Закрыть

Выберите свой город

Закрыть

След Маці Божай на Ганцаўшчыне, або Будуем Святыню разам

След Маці Божай на Ганцаўшчыне, або Будуем Святыню разам

Апошнім часам Ізбійскі Бор усё часцей прыцягвае да сябе ўвагу грамадскасці Ганцаўшчыны, і не толькі. Тут узводзіцца капліца Успення Божай Маці. Больш шырокую інфармацыю аб гэтым духоўным аб’екце вы знойдзеце ў прапанаваным вашай увазе інтэрв’ю з айцом Пятром.

— Капліца ў Ізбійскім Бары. Што гэта за святыня і чаму Вамі было прынята рашэнне заняцца яе будаўніцтвам?

— Першае ўпамінанне аб царкве Успення Прасвятой Багародзіцы датуецца 1800 годам. Яна з’яўлялася прыпісной да царквы вёскі Дзяніскавічы. У “Апісанні цэркваў і прыходаў Мінскай епархіі Слуцкага павета за 1879 год” даецца характарыстыка царквы Успення Прасвятой Багародзіцы. Вядома, што яна была драўлянай і ў ёй знаходзілася шанаваная ікона Прасвятой Багародзіцы, напісаная на драўлянай дошцы. Яна мела памер: у даўжыню 1 аршын, у шырыню 12 вяршкоў.

Па старажытным паданні, ікона з’явілася ў сне аднаму селяніну і абвясціла, што ва ўсе часы будзе заступніцай для ўсіх, хто б да яе ні звяртаўся. Гісторыя гэтая даўняя, але ж праўдзівая. Святасць месца пацвердзіў яшчэ адзін момант: ужо пры будаўніцтве новай капліцы вобраз Маці Божай з’явіўся на бярозавым зрэзе. Таму аднавіць Святыню, зрабіць яе месцам малітвы, паломніцтва — гэта абавязак не толькі для мяне, благачыннага цэркваў Ганцавіцкай акругі, але і для ўсіх, хто жыве з верай, любоўю і надзеяй на благаславёнай Богам зямлі нашай.

— На якія сродкі вядзецца будаўніцтва?

— У асноўным на ахвяраванні прыхаджан храма г. Ганцавічы. Апошнім часам у Ізбійскі Бор прыязджаюць праваслаўныя хрысціяне, турысты з Расіі, Украіны і таксама ахвяруюць на Святыню. Немалыя грашовыя сродкі на будаўніцтва пералічваюць прадпрымальнікі нашага раёна, а таксама тыя, хто жыве за яго межамі. Тэхнікай, матэрыяламі дапамагаюць будаўнічыя арганізацыі Ганцаўшчыны. Ранняй вясной, дзякуючы раённаму выканаўчаму камітэту і асабіста Аляксандру Паўлавічу Саланевічу, непадалёку ад Святыні з’явіўся аўтобусны прыпынак і месца для паркоўкі аўтамабіляў.

— Назавіце імёны тых, хто ўнёс найбольшы ўклад у будаўніцтва капліцы, ці прыклады шчодрага мецэнацтва.

— Я не буду пералічваць імёны людзей, якія ахвяруюць на капліцу ў Ізбійскім Бары. Шчодрых, разумеючых важнасць справы, насамрэч шмат. Таму баюся некага не ўспомніць і тым самым пакрыўдзіць. Калі аб прыкладах мецэнацтва, то, напэўна, трэба прыгадаць вернікаў-эмігрантаў з Германіі. Некалькі разоў даводзілася мне мець з імі духоўныя сустрэчы, праводзіць семінары, святочныя малебны. Людзі шчыра хочуць дапамагчы Беларусі, ахвяруючы на будаўніцтва капліцы і на патрэбы праваслаўнага храма нашага горада. Дарэчы, у нямецкім горадзе Дахау настаяцелем Свята-Уваскрэсенскага храма з’яўляецца наш суайчыннік протаіерэй Мікалай Забеліч (ён родам з Турава). Гэты чалавек свята верыць у адраджэнне святых мясцін і ўсямерна спрыяе таму, каб на Беларусі іх станавілася ўсё больш і больш.

— А што значыць ахвяраваць на храм?

— Ахвяраванне — добрая, высакародная справа, гэта святы абавязак кожнага праваслаўнага хрысціяніна. Той, хто ахвяруе на храмы, прыносіць своеасаблівы дар Госпаду. Яшчэ ў Старым Запавеце гаварылася: “Гасподзь любіць і благаслаўляе таго, хто ахвяруе на яго справы па добрай волі, ад шчырага сэрца”. З радасцю, святлом у душы і ў сэрцы трэба падыходзіць да гэтай дабрачыннасці. А яшчэ з разуменнем: хто ахвяруе, той робіць добрае і бачнае “перад вачыма Госпада”.

— Айцец Пётр, скажыце, калі ласка, што ўжо зроблена ў Ізбійскім Бары?

— Па-першае, вялікіх сіл патрабавала выслабаніць плошчу для будаўніцтва. Намаганнямі прыхаджан нашага горада гэтая справа была зроблена. Сёння ўзведзены ўжо асноўны будынак капліцы, зроблены купал, выведзены скляпенне і каркас пад дах. Будаўнікі, сапраўдныя прафесіяналы сваёй справы, пачалі накрываць яго каляровым дахавым металам. Закуплены некаторыя іконы і царкоўны інвентар. Наперадзе чакаюць самыя дорагакаштуючыя аддзелачныя работы, устанаўленне электрычнага і цеплавога абсталявання.

— Калі “расце” будоўля, што вы адчуваеце?

— Будаўніцтва капліцы было пачата ў 2013 годзе. За тры гады да таго пачаліся падрыхтоўчыя работы: набыццё праектна-каштарыснай дакументацыі, узгадненні і дамоўленасці на самых розных узроўнях. Будаваць — гэта значыць, заняцца нялёгкай справай. Заўсёды ўзнікае шмат складаных сітуацый, цяжкасцей, пра якія, напэўна, і не трэба гаварыць. Куды важней адзначыць, што заўсёды адчувалася падтрымка людзей і, самае галоўнае, духоўная падтрымка госпада і Маці Божай. Кожны раз, прыязджаючы на тэрыторыю храма, адчуваю непадробную радасць, духоўны ўздым і шчасце. Гасподзь умацоўвае, дае сілы і цярпенне, бо справа робіцца Богаўгодная.

— Як Вы ставіцеся да правядзення ў раёне дабрачыннай акцыі “Будуем святыню разам!” і на што разлічваеце?

— Святы абавязак і вялікі гонар для жыхароў горада, раёна, для тых, хто жыве далёка ад малой радзімы, прыняць удзел у акцыі, тым самым прыняць удзел у святой справе будаўніцтва. Усе імёны і спісы людзей, якія ахвяруюць на гэта, будуць захоўвацца ў пабудаванай капліцы Успення Божай Маці на вечнае памінанне як аб здароўі, так і аб спачыне.

— Калі плануецца заканчэнне будаўніцтва і асвячэнне капліцы?

— Закончыць будаўніцтва капліцы мы плануем у жніўні гэтага года і адчыніць яе дзверы для вернікаў у дзень Успення Божай Маці. Асвячэнне будзе пазней, у адпаведнасці са згодай і блаславеннем архіепіскапа Пінскага і Лунінецкага Стэфана. У сродках масавай інфармацыі пройдуць паведамленні аб урачыстасцях.

— Айцец Пётр, прыміце шчырыя словы ўдзячнасці за размову. Хочацца спадзявацца, што дабрачынная акцыя “Будуем святыню разам!” пройдзе на самым высокім узроўні і дапаможа ў будаўніцтве. А на Ганцаўшчыне з’явіцца яшчэ адзін гістарычны і духоўны помнік для нашых нашчадкаў.

Божага блаславення ўсім!

З Благачынным

цэркваў Ганцавіцкай акругі, настаяцелем прыходу храма

Свяціцеля

Ціхана, Патрыярха Маскоўскага і ўсяе Русі горада Ганцавічы, протаіерэем Пятром Піліпчуком гутарыла Галіна МІКАЛАЕВА.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 526

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 444

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 414

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 325

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 550

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 379

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 394

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 470