Закрыть

Выберите свой город

Закрыть

Шлях пачаўся з поспеху

Шлях пачаўся з поспеху

М
ы расказвалі пра выпускніка гімназіі г. Ганцавічы Івана Падгайскага, які змог набраць на цэнтралізаваным тэсціраванні (ЦТ) па рускай мове 100 балаў. Зараз раскажам пра тое, як такіх жа вынікаў, толькі па роднай, беларускай мове змог дасягнуць і выпускнік СШ № 3 г. Ганцавічы Арцём Бобка (НА ЗДЫМКУ).

Арцём схільны да дакладных навук, што дазволіла яму стаць студэнтам Беларускага дзяржаўнага ўніверсітэта інфарматыкі і радыёэлектронікі. Для паступлення яму давялося ўпарта працаваць, аднак гэта прынесла свой плён: вынікі двух астатніх ЦТ у яго таксама вельмі высокія. Але, безумоўна, работа над падрыхтоўкай да тэсціравання па роднай мове была праведзена вялікая.

— Я пачаў рыхтавацца да ЦТ па беларускай мове яшчэ з пачатку 10-га класа, — расказаў Арцём карэспандэнту “СП”. — Мая бабуля, Ядзвіга Аляксандраўна Бобка, у мінулым шмат гадоў працавала ў школе настаўнікам беларускай мовы і літаратуры. Два гады запар мы з ёй займаліся падрыхтоўкай. Я не прапускаў прызначаныя заняткі і не ўхіляўся ад работы. А таму, калі на рэпетыцыйных тэсціраваннях я набіраў больш за 90 балаў, ніхто асабліва не здзіўляўся, але пры гэтым усе ганарыліся мной і падтрымлівалі. І ўпэўненасць у сваіх сілах у мяне расла. Я звяртаў увагу на ўсе памылкі, а таму мне вельмі дапамагло тое, што ЦТ было падобным на два апошнія рэпетыцыйныя тэсціраванні. Але ўсё адно я не да канца быў упэўнены ў некаторых адказах і адказваў амаль інтуітыўна. Мяркуючы па выніках ЦТ можна сказаць, што заняткі з бабуляй дапамаглі мне не толькі добра вывучыць правілы, але і развіць інтуіцыю ў пытаннях, якія датычацца мовы.

Дарэчы, бабуля Арцёма пераконвала маладога чалавека, што ён павінен набраць на тэсціраванні па беларускай мове не менш за 96 балаў. Так што яго вынік не стаў для яе вялікай нечаканасцю. Што ж, так і павінна быць: добрая і ўпартая праца заўсёды ўзнагароджваецца па заслугах.

Бабуля Арцёма Ядзвіга Аляксандраўна таксама расказала крыху аб тым, як Арцём дасягнуў выніку ў 100 балаў.

— Мой унук заўсёды любіў беларускую літаратуру. У мяне добры збор твораў беларускіх аўтараў, і калі Арцём прыязджаў на канікулы ці проста ў госці, ён заўсёды чытаў кнігі. А на пачатку 10 класа сам вырашыў пачаць рыхтавацца да ЦТ. Вядома, я яму дапамагла па меры сіл, але асноўная заслуга ўсё ж яго: я проста давала яму неабходныя веды, а ён ужо стараўся і ўпарта працаваў сам. Мне было прыемна з ім займацца, мой унук быў з самага пачатку нацэлены на высокі вынік. Мы ўсёй сям’ёй вельмі рады за Арцёма і спадзяёмся на тое, што ў яго і далей усё будзе складвацца гэтак жа добра, як і цяпер.

Сам Арцём адзначыў, што для яго важна было не набраць вышэйшы бал на адным з ЦТ, а здаць усе неабходныя для паступлення прадметы добра. Самае галоўнае — агульны вынік, а не поспех у адной з галін. А таму ён удзячны не толькі Ядзвізе Аляксандраўне, але і ўсім настаўнікам, якія дапамаглі яму ў падрыхтоўцы да цэнтралiзаванага тэсцiравання. Без іх дапамогі Арцёму было б значна цяжэй пачаць свой шлях у вялікае жыццё менавіта так, як яму хацелася.

Аляксандра ГУРМАН.

Фота аўтара.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 530

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 446

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 421

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 329

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 558

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 383

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 399

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 475