здоровья работают в Ошмянах и Островце

Хотите узнать больше? Изображение использовано в качестве иллюстрации. Фото с сайта www.quiron.es Школы здоровья создают в учреждениях образования Гродненской области. 42

Спортсменка из Ошмянского района стала бронзовым призером чемпионата мира по армрестлингу

Хотите узнать больше? В начале октября в Благоевграде (Болгария) проходил чемпионат мира по армрестлингу. Белорусские спортсмены завоевали четыре медали — две золотые и 37

Ошмянская таможня изъяла партию товаров более чем на 580 тысяч белорусских рублей

Хотите узнать больше? Об этом сообщили в пресс-группе Ошмянской таможни.  Сотрудники отдела по борьбе с контрабандой и административными таможенными правонарушениями 28

Лучший школьный повар Ошмянского района работает в Цуденишках

Хотите узнать больше? Конкурс «Лучший по профессии» среди школьных поваров проходил в Ошмянском районе. Фото с сайта www.osh.by В этом году в районном кулинарном 32