Закрыть

Выберите свой город

Закрыть

ХАЙ БРУЯЦЦА “ЖЫВЫЯ КРЫНІЦЫ”

ХАЙ БРУЯЦЦА “ЖЫВЫЯ КРЫНІЦЫ”

Такое сумеснае мерапрыемства, якое сабрала разам больш за дваццаць народных умельцаў Ганцаўшчыны, праводзілася ў раёне ўпершыню. Хаця, калі шчыра, прозвішчы многіх з іх даўно вядомы жыхарам нашай палескай старонкі: ніводнае раённае свята не абыходзіцца без выстаў іх цудоўных вырабаў, выкананых у рознай тэхніцы народнай творчасці. Іх работы бачылі ўдзельнікі абласных мерапрыемстваў, што праходзілі на Ганцаўшчыне, Дня беларускага пісьменства, а таксама абласных і рэспубліканскіх “Дажынак”, іншых свят.

На “Жывыя крыніцы”, як ужо адзначалася, прыехала звыш двух дзясяткаў народных умельцаў, хаця, па папярэдніх падліках, у нашым раёне жыве і стварае непаўторныя шэдэўры ручной работы звыш 200 майстроў. Магчыма, калі-небудзь гэтыя жыватворныя крынічкі сальюцца ў адзіны магутны паток і слава аб народных майстрах нашай маляўнічай Ганцаўшчыны разыдзецца па ўсяму свету. Хаця пра асобных з іх ужо даўно ведаюць у многіх краінах…

Нагодай жа для нядаўняй сустрэчы стала ўрачыстае ўручэнне звання народнага майстра Рэспублікі Беларусь ткачысе і вышывальшчыцы з Борак Ульяне Пятроўне Віннік — трэцяй у нашым раёне, хто ўдастоены такога ганаровага тытулу. І не толькі гэтая прыемная падзея стала падставай для сустрэчы ўмельцаў: даўно настаў час ім пазнаёміцца бліжэй, аб’яднацца, шчыра пагаварыць аб надзённых праблемах, аб тым, як захаваць “майстэрства з пройдзеных вякоў”, каму і як перадаць яго.

…Збаночкам стаў кавалак

 гліны,

 З жалеза ружа расцвіла,

З лазы — калыска

на хрысціны,

Салома птушкай ажыла, —

кранальна гучаць прачулыя паэтычныя радкі з вуснаў вядучых свята — дырэктара раённага Дома рамёстваў Марыі Муха і вучняў СШ № 3 Яўгена Занькі і Паліны Купрэвіч. На экране мільгаюць фота- і відэаматэрыялы аб дзейнасці раённага Дома рамёстваў, удзеле нашых майстроў у раённых і абласных мерапрыемствах. Цёпла і з асаблівай пашанай вымаўляюцца іх прозвішчы: Феанія Крысюк, Ніна Казак, Ульяна Віннік, Віталій Шапялевіч, Леанід Пісарык, Аляксандр Ваўчок, Іван Муха, Аляксандр Матусевіч, Валянціна Занька… На радасць і гонар наш, гэты спіс можна працягваць доўга. Ім, руплівым, творчым, нястомным, выхаванцы дзіцячай школы мастацтваў дораць цудоўныя музычныя нумары, для іх гучаць песні ў выкананні ўдзельнікаў мастацкай самадзейнасці ГДК, Любашаўскага СДК і Ганцавіцкага Дома творчасці.

Начальнік аддзела культуры райвыканкама Ірына Стральцова ўручае заслужаную ўзнагароду Ульяне Віннік і дорыць ёй цёплыя словы падзякі за рукі залатыя, за працу нястомную, за сэрца добрае, душу творчую.

Як сімвал дастатку, як гімн працы і выток жыцця выносіцца ў залу румяны, духмяны каравай, ласкава атулены ручніком. З пашанай прымаюць удзельнікі сустрэчы найдаражэйшы пачастунак.

Затым дырэктар раённага Дома рамёстваў М. І. Муха запрасіла ўсіх на выставу ручнікоў народных майстроў Рэспублікі Беларусь Ніны Казак і Ульяны Віннік. І за кубкам чаю ў гэтай жа зале пайшла шчырая размова старшыні райвыканкама А. П. Саланевіча, яго намесніка С. В. Сарокава, спецыялістаў аддзелаў райвыканкама, старшынь сельвыканкамаў з майстрамі народнай творчасці. Адкрыта, зацікаўлена гаварылі аб неабходнасці адкрыцця сувенірнага магазіна ў райцэнтры, дзе б можна было набываць усім жадаючым, у тым ліку і замежным гасцям, вырабы нашых умельцаў, пра тое, як і каму перадаваць народнае ўмельства, як зацікавіць рамяством продкаў падрастаючае пакаленне. Старшыня райвыканкама слушна заўважыў, што пажадана было б запрашаць на падобныя сустрэчы і дзяцей, правільна і ўдумліва даносіць важнасць і неабходнасць прадаўжэння народных рамёстваў. І калі сярод рабят знойдуцца хаця б 2 — 3 жадаючыя, якія палюбяць гэтую справу і прадоўжаць яе, — значыць, народным рамёствам жыць! Аляксандр Паўлавіч згадаў, якімі былі першыя крокі харэаграфічнага аддзялення ў дзіцячай школе мастацтваў. Цяпер займацца харэаграфіяй стала для рабят прэстыжна, амаль кожны школьнік марыць аб гэтым. Галоўнае, на думку кіраўніка раёна, — зацікавіць моладзь.

Пра ролю рэкламы ў інтэрнэце гаварыў ганчар Віталій Шапялевіч. Аб тым, якімі былі першыя ўласныя крокі па саломапляценню, дзялілася з калегамі дырэктар Дома творчасці, майстар па саломапляценню Валянціна Занька. Яна ж узняла праблему памяшкання для класа саломапляцення. Абмяркоўвалася і пытанне больш зручнага размяшчэння раённага Дома рамёстваў, іншыя праблемы.

Кіраўнік раёна ўголас прызнаўся, што ўдзячны лёсу за магчымасць пажыць і папрацаваць на Ганцаўшчыне, у гэтай непаўторнай, дзівоснай старонцы, якой павінны ганарыцца яе жыхары. Падзякуем за прызнанне і прымем як запавет — любіць, берагчы сваю бацькаўшчыну, не саромецца ганарыцца ёю і яе працаўнікамі.

…Першая ластаўка пад назвай “Жывыя крыніцы” прынесла на сваіх крылах і радасць першай сустрэчы, і надзею на новыя, і спадзяванне на тое, што не перасохнуць крыніцы таленту, што неўзабаве ператворацца ў сапраўдны вялікі фестываль народных умельцаў, які паклаў бы пачатак новай традыцыі на Ганцаўшчыне. У добры ж час!

Марыя ШЧАЎКУН.

Фота Уладзіміра САКАЛОВА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 526

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 442

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 413

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 325

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 550

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 379

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 394

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 469