Закрыть

Выберите свой город

Закрыть

Іван ЦЕЦЯРУК: “Надзея і будучыня Гарадца – людзі”

Вёска Гарадзец мае багатую гістарычную спадчыну. Яшчэ ў дванаццатым стагоддзі яна ўзгадваецца ў летапісах, а пазней нават увайшла ў лік каралеўскіх “сталовых маёнткаў”. Зачараваны і непаўторны імідж мае гэты куток Кобрыншчыны. Сапраўдная жамчужына вёскі – адноўлены праваслаўны храм свяціцеля Дзмітрыя, мітрапаліта Растоўскага. Цаглінка за цаглінкай ён узводзіўся ў тым ліку пры непасрэдным удзеле ўраджэнца Гарадца, масквіча іераманаха Максіміліяна. Вялікі залаты купал храма ярка ззяе пад промнямі красавіцкага сонца, дорыць цудоўны настрой і натхненне. Улетку тут распачаліся першыя богаслужэнні.
Мясцовыя жыхары заўсёды з гонарам працуюць на зямлі. На сучасным этапе ў адкрытым акцыянерным таварыстве “Гарадзец-агра” налічваецца 395 работнікаў на чале з дырэктарам Іванам Цецеруком. Тут актыўна разіваюцца мяса-малочны напрамак і раслінаводства. Усяго ў гаспадарцы функцыянуюць дзесяць малочнатаварных фермаў, малочнатаварны комплекс і комплекс па адкорме буйной рагатай жывёлы. Валавая вытворасць малака за 2013 год склала 14321 тону. Дзяржаве пастаўляецца 82,3 працэнта малака класа “экстра” і вышэйшага гатунку. Усяго ж за апошнія чатыры гады рост валавай вытворчасці гэтай прадукцыі склаў 156 працэнтаў.

Іван ЦЕЦЯРУК: “Надзея і будучыня Гарадца – людзі”


Пільная ўвага надаецца развіццю адпаведнай вытворчай інфраструктуры. У гаспадарцы быў пабудаваны новы малочнатаварны комплекс у в. Гарадзец на 1000 галоў. Таксама ў канцы 2012 года пасля праведзенай мадэрнізацыі ўведзена ў эксплуатацыю малочнатаварная ферма, разлічаная на 700 галоў. Тут устаноўлена айчыннае даільнае абсталяванне “Унібокс”, створаны годныя сацыяльна-бытавыя ўмовы для персаналу – функцыянуюць душавыя, раздзявалкі. Штат укамплектаваны вопытнымі работнікамі.

Дынамічна разіваецца і раслінаводства. У ААТ “Гарадзец-агра” атрымліваюць годныя ўраджаі збожжавых і зернебабовых культур, рапсу, цукровых буракоў, кукурузы на сілас, шматгадовых траў. У гаспадарцы высокая культура землеробства.

Іван ЦЕЦЯРУК: “Надзея і будучыня Гарадца – людзі”


Кожны год у ААТ “Гарадзец-агра” за кошт абаротных сродкаў і крэдытных банкаўскіх рэсурсаў абнаўляецца матэрыяльна-тэхнічная база. Паводле слоў Івана Цецерука, у распараджэнні гаспадаркі – неабходная колькасць трактароў “МТЗ” і “Джон Дзір”, пасяўных агрэгатаў. Набыты новы апырсквальнік “Раса” са спецыяльнымі шынамі нізкага ціску павышанай праходнасці на любых глебах, які ажыццяўляе падкормку комплекснымі ўгнаеннямі азімых культур. Спецыялісты ААТ “Гарадзец-агра” праводзяць тэхнічнае абслугоўванне і сезонныя рамонты на высокім арганізацыйным узроўні, якасна і ў тэрмін. Гаспадарка ў поўнай меры забяспечана гаруча-змазачнымі матэрыяламі і запаснымі часткамі да тэхнікі, праводзіцца яе мадэрнізацыя. У якасці прыкладу інжынер участка механізацыі Мікалай Ячнік прадэманстраваў мадэрнізаваны на Клецкім механічным заводзе трактар “К-701”, які атрымаў новую кабіну, рухавік, вузлы, агрэгаты. Такі абноўлены трактар – сапраўдная знаходка для аграрнікаў. Спектр агратэхнічных мерапрыемстваў, якія можна на ім выконваць, істотна павялічыўся. Павысіўся і ўзровень камфорту. Цяпер тут устаноўлены новенькі японскі кандыцыянер, які створыць неабходны мікраклімат нават у неспрыяльнае для працы надвор’е.

Іван ЦЕЦЯРУК: “Надзея і будучыня Гарадца – людзі”


Па выніках 2013 года ўзровень рэнтабельнасці ў гаспадарцы склаў 23,9 працэнта, што непасрэдна ўплывае і на фінансавы дабрабыт людзей. Па стане на 1 красавіка 2014 года сярэднямесячная зарплата складае 4,3 млн. рублёў. Дарэчы, выплачваецца яна заўсёды ў тэрмін. Людзі забяспечаны поўным сацыяльным пакетам, атрымліваюць неабходную матэрыяльную падтрымку з боку адміністрацыі ААТ “Гарадзец-агра” і прафсаюзнага камітэта.
За апошнюю пяцігодку высокай дзяржаўнай узнагароды – медаля “За працоўныя заслугі” – удастоены дырэктар ААТ “Гарадзец-агра” Іван Цецярук і неаднаразовы пераможца раённых і рэпубліканскіх спаборніцтваў па ўборцы збожжавых і зернебабовых культур трактарыст-машыніст Васіль Кавалевіч. Стабільна высокія вытворчыя вынікі дэманструюць механізатары Леў Цімашук, Сяргей Заноўскі, Уладзімір Федытнік, вадзіцелі аўтамабіляў “МАЗ” Васіль Сцепанюк, Уладзімір Леанюк, Міхаіл Пракопік, вадзіцелі пагрузчыкаў Мікалай Пакалюк і Сяргей Ячнік. У жывёлагадоўлі вызначаюцца сваёй плённай працай аператары машыннага даення Тамара Тунчык, Таццяна Асіпчук і іншыя. З такімі надзейнымі кадрамі, перакананы Іван Цецярук, магчыма вырашыць задачы любой складанасці.

Іван ЦЕЦЯРУК: “Надзея і будучыня Гарадца – людзі”


Сучасны і прывабны імідж мае Гарадзецкі аграгарадок. Усяго тут пражываюць 1380 чалавек. У межах ажыццяўлення Дзяржаўнай праграмы развіцця і адраджэння сяла створана неабходная сацыяльна-бытавая інфраструктура – функцыянуюць Дом культуры, аддзяленне сувязі, аддзяленне ААБ ”Беларусбанк”. Адрамантаваны і прыведзены ў належны стан новыя сеткі водазабеспячэння, добраўпарадкаваны і заасфальтаваны дарогі, устаноўлены новыя ліхтары вулічнага асвятлення і 6 000 пагонных метраў жалезабетоннай агароджы.

Іван ЦЕЦЯРУК: “Надзея і будучыня Гарадца – людзі”


Належным чынам праведзяна мадэрнізацыя УА “Гарадзецкі дзіцячы сад-сярэдняя школа”, дзе займаюцца 216 вучняў і 56 выхаванцаў дзіцячага сада ў трох групах, функцыянуюць ваенна-патрыятычны і краязнаўчы музеі.

Іван ЦЕЦЯРУК: “Надзея і будучыня Гарадца – людзі”

Сяльчанам аказваецца комплексная, якасная медыцынская дапамога ў рэканструяванай Гарадзецкай участковай бальніцы. Штат укамплектаваны неабходнай колькасцю спецыялістаў. Пастаянна ўдасканальваецца сацыяльная абарона грамадзян. Штогадова праводзяцца абследаванні ветэранаў, інвалідаў, прымаюцца неабходныя меры па аказанні адраснай сацыяльнай дапамогі.

Іван ЦЕЦЯРУК: “Надзея і будучыня Гарадца – людзі”


Разіваецца і гандлёвая сетка. Ніколі не пустуе магазін Кобрынскага райспажыўтаварыства ў Гарадцы. Таксама ў аграгарадку функцыянуюць магазіны групы кампаній “Нашы вытокі”, кобрынскага хлебазавода і кафэ “Утульнасць”.

Іван ЦЕЦЯРУК: “Надзея і будучыня Гарадца – людзі”

За апошнюю пяцігодку ў акцыянерным таварыстве было пабудавана 67 дамоў для спецыялістаў. Як адзначае дырэктар ААТ “Гарадзец-агра” Іван Цецярук, кожны год моладзь імкнецца замацавацца на сяле. Адміністрацыя гаспадаркі актыўна гэтаму спрыяе. Нібыта грыбы пасля дажджу, растуць у цэнтральнай сядзібе жылыя кварталы. Адна з новых вуліц – Паўночная. У асноўным тут пражываюць маладыя сем’і з дзецьмі. Сёлета запланавана пабудаваць яшчэ два ведамасныя дамы за кошт крэдытных рэсурсаў ААТ “ Белаграпрамбанк”.
Дзякуючы створаным спрыяльным умовам у Гарадцы вось ужо шмат гадоў існуе добрая традыцыя сямейных працоўных дынастый – будучыні, надзеі і апоры любой вёскі.
Раман МЕЛЬНІК
НА ЗДЫМКАХ: Мікалай Ячнік на фоне мадэрнізаванага на Клецкім механічным заводзе трактара “К-701”; адноўлены праваслаўны храм свяціцеля Дзмітрыя, митрапаліта Растоўскага;кіраўнік сельгасаддзялення №1 Мікалай Вярэніч і механізатар Васіль Кавалевіч на фоне сучаснага апырсквальніка “Раса”; дырэктар УА “Гарадзецкі дзіцячы сад-сярэдняя школа” Раіса Рак праводзіць інтэлектуальную віктарыну з вучнямі; загадчык Гарадзецкай участковай бальніцы Алег Клімчук і медсястра Алена Главацкая; прадавец магазіна Кобрынскага райспажыўтаварыства ў Гарадцы Наталля Алехнік абслугоўвае чарговага кліента; новая ведамасная забудова па вул. Паўночнай у Гарадцы.
Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Кобрина

Bosch – качество во всём!

Хотите узнать больше? Руководитель подразделения Bosch: «Наши клиенты всегда могут быть уверены в том, что получат европейское качество по конкурентным ценам» Белорусским 560

Безопасность в руках каждого

Хотите узнать больше? В очередной раз назрела необходимость напомнить нашим гражданам о некоторых аспектах безопасного поведения в местах массового нахождения граждан. В 415

Подписная кампания на «Кобрынскі веснік» стартовала

Хотите узнать больше? Стартавала падпісная кампанія на перыядычныя выданні на 1 паўгоддзе 2016 года. Першы дзень падпісчыка адбыўся 11 лістапада на ВУП “Брэсцкія 505

Кобринскому Спасскому монастырю исполнилось 550 лет

Хотите узнать больше? 16 ноября в малом зале Дворца культуры состоялась международная научно-практическая конференция в рамках ХХІV Региональных Рождественских Чтений, 675

Единый день информирования – вместе с «Кобрынскім веснікам»

Хотите узнать больше? В пятницу, 20 ноября, в рамках единого дня информирования сотрудники редакции районной газеты «Кобрынскі веснік», представители райисполкома, РОВД и 504

Доброты много не бывает

Хотите узнать больше? Нет ничего преданнее взгляда собаки в глаза своего хозяина. Для четвероногого человек всегда будет хорошим, даже если он его вывезет за десятки 499

Объёмы заказов на Кобринагромаше увеличились

Хотите узнать больше? ААТ “Кобрынаграмаш” даўно заняло сваю пэўную і надзейную нішу сярод прадпрыемстваў аграпрамысловага комплексу. І гэта дзякуючы вытворчасці, 529

На Кобринщине отметили День работников сельского хозяйства и перерабатывающей промышленности

Хотите узнать больше? Духмяны хлеб, салодкая булачка, свежае малако, добрая шкварка… За кожным з гэтых і іншых прадуктаў, якія сталі для нас такімі звычнымі ў сваім 628