Закрыть

Выберите свой город

Закрыть

У аб’ектыве – сямейныя традыцыі

Кожны з нас уваходзіць у жыццё грамадства праз браму сваёй сям’і. І, здаецца, ні з чым не параўнаеш прыцягненне роднага парога, бацькоўскага дома. Таму што чалавек павінен мець свой кут, свой бераг у моры жыцця. І, зразумела, кожная сям’я за час свайго існавання назапашвае пэўнае кола прадметаў, якія ўяўляюць сабой не толькі памяць пра мінулае, але і пэўную гістарычную і грамадскую каштоўнасць.

У аб’ектыве – сямейныя традыцыі


Ашмянскі краязнаўчы музей імя Ф.К. Багушэвіча ў мінулую пятніцу запрасіў усіх зацікаўленых на ўрачыстае адкрыццё выставы “Сям’я ў аб’ектыве”. Гэтае мерапрыемства сабрала ў сціплай музейнай зале даволі многа гасцей. Сярод гледачоў былі вучні 11 класа СШ № 3 з класным кіраўніком Ядзвігай Казіміраўнай Прасалоўскай. Але сапраўднымі героямі сталі прадстаўнікі сем’яў Ашмяншчыны, якім была прысвечана гэтая выстава.

Гэта сем’і майстроў-рукадзельнікаў Селістроўскіх і Свірскіх, сям’я аматараў турызма Кошань, доктарская дынастыя Лукашэвічаў і Гучыкаў, удзельнікі рэспубліканскай акцыі “Сям’я. Служым разам!” – сям’я Чэрскіх.

На выставе была прадстаўлена яшчэ адна сям’я, якой можа ганарыцца не толькі Ашмяншчына, але нават і ўся Беларусь. Гэта сям’я Францішка Казіміравіча Багушэвіча. З расказа пра яе пачалося ўласна мерапрыемства. Пра яго бацькоў нам вядома няшмат. Але відавочна, што добрыя дзеці бываюць у добрых бацькоў. І адзін з класікаў беларускай літаратуры, сапраўдны патрыёт не стаў бы тым, кім стаў, без уплыву сваёй сям’і. Ды і яго дзеці, Канстанцыя і Томаш, не падвялі ўжо сваіх бацькоў і таксама сталі годнымі людзьмі, якія сваімі здольнасцямі прыносілі карысць грамадству.

У аб’ектыве – сямейныя традыцыі

Затым адбылося знаёмства з гісторыяй сям’і Кошань. Яе прадстаўнікі – Ганна  і Юрый – расказалі пра свае поспехі і захапленні. Сярод іншага, юнак пазнаёміў прысутных з разнастайным альпінісцкім рыштункам, прадстаўленым на экспазіцыі. Дарэчы, гэтыя рэчы перадала дырэктар цэнтра турызму і краязнаўства Тэрэза Вацлаваўна Кошань. Сама яна, на жаль, не змагла папрысутнічаць на адкрыцці выставы.

У аб’ектыве – сямейныя традыцыі

Былі прадстаўлены сем’і сапраўдных нашых умельцаў – Свірскіх і Селістроўскіх. Музейную залу ўпрыгожылі работы, зробленыя іх умелымі рукамі. Галіна Міхайлаўна Селістроўская, колішні дырэктар хлебазавода, паказала ўзоры сваёй вышыўкі. Усяго яна мае каля 120 работ, аднак дома іх значна менш. Справа ў тым, што пры ўсялякай добрай нагодзе Галіна Міхайлаўна дорыць свае работы родным і сябрам. Адказваючы на пытанні вядучых, жанчына падзялілася няхітрым сакрэтам свайго натхнення, якім аказалася імкненне да прыгажосці. Галіна Міхайлаўна выхавала траіх дзяцей і перадала ім свае ўменні. Цяпер яна на заслужаным адпачынку, але не сядзіць склаўшы рукі, а дапамагае гадаваць унукаў, клапоціцца пра маці, якой ужо дзевяноста год, улетку ўпрыгожвае падворак. Таксама яна з’яўляецца сталай і актыўнай удзельніцай хору ветэранаў нашага раёна, таму невыпадкова на заканчэнне свайго кароткага выступу яна падарыла гасцям музычны падарунак. Ім стала песня “Одинокая бродит гармонь” пад акампанемент даўняга сябра музея і прафесійнага музыкі Эдуарда Горыда.

Творчасць стала прызваннем і паўсядзённай працай для Валянціны Казіміраўны Свірскай, якая працуе дырэктарам сельскага Дома народнай творчасці і рамёстваў ў вёсцы Паляны. Вынікі яе рознабаковай дзейнасці былі з цікавасцю сустрэты публікай. Яе муж, Міхаіл Гендрыкавіч, хоць па асноўнай працоўнай дзейнасці і не артыст, але з’яўляецца ўдзельнікам і салістам народнага ансамбля народнай песні “Жытніца”, таму яго голас можна пачуць не толькі на хатніх, але і на грамадскіх урачыстасцях. Таксама стараннямі галавы сямейства, сярод іншага, набыты дрэваапрацоўчы станок – вось што значыць сапраўдная ахвота майстраваць. Гэтая цікавасць перадалася і малодшаму сыну, які  з дзяцінства марыў працаваць з дрэвам. Валянціна Казіміраўна не толькі прадэманстравала ўласныя творы прыкладнога мастацтва, але і расказала невялікую байку. І нават не верылася, што Валянціна і Міхаіл – бацькі траіх дзяцей і ўжо нават маюць унука.

Наступнай выступіла сям’я, для якой слова “служба” – не пусты гук. Кіраўнік аператыўна-дзяжурнай службы Ашмянскага РАУС Дзмітрый Аляксандравіч Чэрскі і яго жонка, выкладчык дзіцячай школы мастацтваў і выдатная скрыпачка Таццяна Віктараўна разам з дочкамі Юліяй і Марыяй расказалі пра свае агульныя захапленні і заняткі. Гэтая сям’я добра вядома не толькі ў нашым раёне, але і за яго межамі. Некалькі год таму менавіта сям’я Чэрскіх перамагла ў раённым і ўдзельнічала ў абласным конкурсе шматдзетных сем’яў. А ў мінулым годзе яны годна прадставілі Гродзеншчыну ў фінале рэспубліканскай акцыі “Сям’я. Служым разам!” Прыклад бацькі паўплываў на выбар прафесіі сына Дзмітрыя, які цяпер з’яўляецца курсантам факультэта міліцыі Акадэміі МУС Беларусі. Таццяна Віктараўна дуэтам з дачкой Юліяй выканалі чароўную мелодыю з рэпертуару гурта “Secret Garden” (“Таемны сад”).

І апошняй сям’ёй, якая была прадстаўлена на адкрыцці выставы, сталі прадстаўнікі дынастыі медыцынскіх работнікаў – урачы-стаматолагі Міхаіл Іванавіч і Ада Іванаўна Лукашэвічы. Гэты падцягнуты статны мужчына ўзначальваў аддзяленне стаматалогіі, а потым стаматалагічную паліклініку 35 год, яго жонка – таксама працавала доўгі час стаматолагам. І нават пасля выхаду на пенсію яны не пакінулі сваю прафесію і працягваюць працу – з 2006 году Міхаіл Іванавіч адкрыў індывідуальнае прадпрымальніцтва, Ада Іванаўна – яго “правая рука”, памочнік ва ўсіх справах. У прафесійнай дзейнасці яны строга прытрымліваюцца асноўнага прынцыпу клятвы Гіпакрата – не нашкодзь. Іх дзеці, Аляксей і Марына, перанялі адданасць і любоў да медыцынскай справы: сын таксама абраў спецыяльнасць стаматолага, дачка – загадчыца Цэнтральнай раённай аптэкі. Старэйшы сын Марыны Міхайлаўны Ілья пайшоў па шляху бабулі і дзядулі – ўжо сёлета ён заканчвае стаматалагічны факультэт Беларускага дзяржаўнага медыцынскага ўніверсітэта. Як сказаў Міхаіл Іванавіч, развіццё медыцынскай навукі не стаіць на месцы, увесь час з’яўляюцца нейкія інавацыі. Разам з сынам на курсах павышэння кваліфікацыі ён ужо пабываў, цяпер марыць з’ездзіць на курсы з унукам. У невялікай асветніцкай лекцыі ён расказаў пра асаблівасці працы стаматолага, уменні і якасці медыка, а таксама даў некалькі карысных парад.

У аб’ектыве – сямейныя традыцыі

У аб’ектыве – сямейныя традыцыі

Завяршылася адкрыццё выставы прыгожай песняй у выкананні Марыны Гендрыкаўны Горыд, якой падпявалі ўсе ахвотныя. Гукі баяна і скрыпкі дапоўнілі прачуленае выкананне.

Вядучыя, навуковыя супрацоўнікі музея Ірына Бусловіч і Вольга Вінцаловіч правялі мерапрыемства на годным узроўні, яны ад імя ўсяго дружнага музейнага калектыву выказалі падзяку ўсім тым, хто аказаў дапамогу ў афармленні выставы і пагадзіўся выступіць на адкрыцці. Таксама супрацоўнікі музею падзякавалі за ўвагу прысутным. Сустрэча з таленавітымі, захопленымі адзінай мэтай сем’ямі Ашмянскага раёна прайшла вельмі плённа і карысна. Выстава “Сям’я ў аб’ектыве” працягнецца да сярэдзіны красавіка. Прыходзьце на яе са сваімі сем’ямі!

Дзмітрый РАДКЕВІЧ.

Фота Аляксандра НАУМЧЫКА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ошмян

Как белорусы будут отдыхать и работать в апреле и мае (инфографика)

Хотите узнать больше? Изображение использовано в качестве иллюстрации. Фото из архива Край.бай На следующей неделе белорусы помянут предков на Радуницу. А в мае 24

Акция «Молодежь за чистоту городов и сел» проходит в Ошмянском районе

Хотите узнать больше? Весна – время пробуждения природы. Время наводить порядок в нашем общем «доме»: в городе и деревне, на улицах, в парках и скверах, во дворах домов и 22

Предстоящая неделя в Беларуси будет холодной

Хотите узнать больше? Изображение использовано в качестве иллюстрации. Фото из архива Край.бай Средняя температура воздуха на этой неделе в Беларуси ожидается на 3-7 32

Край.бай разыграе два квіткі на канцэрт "Масты сяброўства – Беларусь-Расія"

Хотите узнать больше? Кіраўнік сімфанічнага аркестра Маладзечанскага музыкальнага каледжа імя М.-К. Агінскага Рыгор Сарока. Фота з архіву Край.бай 18 красавіка ў 19.00 на 34

В Гольшанской детской школе искусств открылась выставка, посвященная празднику Пасхи

Хотите узнать больше? Светлый праздник Пасхи с нетерпением ожидают не только взрослые, но и дети. Несомненно, ведь для ребят в пасхальные дни наступает особая пора веселья 36

В Ошмянском районе разыскивают мужчину, напавшего на пенсионерку

Хотите узнать больше? Об этом сообщил официальный представитель управления Следственного комитета по Гродненской области Сергей Шершневич. Ошмянский РОСК возбудил 57

Александр Лукашенко поручил за три-четыре года привести в порядок местные дороги

Хотите узнать больше? Изображение использовано в качестве иллюстрации. Фото из архива Край.бай Местная дорожная сеть в Беларуси в течение трех-четырех лет должна быть 62

Выставка «Наполеон Орда. Подорожные зарисовки» откроется 6 апреля в Ошмянах

Хотите узнать больше? Выставка откроется в Ошмянском краеведческом музее имени Ф.К. Богушевича. В этот же день гостей пригласят на краеведческую панораму «Дух времени и 34