Закрыть

Выберите свой город

Закрыть

Герард

Герард

Чарнобыль ударыў балюча не толькі па жыццях і здароўі беларусаў. Несалодка прыйшлося і пабудовам, якія апынуліся ў зоне адчужэння. Менавіта сярод пакінутых і занядбаных будынкаў сустракаюцца і гістарычныя помнікі, і некалі самавітыя сядзібы, і старадаўнія маёнткі, у якіх жылі вядомыя людзі.

Адным з такіх месцаў лічыцца палац Герарда, які знаходзіцца ў вёсцы Дзям’янкі нашага раёна (на здымку). Людзі пачалі пакідаць паселішча ў канцы 80-х гадоў ХХ века, і з таго часу будынак паступова руйнуецца.

Па словах дырэктара раённага краязнаўчага музея Аляксандра Агеева, вёска перайшла ў валоданне Мікалая Герарда ў 1876 годзе. Гэты чалавек быў даволі вядомай асобай у Расійскай імперыі: з’яўляўся сусветным суддзёй Пецярбурга, старэйшым старшынёй Варшаўскай судовай палаты, а таксама членам Дзяржаўнага Савета. У перыяд з 1905 года па 1908 год ён займаў пасаду генерал-губернатара Фінляндыі. У канцы ХIХ века Герард вырашыў пабудаваць сабе сядзібу і разбіць вакол яе ўтульны парк. Будынак быў выкананы з выкарыстаннем элементаў псеўдарускага стылю, вежу ўпрыгожвалі зубцы, а аздабленне вокнаў, сцен і кутоў нагадвала старажытнарускае дойлідства. Парк вакол сядзібы месціўся на двух ярусах, якія злучаліся лесвіцай. Да гэтага часу там захаваліся шматлікія незвычайныя дрэвы, якія не характэрны для Беларусі: каласістая ірга, чорная сасна, горкі каштан і іншыя.

Пасля рэвалюцыі 1917 года сядзіба была ператворана ў дзіцячы дом, у часы СССР тут знаходзілася спецшкола, а ўлетку палац служыў піянерскім лагерам. Як высветлілася, сядзіба Герарда мае і сваю сумную легенду. Кажуць, што ў часы Першай сусветнай вайны ў доме размяшчаўся полк рускіх войскаў. Паміж адным з афіцэраў і дачкой генерал-губернатара Рытай завязаліся адносіны, аднак хутка полк пайшоў на фронт. Нікога не абвясціўшы аб сваім намеры, дзяўчына адправілася ўслед за сваім каханым. Але такі ўчынак вельмі раззлаваў бацьку, і ён загадаў тэрмінова вярнуць дачку дадому. Рыта так і не змагла пагадзіцца з гэтым: аднойчы позна ўвечары яна прыйшла да ракі Іпуць, прысела на дубовы корч і застрэлілася з бацькоўскага пісталета. Пахавалі няшчасную ў фамільным склепе недалёка ад маёнтка. Далей легенда сведчыла аб тым, што пасля рэвалюцыі трое маладых людзей узламалі магілу. Адзін з іх адразу ж памёр на месцы, другі пражыў яшчэ некаторы час, але таксама скора пайшоў на той свет, а трэці страціў розум. Па словах мясцовых жыхароў, доўгі час у вёсцы потым можна было назіраць прывід дачкі Герарда, якім пужалі непаслухмяных дзяцей.

З 2010 года вышэйназванае месца было прызнана міжнародным і нацыянальным здабыткам.

Па ініцыятыве раённага камітэта грамадскага аб’яднання БРСМ 5 лістапада 2011 года ў вёсцы Дзям’янкі на тым самым месцы, дзе знаходзіцца сядзіба Мікалая Герарда, прайшла акцыя пад назвай “Займіся карыснай справай”. У ёй прынялі ўдзел актывісты ГА БРСМ М. Давыдзенка, С. Ліпянкоў, С. Халшчанкоў, М. Шаўцоў, В. Бардоўскі, У. Случанкоў, Д. Уладзіміраў, С. Веркін, Д. Фроня, Д. Бруянкоў, А. Цяленчанка, В. Шэліпаха, а таксама супрацоўнікі Добрушскага РАУС, РАНС і штат работнікаў Добрушскага выканаўчага камітэта. Непасрэдны ўдзел у навядзенні парадку на тэрыторыі былой сядзібы Герарда прыняў першы сакратар Добрушскага РК ГА БРСМ Вячаслаў Сцяпанаў. Вакол будынка прыбралі смецце, спілавалі старыя дрэвы, выдалілі лішнія пасадкі. Акцыя атрымала вялікі рэзананс у раёне. На адрас Добрушскага РК БРСМ паступіла падзяка ад раённага выканаўчага камітэта.

Здаецца, зноў людзі паспрабавалі ўдыхнуць жыццё ў гэты велічны будынак, які стварае ўражанне магутнай непарушнай груды. У тоўстых сценах палаца віднеюцца дзіркі. Аконныя праёмы закладзены цэглай, таму ў залах і калідорах поўны змрок. Лесвіца паўразбураная.

…І хто ведае, можа сапраўды, калі на тэрыторыі сядзібы ціха і вакол нікога – па разбураным мосціку бяжыць неспакойная Рыта, спускаецца з кручы да берага Іпуці, гукае свайго каханага… Гэта легенда. Але веліч і прыгажосць сядзібы Герардаў даюць нам магчымасць уявіць жыццё людзей, якія хадзілі па мудрагелістай каванай лесвіцы, па мастку, ад якога засталася толькі каменная аснова, па насціле з жоўтага прэлага лісця ўвосень.

Навядзенне парадку на такіх аб’ектах – справа добрая. Калі аб гэтым будзем памятаць мы, то і для нашых дзяцей застанецца нешта з даўніны…

Таццяна Прэжына

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?
very good spasiba
  • #|
  • adasko|
  • 23 июль 2013, 05:12

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Как вы относитесь к появлению китайских рабочих в Добруше?

Новости Добруша

Занос на зимней трассе: в аварии под Добрушем погиб водитель «Форда»

Хотите узнать больше? О дорожной трагедии, которая случилась ранним утром 4 февраля, сообщили в областной ГАИ. Фото носит иллюстративный характер Авария с участием 540

Мониторинг рейдовой группы техинспекции труда областного объединения профсоюзов

Хотите узнать больше? Рейдовая группа технической инспекции труда областного объединения профсоюзов побывала в Добрушском районе.[/b] В 2016 году здесь был отмечен рост 131

Добрушскому району исполнилось 90 лет

Хотите узнать больше? В пятницу большой зал районного Дворца культуры едва вместил всех желающих посмотреть концерт, приуроченный к 90-летию со дня образования Добрушского 298

Остров сокровищ в Добруше: черви-спагетти, мумии и стрельба из рогаток

Хотите узнать больше? Благотворительная организация «Надежду детям» и представители мотосообщества области подарили детям настоящий праздник. В центре Добруша в зоне 314

Библиотека в стиле барокко продана под жилье

Хотите узнать больше? На аукционных торгах продано здание бывшей библиотеки в деревне Огородня-Гомельская Добрушского района. Монументальное строение в стиле сельского 457

В Добрушском районе в ДТП погиб водитель «Нисана»

Хотите узнать больше? Вчера в 20.00 у деревни Гордуны житель деревни Уть на «Ауди» выехал на полосу встречного движения и столкнулся с «Нисаном», в котором были двое 487

Брак между китайцем и белоруской зарегистрирован в октябре в Добрушском загсе

Хотите узнать больше? Но молодой супруг не имеет никакого отношения к соотечественникам, которые трудятся в райцентре на строительстве комплекса по производству картона. 955