Закрыть

Выберите свой город

Закрыть

“Пратэрмінаванае”… сумленне

Работнікамі Ганцавіцкага раённага цэнтра гігіены і эпідэміялогіі з пачатку года былі праведзены праверкі ў 126 гандлёвых аб’ектах горада і раёна. З іх у 108 магазінах і павільёнах выяўлены розныя парушэнні санітарных правілаў. Гэта і дрэнная ўборка гандлёвай залы, прылягаючай тэрыторыі, і  грэбаванне нормамі пры захоўванні харчовых тавараў, і — што самае абуральнае — рэалізацыя прадуктаў са скончаным тэрмінам прыгоднасці. Такія парушэнні выяўлены ў 43 гандлёвых кропках.

— Прычым, ёсць магазіны, дзе продаж малочнай прадукцыі, мясных паўфабрыкатаў з пратэрміноўкай прыгоднасці вёўся паўторна, — гаворыць загадчыца аддзела гігіены Ірына Цяльпук. — Гэта адносіцца як да дзяржаўнага, так і прыватнага гандлю.

Прывядзём некалькі прыкладаў. Двойчы парушалі санітарныя правілы прадаўцы магазіна “Сузор’е” райспажыўтаварыства. 14 красавіка тут рэалізоўвалі з пратэрміноўкай курыныя паўфабрыкаты, а 2 жніўня — малочную прадукцыю.

Тое ж самае датычыцца прыватнага магазіна “Мінутка” ПГУП “ДапГандаль” (дырэктар Аляксандр Дзмітровіч). 26 ліпеня тут са скончаным тэрмінам прыгоднасці прадавалі птушынае мяса, а літаральна праз месяц — каўбасу.

На працягу года выяўлена паўторная рэалізацыя няякасных прадуктаў і ў прыватным магазіне “Вікторыя” ПГУП “Гандлёвы дом “Венецыя” (дырэктар Міхаіл Пішч).

Вернемся да гандлёвых аб’ектаў райспажыўтаварыства. У ходзе праверак за жнівень яшчэ ў чатырох яго магазінах — “Ганцаўчанка”, “24 гадзіны”, №№ 3 і 8 — адпускаліся пратэрмінаваныя прадукты.

Падобныя парушэнні выяўлены ў дзвюх гандлёвых кропках ААТ “Брэсцкая абласная база “Бакалея”. 21 ліпеня ў магазіне № 16 у складскім памяшканні побач з якаснымі таварамі захоўваўся  са скончаным тэрмінам прыгоднасці мармялад, а ў магазіне № 18 у той жа дзень — рыбныя прадукты.

— У гэтых выпадках выносім прадпісанне аб неадкладным зняцці пратэрмінаванай прадукцыі, — уключаецца ў размову памочнік урача-гігіеніста Наталля Субоцкая. — Акрамя таго,  на вінаватых складаем пратакол аб адміністрацыйным парушэнні. За рэалізацыю тавараў са скончаным тэрмінам прыгоднасці нясуць адказнасць юрыдычныя асобы, за невыкананне іншых санітарных правілаў — службовыя асобы. Парушальнікі плацяць штрафы і даволі немалыя.

Так, з пачатку года панеслі адміністрацыйныя спагнанні 10 юрыдычных асоб. Яны заплацілі ў дзяржаўную казну 44 мільёны 690 тысяч рублёў. За гэты ж час складзены 35 пратаколаў на службовых асоб. Штрафныя санкцыі выліліся ў суму 25 мільёнаў 990 тысяч рублёў.

Карэспандэнт “СП” пацікавіўся ў пакупнікоў, ці даводзілася ім сутыкацца з продажам пратэрмінаваных тавараў.

— Я ўважліва падыходжу да выбару таго ці іншага харчовага прадукту, — адказвае жыхарка Ганцавіч Надзея Літвінчук. — Заўсёды гляджу на дату яго вырабу, ці не пратэрмінаваны. Калі б так рабілі ўсе, то, можа, і работнікі гандлю змянілі б свае адносіны да пакупнікоў.

— У вашым горадзе знаходжуся праездам, — гаворыць  жыхар Пінска Ігар Галяйчук. — Купіў у адным магазіне таматны сок, а ён са скончаным тэрмінам прыгоднасці. Зрабіў заўвагу прадаўцу. “Давайце памяняю”, — згадзілася яна.  Аднак не выключана, што наступнаму пакупніку будзе прапанаваны той жа самы сок. У Пінску таксама прадаўцы імкнуцца “спіхнуць”  пратэрмінаваны тавар.

Пры апытанні шэсць жыхароў Ганцавіч пацвердзілі, што  сутыкаліся з продажам няякасных прадуктаў, аднак назваць свае прозвішчы адмовіліся.

— Пакупнікам у першую чаргу неабходна звяртаць увагу на тэрмін прыгоднасці прадукцыі, умовы яе захоўвання, — раіць   Ірына Цяльпук. — Пры выяўленні парушэнняў санітарных правілаў вы, як спажывец, можаце вярнуць няякасны тавар, зрабіць адпаведны запіс у кнізе заўваг і прапаноў.

Увогуле, калі ёсць сумненні ў якасці, то лепш не набываць тыя ці іншыя прадукты. Памятайце, што здароўе не купіш за грошы, у адрозненне ад пратэрмінаванай каўбасы.

Міхась АРЭШКА.

“Пратэрмінаванае”… сумленне

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 532

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 447

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 423

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 330

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 558

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 383

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 401

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 475