Закрыть

Выберите свой город

Закрыть

Не станьце ахвярай “маўклівага забойцы”!

Інфаркт міякарда ці інсульт мозгу выклікае артэрыяльная гіпертанія, якая спакваля “падкрадваецца” непрыкметна. Яе яшчэ называюць “маўклівым забойцам”. Часцей за ўсё захворванне працякае без сімптомаў, таму вымярэнне артэрыяльнага ціску павінна стаць абавязковым для ўсяго насельніцтва. Кожны чалавек павінен ведаць свой узровень артэрыяльнага ціску.

Прыкладна ў 30 — 40 працэнтаў людзей ён вышэй за норму. Варта памятаць, што павышаны артэрыяльны ціск аказвае негатыўны ўплыў на ўнутраныя органы і сістэмы — сэрца, сасуды, ныркі, галаўны мозг. Таму асноўнай мэтай лячэння артэрыяльнай гіпертэнзіі з’яўляецца не толькі зніжэнне артэрыяльнага ціску да нармальных значэнняў, але і абарона ўнутраных органаў. Што трэба ведаць, умець і галоўнае рабіць, каб адчуваць сябе добра і пазбегнуць ускладненняў ад артэрыяльнай гіпертэнзіі?

Асноўны прынцып лячэння гэтай хваробы — пастаянства. Лячыцца неабходна ўсё жыццё, сумяшчаючы немедыкаментозныя метады і фармакалогію. Важна памятаць, што артэрыяльная гіпертэнзія не толькі самы распаўсюджаны фактар рызыкі сардэчна-сасудзістых ускладненняў, але і абсалютна кіруемы.

Кожны хворы на артэрыяльную гіпертэнзію павінен ведаць правілы, якія дапамогуць у барацьбе з самым распаўсюджаным захворваннем 21 стагоддзя.

Лішняя вага перашкаджае рабоце сэрца і сасудаў. Харчаванне павінна быць у меру насычанае калорыямі, багатае на вітаміны, мікраэлементы. Варта адмовіцца ад жывёльнага тлушчу, прысмакаў, вяндліны, што дапаможа знізіць вагу, а значыць і артэрыяльны ціск. Урач падкажа найбольш падыходзячую дыету. Страта толькі 5 лішніх кілаграмаў зніжае артэрыяльны ціск на 5,4 міліметра. Таму абавязкова кантралюйце ўласную вагу.

Не соль, а прыправы і свежае зяленіва! Многія прадукты харчавання і гатовыя стравы ўтрымліваюць соль. Вэнджанае мяса, каўбаса, пікантныя сыры, кансервы, хлеб — насычаны соллю. Яна затрымлівае вадкасць у арганізме, павышае ціск, таму нельга злоўжываць ёю. Не дасольвайце ежу і ўвогуле адмаўляйцеся ад салёных арэшкаў і пячэння. Імкніцеся больш выкарыстоўваць не павараную, а дыетычную соль, свежае зяляніва, прадукты харчавання, якія ўтрымліваюць у дастатковай колькасці калій і магній: пятрушку, кабачкі, сталовыя буракі, разынкі і іншую сушаную садавіну.

Рух захоўвае форму і з’яўляецца найлепшым трэнерам кровазвароту. Для людзей з павышаным ціскам рэкамендуецца хада, бег, плаванне, заняткі на лыжах. Але пачынаць заняткі фізкультурай варта паступова, папярэдне параіўшыся з урачом, і паступова павялічваць нагрузку, не перанапружвацца. Звярніце ўвагу на сваіх дзяцей, бо да артэрыяльнай гіпертэнзіі ёсць спадчынная схільнасць. Калі не прымаць прафілактычных мер, то ў дзяцей артэрыяльны ціск пачынае павышацца на 5 — 8 гадоў раней, чым у іх бацькоў-гіпертонікаў. Няхай малы з дзяцінства сябруе са спортам.

Курэнне не ў модзе, калі ў модзе здароўе!  Курэнне разбурае і звужае крывяносныя сасуды, становіцца прычынай парушэнняў кровазвароту і павышэння ціску. Станьце праціўнікам курэння — іншага выхаду пры такім захворванні няма.

Пазбягайце стрэсавых сітуацый! Стрэс і хваляванні на рабоце і дома спрыяюць імкліваму скачку крывянога ціску. Паспрабуйце “заплюшчваць вочы” на дробязі і не хвалявацца з-за абставін, змяніць якія не па сіле. Падзяліцца з кім-небудзь хвалюючым пытаннем іншы раз становіцца добрай разрадкай. Прагулкі і паўнацэнны сон супакойваюць і зніжаюць стрэсавы ўзровень. Нельга забываць аб адпачынку ў вольны час і ў перыяд водпуску.

Навучыцеся расслабляцца! У час адпачынку ціск зніжаецца сам па сабе. Таму знаходзьце магчымасць рабіць невялікія перапынкі і днём. Дапамагаюць расслабіцца таксама мэтанакіраваныя практыкаванні на расслабленне, ароматэрапія і саўна.

Небяспечныя спіртныя напіткі. Алкаголь нясе ў сабе лішнія калорыі, бо толькі ў адным граме спірту ўтрымліваецца ў сярэднім 7 калорый. Гэта прыводзіць да дадатковай нагрузкі на сэрца. Больш таго, злоўжыванне алкаголем можа прывесці да рэзкага пад’ёму артэрыяльнага ціску, парушэнню сардэчнага рытму, да разнастайных сасудзістых катастроф.

Кубак кавы? Будзьце асцярожнымі! Кубак кавы ці моцнай гарбаты не супрацьпаказаны і пацыентам з павышаным ціскам. Ёсць пэўная група людзей з артэрыяльнай гіпертэнзіяй, якія раніцай наадварот маюць патрэбу ў гэтых напітках, каб зняць галаўны боль, выкліканы парушэннем тонусу ўнутрычарапных вен. Але катэгарычна не рэкамендуецца выпіваць на дзень больш за 3 — 4 кубкі. Прычым нельга забываць аб сваім сэрцы і варта выбіраць гатункі кавы без кафеіну. Лепш успомніць аб карысных, з водарам,  зёлкавых зборах. Мята, мацярдушка, сардэчнік, валяр’ян зробяць пахучай гарбату і прынясуць карысць сэрцу і сасудам.

Самае галоўнае, што, калі ўрач назначыў прэпараты, якія зніжаюць артэрыяльны ціск, то іх трэба прымаць пастаянна і працяглы час, а часта і ўсё жыццё. Заўважу, што поўнасцю вылечыцца ад артэрыяльнай гіпертаніі нельга, але змяніўшы свой лад жыцця, рэгулярна прымаючы лякарствы, назначаныя ўрачом, магчыма не толькі кантраляваць узровень артэрыяльнага ціску, але і пазбегнуць цяжкіх наступстваў, якія часта прыводзяць да сумных вынікаў.

Ларыса КАСЦЮК, урач-кардыёлаг УАЗ “Ганцавіцкая ЦРБ”.

Не станьце ахвярай “маўклівага забойцы”!

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Сколько лет в веке? (ответ числом)

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 527

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 445

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 415

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 326

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 551

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 379

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 395

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 471