Закрыть

Выберите свой город

Закрыть

Цудоўны час, добрая моладзь

У кожным чалавеку крыюцца пэўныя здольнасці і схільнасці, але для таго, каб яны раскрыліся, каб тугі бутон ператварыўся ў найпрыгажэйшую кветку, здзівіў і зачараваў, іх трэба прыкмеціць, абудзіць і развіць. Педагогі, майстры і выхавальнікі Ганцавіцкага дзяржаўнага прафесійнага ліцэя сельскагаспадарчай вытворчасці як ніхто іншы ведаюць сапраўдную цану гэтай нестарэючай ісціны, а таму і кладуць яе ў аснову ўсяго выхаваўчага працэсу. Гэта няпростая, карпатлівая, можна сказаць, штохвілінная праца, але калі бачыш яе плён — радуецца душа за кожнага падлетка, якога ты падтрымаў, змог раскрыць дрэмлючыя ў ім здольнасці, дапамог яму ўпэўнена  і смела паказаць іх іншым. Менавіта так, па-дзіцячы радасна, непасрэдна і па-даросламу з гонарам, годна ўспрымаў калектыў прафліцэя кожны выхад на сцэну іх выхаванцаў у час нядаўняга конкурсу мастацкай самадзейнасці, які па даўняй традыцыі праводзіцца ва ўстанове штогод. Калі раней у ім прымалі ўдзел першакурснікі і ён насіў назву “Алё, мы шукаем таленты!”, то сёлета ў яго ўключыліся і навучэнцы ўсіх курсаў, што зрабіла конкурс яшчэ больш багатым па змесце, прыцягнула да актыўнай падрыхтоўкі амаль усіх рабят і на поўную моц паказала іх творчыя  здольнасці.

Паколькі год надыходзячы будзе Годам моладзі, і важнага юбілею — 70-годдзя Вялікай Перамогі, сёлетні конкурс мастацкай самадзейнасці, праведзены ў ліцэі, меў сімвалічную назву — “Моладзь і час. Подзвіг у імя будучага”. Актыўна, старанна навучэнцы разам з педагогамі, куратарамі, майстрамі падбіралі рэпертуар, рыхтавалі сцэнарый, адзінай дружнай сям’ёй клапаціліся аб афармленні кожнай сцэнічнай пастаноўкі, праводзілі рэпетыцыі. І вось ён, па-сапраўднаму святочны, урачысты і хвалюючы дзень правядзення конкурсу. Сумесная творчая праца вылілася ў цудоўны, непаўторны канцэрт, уражанне ад якога дагэтуль не пакідае і навучэнцаў ліцэя, і іх бацькоў, якія былі запрошаны на конкурс, і калектыў выкладчыкаў і майстроў.

Пастаноўкай “Подзвіг у імя будучага” рабяты групы № 13 і адкрылі конкурсную праграму. Як жа прачула гучалі ў іх выкананні ўдала і прадумана падабраныя для яе вершы, песні! Як па-майстэрску пранікнёна выконвалі іх юнакі і дзяўчаты! Аб тым, што кожнае іх слова, кожны вершаваны радок, кожны рух западаюць у сэрцы гледачоў, што вайна, якой, на шчасце, не ведаюць дзеці, унукі, праўнукі тых, хто падарыў нам мір і спакой, усё ж праходзяць шчымлівым болем праз іх успрымальныя душы, сведчылі звонкая цішыня ў зале, святая і нярушная, ды шквал гарачых і ўдзячных апладысментаў. Не маглі стрымаць слёз жанчыны, калі так кранальна чытаў верш “Пісьмо салдату” Уладзімір Шуляк, калі так зладжана, хораша спявалі Ілья Багатыроў, Дзяніс Піліпчук,  Вадзім Стрыж, Віталій Міхайлаў, Крысціна Кісялевіч і іншыя рабяты. На сцэну выходзілі нават тыя навучэнцы, якія раней ніяк не асмельваліся зрабіць гэта. Адна з матуль, якая прыйшла ў той дзень падтрымаць свайго сына, не хаваючы замілавання ўбачаным і захаплення, шчыра прызналася, што яе сын з дзіцячага садка не ўдзельнічаў у мастацкай самадзейнасці і дзякавала педагогам за тое, што знайшлі чароўны ключык да сэрца падлетка, што падтрымалі яго, убачылі і раскрылі ў ім такія здольнасці.

Сцэнічнае майстэрства, густ, прадуманы, удалы рэпертуар — усё гэта і ператварыла конкурс у сапраўднае свята. Членам журы было няпроста выбраць лепшых з лепшых у кожнай намінацыі, якіх, дарэчы, было нямала. Лепшымі былі прызнаны: канферансье — Надзея Булат і Віктар Глазун, пастаноўка — “Подзвіг у імя будучыні” (група № 13), саліст — Вадзім Стрыж, салістка — Крысціна Кісялевіч, дуэт — Аляксандр Каркотка і Андрэй Ціхан, вакальная група — група № 9, аўтарскае сачыненне — Вераніка Літвіновіч, чытальнікі — Яўген Берташ, Ілья Ігнатовіч, Канстанцін Валчок. Лепшы гумарыстычны нумар паказалі гледачам навучэнцы групы № 8, шматграннасцю талентаў здзівілі рабяты групы № 16, масавасцю ўдзелу ў конкурсе парадавала група № 8, прыз сімпатый гледачоў заваяваў Віталь Міхайлаў, які літаральна пакарыў публіку. Разам з рабятамі на сцэну выходзілі педагогі, куратары, разам хваляваліся, разам перажывалі, разам радаваліся ўдачы. Гэта былі вынікі агульнай сугучнай працы — настаўнікаў і іх выхаванцаў. Педагогі здолелі ўбачыць у кожным падлетку пэўныя задаткі, працягнулі ім руку дапамогі, а рабяты ўдзячна адгукнуліся на цяпло іх сэрцаў і падарылі свята душы ўсім разам, на якім панавала дружалюбнае, па-сапраўднаму сяброўскае саперніцтва.

Верыцца, што здольнасці да мастацкай самадзейнасці, абуджаныя ў навучэнцах установы яе калектывам, будуць раскрывацца і радаваць гледачоў і па-за сценамі навучальнай установы, як гэта робяць выпускнікі ліцэя, вядомыя цяпер на Ганцашчыне выканаўцы Віталь Макаед, Іван Галушка, Мікалай Мядзведзеў, а таксама Сяргей Калоша, Павел Руткоўскі, якія звязалі свой лёс з культурай.

Марыя ДЗЁМІНА.

НА ЗДЫМКУ: спявае Аляксандр Казак (група № 1).

Цудоўны час, добрая моладзь

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 533

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 448

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 424

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 331

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 559

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 384

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 401

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 476