Закрыть

Выберите свой город

Закрыть

Жыве ў Хатынічах Надзея…

Прыгожая наша вёска Хатынічы. А якія цудоўныя жывуць тут людзі! Працавітыя, добрыя, гасцінныя, майстры на ўсе рукі. Яны ўмеюць выконваць любую работу — і цяслярыць, і сталярнічаць, умеюць спяваць і танцаваць, і гасцей прымаць. А якія тут жанчыны-рукадзельніцы — іх вышытыя ручнікі і тканыя посцілкі — сапраўднае ўпрыгажэнне любога свята, любой выставы.

Мне вельмі хочацца расказаць пра адну з такіх рукадзельніц — цудоўную жанчыну — маці, жонку  Надзею Васільеўну Ярашэвіч (НА ЗДЫМКУ).

Жыве ў Хатынічах Надзея…

Нарадзілася і выхоўвалася Надзя ў шматдзетнай, працавітай сям’і. Чатыры дачкі і сын былі ў яе бацькоў. А бацькі — Марыя Пятроўна і Васіль Андрэевіч — простыя сяляне. Самі абое яны рана асірацелі, засталіся адзін без бацькі, другая без маці. З маленства спазналі — толькі шчырая штодзённая праца дапаможа выжыць і цвёрда стаць на ногі. Вось і працавалі з раніцы да вечара. А потым сталі мужам і жонкай. Пайшлі ў іх свае дзеці. Нарадзіліся дочкі — Вольга, Ніна, Надзея, Соф’я і сын Міша. Дзеці Васіля Андрэевіча і Марыі Пятроўны з маленства вылучаліся стараннымі адносінамі да працы. Сям’я вялікая — сем чалавек. Усіх трэба было абуць, адзець, накарміць, у школу адправіць — купіць падручнікі і іншыя школьныя прыналежнасці. На ўсё патрэбны былі грошы. А дзе іх узяць? Зараблялі, і ў гэтым выручаў лес. Хадзілі па ягады, грыбы, нарыхтоўвалі і сушылі лазовую і крушынавую кару, багульнік і прадавалі. А за выручаныя грошы куплялі ўсё неабходнае для сям’і, для гаспадаркі. Трымалі кароўку, яна была асноўнай карміцелькай.

Тата потым уладкаваўся на работу ў будаўнічую арганізацыю. Прыязджаў позна з работы, але адпачываць не было калі. Сядаў на веласіпед, ехаў на балота і касіў, аж да цямна. І так кожны дзень, пакуль не накошваў для каровы, каб сена хапіла на ўсю зіму. А мама разам з дзецьмі потым варушыла сена, зграбала і выносіла з балота на сабе вязанкамі па кладках, складвала ў стажок ці ў хляве. Такое вось было выхаванне працай.

Надзя, скончыўшы 8 класаў Хатыніцкай сярэдняй школы, пайшла працаваць — зарабляць свой хлеб. Уладкавалася ў ПМК, разам з іншымі будавала магазін, які знаходзіцца ў цэнтры нашай вёскі. Потым сяброўкі пераманілі яе на работу ў Ляхавіцкі раён на цагельны завод. Надзя працавала і вучылася ў вячэрняй школе. Паспявала таксама вучыцца ткаць прыгожыя ручнікі, посцілкі, абрусы, перабіраць на кроснах прыгожыя ўзоры і аздабляць імі вытканыя вырабы. Ад сваёй маці пераняла ўменне вязаць кручком і пруткамі, прасці кудзелю, вышываць.

За няўрымслівы характар, за знешнюю прывабнасць прыглянулася яна мясцоваму настаўніку Андрэю Андрэевічу Ярашэвічу, які праз некаторы час прапанаваў ёй стаць яго жонкай. У студзені 1975 года яны згулялі вяселле. Надзея Васільеўна стала працаваць у мясцовым Доме культуры мастацкім кіраўніком. Андрэй Андрэевіч быў актыўным удзельнікам мастацкай самадзейнасці, нават прызавыя месцы займаў у конкурсах. Тры разы на тыдзень яны арганізоўвалі танцы, спявалі ў мясцовым хоры, у вакальным ансамблі, удзельнічалі ў драмгуртку. І для заняткаў рукадзеллем знаходзіла Надзея час — без вышывання ці вязання яна проста не магла жыць. Гэтая справа ў яе выдатна атрымлівалася. Нават старэйшыя мясцовыя жанчыны звярталіся па параду да яе, і яна заўсёды дапамагала выпраўляць памылкі, падказвала, раіла, кансультавала. Са сваімі тканымі і вышыванымі вырабамі Надзея Васільеўна неаднаразова прымала ўдзел у выставах майстроў народнай творчасці на раённым і рэспубліканскім узроўнях. У якасці падарункаў яе вышыванкі развезлі далёка за межы Беларусі яе сваякі, блізкія і знаёмыя.

Надзея Васільеўна — багатай душы чалавек, яна шчодра дзеліцца сваёй дабрынёй з людзьмі. Дзе б яна ні працавала, да яе заўсёды звярталіся па параду. Яе жыццёвы вопыт, яе залатыя рукі і добрае сэрца, адкрыты і ясны погляд прывабліваюць субяседніка. З ёю цікава пагутарыць і паразважаць на любую тэму. Не толькі працавітымі рукамі заслужыла павагу гэтая жанчына — яна шмат чытае, удзельнічае ў мастацкай самадзейнасці пры Хатыніцкім СДК. Яе фотаздымкі змешчаны ў кнігах па мастацтве і народнай творчасці.

Зараз Надзея Васільеўна на заслужаным адпачынку. Разам з мужам яны выхавалі і вывелі ў людзі сына і дзвюх дачок. Сын таксама ўмее выконваць любую справу — смачна гатаваць, добра разбіраецца ў будаўніцтве. Дочкі працягваюць справу свайго бацькі — яны педагогі. Але і яны захапляюцца рукадзеллем, асабліва Алена. Яна мастак, кіруе мастацкімі гурткамі ў Ганцавічах, у раённым Цэнтры дзіцячай і юнацкай творчасці. Меншая, Людміла, выкладае ў Мазырскім педуніверсітэце імя І. Шамякіна.

Хаця Надзея Васільеўна і на пенсіі, яна без справы не сядзіць. Яе вялікі агарод заўсёды дагледжаны. У хаце таксама кожная рэч на сваім месцы. Тут шмат пакаёвых кветак. Ложкі і канапы засланы прыгожымі вышыванымі накідкамі. Навалачкі на падушках таксама вышытыя — вачэй не адарваць.

Такая вось яна, Надзея Васільеўна. Калі б пазнаёміўся з ёю Якуб Колас, то назваў бы найпрыгажэйшай кветкай Палесся. Бо такая яна і ёсць на самай справе.

Галіна ВАЙЦЯХОВІЧ,

бібліятэкар аграгарадка Хатынічы.

Фота аўтара.

 

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: 24 часа это - ?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 531

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 447

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 423

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 330

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 558

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 383

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 400

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 475