Закрыть

Выберите свой город

Закрыть

“Алімпійцы — дзецям”

У мінулы аўторак у дапаможнай школе-інтэрнаце было па-сапраўднаму весела і святочна. Тут прайшоў адзін з этапаў акцыі “Алімпійцы — дзецям”, якая прысвечана ХХІІ Зімовым Алімпійскім гульням, што адбыліся сёлета ў Сочы.

Як вядома, гэтая Алімпіяда стала найлепшай з усіх зімовых у гісторыі беларускага спорту. Зборная Беларусі ў агульнакамандным заліку заняла ганаровае 8 месца, што можна лічыць па-сапраўднаму выдатным дасягненнем. Нашы спартсмены заваявалі 6 алімпійскіх медалёў: біятланістка Дар’я Домрачава стала трохразовай алімпійскай чэмпіёнкай, “золата” таксама на рахунку фрыстайлістаў Алы Цупер і Антона Кушніра, а біятланістка Надзея Скардзіна заваявала бронзавы медаль. Таму і галоўнымі задачамі акцыі “Алімпійцы — дзецям”, арганізатарамі якой выступілі Прадстаўніцтва Нацыянальнага алімпійскага камітэта Беларусі ў Брэсцкай вобласці, упраўленне адукацыі аблвыканкама і дзіцяча-юнацкая спартыўная школа “Прыбуж’е”, сталі прапаганда зімовых відаў спорту, развіццё алімпійскай адукацыі, а таксама далучэнне дзяцей да заняткаў спортам і фарміраванне ў іх станоўчых адносін да здаровага ладу жыцця.

Ганаровыя госці, сярод якіх былі дырэктар Прадстаўніцтва НАК Беларусі ў Брэсцкай вобласці Алена Белаконенка, майстар спорту міжнароднага класа па спартыўнай хадзе, удзельнік Алімпійскіх гульняў 2000 года ў Сіднэі Андрэй Макараў і чэмпіён свету па гіравым спорце ў рыўку, рэкардсмен Кнігі рэкордаў Гінэса Андрэй Шумовіч прыехалі ў наш райцэнтр са шматлікімі падарункамі і цікавай праграмай.

На цырымоніі адкрыцця акцыі першым перад прысутнымі выступіў загадчык сектарам спорту і турызму аддзела адукацыі спорту і турызму райвыканкама Яўген Кабрынец. Ён расказаў пра дасягненні ганцавіцкіх спартсменаў і пажадаў рабятам стаць дастойнай зменай цяперашняму пакаленню нашых выдатных спартсменаў. Алена Белаконенка некалькі слоў сказала пра сёлетнія Алімпійскія гульні ў Сочы і нагадала прысутным пра дасягненні беларускіх спартсменаў на гэтай Алімпіядзе.

Пасля ўрачыстай цырымоніі адкрыцця ў спартыўнай зале пачалася спартландыя, у якой прынялі ўдзел навучэнцы дапаможнай школы-інтэрната. Спаборніцтвы атрымаліся па-сапраўднаму захапляючымі і цікавымі, а некаторыя этапы ўвогуле выклікалі ў прысутных шквал станоўчых эмоцыі. Невыпадкова, што падчас адной з музычных паўз Алена Белаконенка папрасіла дазволу ў настаўнікаў фізічнай культуры дапаможнай школы-інтэрната Святланы Яраховіч і Ірыны Жалезнай, запазычыць некаторыя этапы спартландыі для НАКа.

Пасля заканчэння спартыўнай часткі акцыі ганаровыя госці ўзнагародзілі ўдзельнікаў спаборніцтваў, а таксама ўсіх дзетак навучальнай установы каштоўнымі падарункамі: спартыўным інвентаром і паліграфічнымі выданнямі з фотаздымкамі беларускіх прызёраў Алімпійскіх гульняў у Сочы.

Другая частка акцыі прайшла ў актавай зале дапаможнай школы-інтэрната. Для гасцей падрыхтавалі цікавую канцэртную праграму. Не засталіся ў баку і ганаровыя госці. Спачатку яны разыгралі для рабят латарэю, потым для самых маленькіх выхаванцаў правялі цікавую гульню на спартыўную тэматыку і, нарэшце, арганізавалі віктарыну на тэму Алімпійскіх гульняў у Сочы і дасягненнях на іх беларускіх спартсменаў, у якой пераможцамі сталі Марына Пошва і Кірыл Левы.

Перад рабятамі выступілі таксама Андрэй Макараў і Андрэй Шумовіч. Спартсмены расказалі пра сябе, пра свае віды спорту, а таксама паказалі рабятам узнагароды, якія яны атрымалі на шматлікіх рэспубліканскіх і міжнародных спаборніцтвах. Да таго ж, Андрэй Шумовіч прадэманстраваў прысутным сэртыфікат рэкардсмена Кнігі рэкордаў Гінэса. А напрыканцы вядомыя спартсмены падарылі ўсім жадаючым каляровая лістоўкі са сваімі аўтографамі.

Па словах Алены Белаконенка, Ганцавічы сталі пятым горадам Брэстчыны, дзе прайшла акцыя “Алімпійцы — дзецям”. І ўражанні ад наведвання нашага райцэнтра ў гасцей засталіся самыя прыемныя. Як і ў рабят з дапаможнай школы-інтэрната. Гэта было бачна па іх зацікаўленасці і цудоўнаму настрою як падчас правядзення акцыі, так і пасля яе заканчэння.

Уладзімір САКАЛОЎ.

НА ЗДЫМКАХ: 1. Алена Белаконенка і Андрэй Шумовіч дэманструюць прысутным сертыфікат рэкардсмена Кнігі рэкордаў Гінэса; 2. Андрэй Макараў раздае дзецям лістоўкі з аўтографамі.

Фота аўтара.

“Алімпійцы — дзецям”

“Алімпійцы — дзецям”

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц лета?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 533

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 448

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 424

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 331

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 560

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 384

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 401

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 476