Закрыть

Выберите свой город

Закрыть

Фізкультурна-аздараўленчы комплекс адкрыўся ў Ашмянах

Фізкультурна-аздараўленчы комплекс адкрыўся ў Ашмянах

У мінулую пятніцу на Ашмяншчыне ўрачыста адчыніў свае дзверы адзін з самых значных і доўгачаканых аб’ектаў – фізкультурна-аздараўленчы комплекс.

Гэтай падзеі ашмянцы чакалі не адзін год. Ён прапаноўваўся для ўключэння ў рэспубліканскую інвестыцыйную праграму на 2009 год, аднак па пэўных прычынах так і не ўвайшоў. І толькі абласная інвестыцыйная праграма 2012 года, згодна з якой з абласнога бюджэта на будаўніцтва было выдаткавана 8 мільярдаў рублёў, зрушыла справу з мёртвай кропкі. Пры гэтым загадзя гатовы праект (распрацаваны яшчэ ў 2008 годзе) падвергся карэкціроўцы. Будаўніцтва было раздзелена на два этапы. Першапачаткова ў праекце выдзелены першы пускавы комплекс, у які ўвайшлі вялікая спартыўная зала са стандартнай універсальнай пляцоўкай для гандболу і міні-футболу плошчай па лініі гульнявога поля 20 на 40 метраў і глядзельнымі трыбунамі на 180 месцаў. Адпаведнасць міжнародным стандартам дазволіць праводзіць тут спартыўныя мерапрыемствы высокага ўзроўню. Акрамя гэтага ў спартыўны комплекс уключана зала цяжкай атлетыкі плошчай 9 на 18 метраў, а таксама кабінеты для трэнераў, буфет, раздзявалкі, душавыя і іншыя бытавыя памяшканні.

Фізкультурна-аздараўленчы комплекс адкрыўся ў Ашмянах

Будаўніцтва распачалося вясной мінулага года. У гэтым годзе з абласнога бюджэту дадаткова выдзелена 14 мільярдаў 217 тысяч рублёў. Як будаўнічыя, так і аддзелачныя работы ўзялі на сябе работнікі ААТ “Будаўнік”. На святочнай цырымоніі адкрыцця дырэктар арганізацыі Аляксандр Сазановіч уручыў сімвалічныя ключы ад комплекса старшыні райвыканкама Міраславу Сарасеку. У сваім выступленні кіраўнік раёна падзякаваў за новы аб’ект не толькі будаўнікам, але і спартсменам, бо дзякуючы іх спартыўным дасягненням аб Ашмянах ведаюць не толькі ў рэспубліцы, але і ў свеце. Заняткі ў светлых прасторных залах спартыўна-аздараўленчага комплексу, бясспрэчна, будуць садзейнічаць развіццю масавага спорту і ўмацаванню здароўя жыхароў Ашмяншчыны. І хто ведае, можа ў хуткім часе ганаровы спіс нашых землякоў, у які ўваходзяць алімпійскія чэмпіёны Андрэй Барбашынскі (алімпійскі чэмпіён 1992 года ў складзе зборнай СССР па гандболе) і Сяргей Гарлуковіч ( алімпійскі чэмпіён 1988 года ў складзе зборнай СССР па футболе), удзельнік Алімпійскіх гульняў 1936 года Міхаіл Вярсоцкі (стральба), майстры спорту міжнароднага класа па спартыўнай хадзьбе Віталь Гардзей і Рэгіна Лосева, майстар спорту міжнароднага класа па мотакросе Юрый Лопух,  майстар спорту па мотакросе Аляксандр Гіруць, а таксама нашы маладыя надзеі, выхаванцы трэнера Міхаіла Станкевіча, сярод якіх чэмпіён свету ў сілавым трохбор’і Аляксей Рыжко, прызёр чэмпіянату свету па паўэрліфтынгу Вадзім Бізуковіч, папоўніцца новымі імёнамі.

У адкрыцці спартыўнага аб’екта прынялі ўдзел ганаровыя госці: гордасць нашага горада, ганаровы жыхар Андрэй Барбашынскі, намеснік старшыні Беларускай федэрацыі гандболу Іван Семяненя, алімпійскі чэмпіён (1988 год, г. Сеул, гандбол) Аляксандр Каршакевіч, намеснік начальніка-начальнік аддзела фізкультурна-масавай работы і турызму ўпраўлення фізічнай культуры, спорту і турызму Гродзенскага аблвыканкама Міхаіл Кажура. З пажаданнем далейшага развіцця і памнажэння спартыўных традыцый на Ашмяншчыне звярнулася да сваіх землякоў дэпутат Палаты прадстаўнікоў Нацыянальнага сходу Рэспублікі Беларусь Наталля Кучынская, якая падарыла навасёлам тэлевізар. Аляксандр Каршакевіч у дар сваім калегам ад федэрацыі гандболу перадаў гандбольныя мячы і камплекты спартыўнай формы.

Першымі апрабаваць пакрыццё спартыўнай залы выйшлі гандбалісты з Мінска: юнацкая зборная каманда Рэспублікі Беларусь 1996 года нараджэння і маладзёжная зборная краіны 1994 года. Каменціраваў гульню галоўны дыктар сталічнага стадыёна “Дынама”, суддзя-інфарматар  Леанід Бандаровіч. У якасці балельшчыкаў выступілі жыхары Ашмян:  на адкрыццё першай чаргі сацыяльна значнага аб’екта (другая ўключае будаўніцтва басейна) прыйшлі і людзі сталага ўзросту, і моладзь, і юныя жыхары горада. Сёння некаторыя з іх - вучні СШ №2 і гарадской гімназіі - прымалі ўдзел у цырымоніі адкрыцця комплексу, а заўтра яны актыўна ўключацца ў работу секцый і разам са сваімі трэнерамі будуць пакараць спартыўныя вяршыні.

Аліна БЕЛІЦКАЯ
Фота Святланы МУЦЯНСКАЙ

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ошмян

В Ошмянах открыли дом совместного проживания для пожилых людей (фото)

Хотите узнать больше? В Ошмянах открыли дом совместного проживания для пожилых людей. Фото с сайта www.osh.by Дом совместного самостоятельного проживания граждан пожилого 23

На белорусско-литовской границе сохраняются очереди: на выезд в «Котловке» стоят 130 машин, в «Каменном Логе» – 300 фур

Хотите узнать больше? Данная камера установлена непосредственно на въезде в пункт пропуска «Каменный Лог» (выезд из Республики Беларусь). Фото с сайта gpk.gov.by На 10.00 24

Школы здоровья работают в Ошмянах и Островце

Хотите узнать больше? Изображение использовано в качестве иллюстрации. Фото с сайта www.quiron.es Школы здоровья создают в учреждениях образования Гродненской области. 38

Спортсменка из Ошмянского района стала бронзовым призером чемпионата мира по армрестлингу

Хотите узнать больше? В начале октября в Благоевграде (Болгария) проходил чемпионат мира по армрестлингу. Белорусские спортсмены завоевали четыре медали — две золотые и 33

Ошмянская таможня изъяла партию товаров более чем на 580 тысяч белорусских рублей

Хотите узнать больше? Об этом сообщили в пресс-группе Ошмянской таможни.  Сотрудники отдела по борьбе с контрабандой и административными таможенными правонарушениями 26

Лучший школьный повар Ошмянского района работает в Цуденишках

Хотите узнать больше? Конкурс «Лучший по профессии» среди школьных поваров проходил в Ошмянском районе. Фото с сайта www.osh.by В этом году в районном кулинарном 30