Закрыть

Выберите свой город

Закрыть

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

Раніца 6 верасня пачалася ў Шчучыне з пасадкі сада Малітвы каля храма святога Архістраціга Міхаіла, Хрэснага ходу да храма Богаяўлення і Божай літургіі.

Напярэдадні ўвечары ў горад даставілі Непагасную Лампаду з Благадатным агнём ад Гроба Гасподняга. Яе прынеслі ўдзельнікі 22-й рэспубліканскай навукова-асветніцкай экспедыцыі “Дарога да святыняў”, якая 2 верасня рушыла ў шлях ад галоўнага храма краіны – Свята-Духава кафедральнага сабора ў сталіцы. Адмераўшы сотні кіламетраў па тэрыторыі трох абласцей, экспедыцыя стала святым сімвалам Дня беларускага пісьменства.

А потым адбылася падзея, пра якую марыла не адно пакаленне шчучынцаў: пасля доўгай рэстаўрацыі адкрыўся адноўлены палац князёў Друцкіх-Любецкіх - двайнік рэзідэнцыі французскіх каралёў - палаца Малы Трыанон на тэрыторыі Версаля. Будаўнікі мясцовай Шчучынскай МПМК-167 ААТ “Гроднааблсельбуд” і сталічныя рэстаўратары пастараліся: помнік архітэктуры прадстаў ва ўсёй прыгажосці!

На ўрачыстай цэрымоніі адкрыцця палаца высокіх гасцей і гараджан сустракалі …самі князі Друцкія-Любецкія. Тэатралізаваная цырымонія прайшла на адным дыханні пад цудоўныя гукі інструментальнага ансамбля Шчучынскай дзіцячай школы мастацтваў “Дывертысмент”. Радасць падзеі з жыхарамі сталіцы Дня беларускага пісьменства раздзялілі намеснік прэм’ер-міністра Беларусі Міхаіл Русы, намеснік Главы Адміністрацыі Прэзідэнта Рэспублікі Беларусь Ігар Бузоўскі, міністр інфармацыі Лілія Ананіч, міністр адукацыі Міхаіл Жураўкоў, міністр культуры Барыс Святлоў, старшыня Гродзенскага аблвыканкама Уладзімір Краўцоў, дэпутаты, дзяржаўныя дзеячы, духавенства.

- Гродзеншчына – край з багатый гісторыяй і значнымі культурнымі традыцыямі, - адзначыў намеснік старшыні Гродзенскага аблвыканкама Віктар Лісковіч. - Наша зямля дала свету нямала выдатных дзеячоў мастацтва, якія стварылі і перадалі нам багатую духоўную спадчыну, неад’емнай часткай якой з’яўляюцца і родавыя сядзібы. Адна з іх - палац Друцкіх-Любецкіх.

Віктар Андрэевіч падкрэсліў, што гэты палац будзе выкарытоўвацца для развіцця творчых здольнасцяў дзяцей і моладзі. Ён лічыць, што створаныя ўмовы дапамогуць выхаваць новыя таленты, якія праславяць Гродзеншчыну.

- Палац - падарунак не толькі Шчучыну, але і ўсёй сістэме адукацыі краіны, - адзначыў міністр адукацыі Міхаіл Жураўкоў. - Спадзяюся, што ў Шчучынскім раёне вырасце яшчэ не адна знакавая асоба.

Прыкладам паспяховай інвестыцыі дзяржавы ў культуру назваў адрэстаўвараны палац Друцкіх-Любецкіх старшыня Шчучынскага райвыканкама Сяргей Ложачнік. Ён выказаў шчырую падзяку Нацыянальнаму арганізацыйнаму камітэту па пажрыхтоўцы і святкаванні Дня беларускага пісьменства, кіраўніцтву гродзенскага аблвыканкама, будаўнікам Шчучынскай МПМК-167 і субпадрадных арганізацый, праекціроўшчыкам, мастакам-рэстаўратарам і ўсім неабыякавым людзям, намаганнямі якіх была здзейснена вялікая і важная справа.

… Першымі на экскурсію ў палац ўвайшлі высокія госці, за імі – гараджане, якія не хавалі пачуццяў. У палац з эксклюзіўнымі люстрамі, лепкай, адноўленымі дзвярыма, элементамі даўніны вярнуўся былы шык. І сённяшнія ўладальнікі трох тысячаў квадратных метраў хараства – таленавітая дзятва і моладзь. У былых княжацкіх пакоях размясціўся цэнтр творчасці дзяцей і моладзі, музей і канферэнц-зала.

- Гэта такі шыкоўны падарунак для нас, - гаворыць дырэктар Палаца творчасці дзяцей і моладзі Ірына Дзегцярова. – Дзякуй. Мы не сумняваемся, што гэты цудоўны палац паслужыць новым пакаленням і стане сапраўднай візітоўкай Шчучына.

Увазе шчучынцаў і гасцей свята у шыкоўных пакоях палаца прадстаўлена музейная экспазіцыя Гродзенскага дзяржаўнага гісторыка-археалагічнага музея, фотавыстава “Беларусь у Першай сусветнай вайне” і выстава “Лепшыя кнігі Беларусі”.

Дарэчы, палац Друцкіх-Любецкіх узведзены ў Шчучыне ў XIX стагоддзі па ініцыятыве князя Францішка Ксаверыя віленскім архітэктарам Раствароўскім. Прататыпам палаца стаў вядомы Малы Трыанон у Версалі. У савецкія часы ў палацы размяшчаўся Дом афіцэраў. Рэстаўрацыю былой княжацкай рэзідэнцыі ў стылі неакласіцызму на беразе возера ў цэнтральнай частцы Шчучына пачалі 11 гадоў таму, аднак не ўдавалася яе завяршыць з-за недахопу сродкаў. Род Друцкіх-Любецкіх у свой час быў даволі ўплывовым. Францыск Ксаверы Друцкі-Любецкі быў вядомым дзяржаўным дзеячам, Гродзенскім, а затым Віленскім губернатарам, міністрам фінансаў у Каралеўстве польскім. Менавіта па яго ініцыятыве быў пабудаваны Аўгустоўскі канал.
***

Увесь Шчучын пераўтварыўся ў адну агульную святочную пляцоўку. Працуюць шмат фестывальных пляцовак, святочны гандаль, горад майстроў. На плошчы Свабоды працягвае работу фестываль кнігі і прэсы.

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

У дзень беларускага пісьменства адкрыўся адноўлены палац князёў Друцкіх-Любецкіх

Ала БIБIКАВА
http://grodnonews.by/ru/3/0/nodes?search=Автор:
Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Гродно

Чествование чемпионов: хоккеистам «Немана» вручили золотые медали

Хотите узнать больше? Сегодня на базе отдыха «Привал» Гродненской табачной фабрики  чествовали хоккейную команду «Неман» -- победителя чемпионата страны  сезона 0

Президент Беларуси Александр Лукашенко вручил государственные награды

Хотите узнать больше? Президент Беларуси Александр Лукашенко во Дворце Независимости  вручил Государственные премии 2016 года и государственные награды работникам 50

Проект "Туризм без чемодана": едем в Свислочь

Хотите узнать больше? В поиске новых впечатлений, интересного и приятного отдыха необязательно отправляться в далекое путешествие. Много удивительного и необычного, 58

Герой Беларуси, председатель СПК «Прогресс-Вертелишки» Василий Ревяко встретился с талантливой молодежью

Хотите узнать больше? Герой Беларуси, Заслуженный работник сельского хозяйства Республики Беларусь, кандидат сельскохозяйственных наук, председатель СПК 63

Гродненщина присоединилась к республиканскому субботнику (Дополнено)

Хотите узнать больше? Около трехсот сорока тысяч жителей Гродненщины принимают участие в республиканском субботнике. Во время субботника жители региона вышли наводить 160

Послание Президента: Для нас это важно

Хотите узнать больше? – Светлана Литвиненок, заслуженная артистка Республики Беларусь, актриса Гродненского областного драматического театра: – Здоровая, образованная 87

Какие местные дороги отремонтируют и где появятся новые веломаршруты?

Хотите узнать больше? На заседании областной комиссии по обеспечению безопасности дорожного движения ее председатель, заместитель председателя облисполкома Владимир Дешко 64