Закрыть

Выберите свой город

Закрыть

Гарачы сакавік

У сельгаскааператывах раёна поўным ходам вядуцца вясенне-палявыя работы. Гарачая, адказная пара! Анамальна цёплае сакавіцкае надвор’е прыспешвае хлебаробаў: пакуль у глебе ёсць запасы вільгаці, трэба як мага хутчэй пасеяць раннія каласавыя. Удосталь у гэтую вясеннюю пару і іншых неадкладных спраў, з якімі трэба справіцца ў аптымальныя тэрміны. Вось чаму на такім строгім уліку не тое што гадзіны — кожная хвіліна. І гэтым каштоўным часам вельмі даражаць у СВК “Дубнякі”. А што гэта так, сведчаць і вынікі: гаспадарка, паводле зводак райсельгасхарчу, у ліку лепшых па тэмпах і якасці вясенне-палявых работ і, па ўсім відаць, адной з першых у раёне завершыць яравую сяўбу.

У сераду, 26 сакавіка, супрацоўнікі “СП” пабывалі ў гэтым сельгаскааператыве і не маглі не заўважыць той дзелавой абстаноўкі, сабранасці, што пануюць тут. У кожнага механізатара — сваё заданне, і яны без лішняй мітусні, звычна, спорна і, галоўнае, якасна выконваюць сваю работу. На палях гаспадаркі ажыўлена: дзе аруць, дзе сеюць, дзе ўносяць арганіку, займаюцца падкормкай траў, сенажацей і пашаў, вядуць хімпраполку пасеваў яравых зернебабовых культур.

Галоўнага агранома гаспадаркі Віталія Крука засталі ў той ранак на мехдвары ў Перадзеле. Разам дабіраемся ва ўрочышча Карповіч, дзе на плошчы ў 39 гектараў пасеяны ўжо раннія каласавыя. Насычаныя вільгаццю зярняты вось-вось пусцяць расточкі, а таму трэба яшчэ да з’яўлення ўсходаў правесці хімапрацоўку гэтага яравога кліна. Тут шчыруе адзін з вопытнейшых механізатараў сельгаскааператыва Вячаслаў Шут. Трактар, падуладны свайму рупліваму гаспадару, упэўнена абходзіць поле. За ім “плыве”, пераліваецца на яркім сонцы вясёлкавымі кроплямі шлейф воднага раствору з неабходнымі хімікатамі. Ён зберажэ пасевы ад непажаданага саперніка — пустазелля, і станоўча паўплывае на будучы ўраджай. Вячаслаў прыпыняецца літаральна на хвілінку,  на хаду высвятляе ў агранома некаторыя пытанні, і яго трактар зноў робіць чарговы круг.

“Спяшаецца, — нібы апраўдваючыся за такую кароценькую сустрэчу-знаёмства з механізатарам, сціпла кажа галоўны аграном і, гледзячы ўслед ад’язджаючаму трактару, дадае: — Вясновы дзень год корміць. Не пастараемся цяпер — не дабяром ураджаю ў час уборкі. Вось і стараюцца механізатары кожны на сваім рабочым месцы. Вунь на тым полі працуе Юрый Волкаў, па 10 — 12 гектараў плошчаў за дзень узорвае”. Едзем туды, і па дарозе Віталій Сцяпанавіч расказвае пра ход вясенне-палявых работ, пра тых, на чыіх плячах ляжыць гэтая адказная справа.

Гарачы сакавік

“Абыякавых да хлебаробскай справы механізатараў у нас няма, — уступае ў размову старшыня сельгаскааператыва Уладзімір Грыгаран, што  якраз пад’ехаў на поле, дзе араў Юрый Віктаравіч.  — Нікога не трэба панукаць, усе з разуменнем і адказнасцю адносяцца і да сваіх абавязкаў, і да часовых праблем. Так і павінна быць! І чым дружней мы будзем зараз працаваць, тым хутчэй завершым пасяўную. І будзем з хлебам!” — аптымістычна дадае кіраўнік гаспадаркі.

А што тут спорыцца работа, сведчаць лічбы і факты, якія далі нам і галоўны аграном СВК, і старшыня. Калі не падвядзе надвор’е, сёння ў гаспадарцы мяркуецца завяршыць сяўбу ранніх зернявых, якія займаюць плошчу ў 580 гектараў. У той дзень, калі мы былі ў “Дубняках”, іх пасеялі на 400 гектарах, 130-гектарная плошча адведзена сёлета пад бульбу, рады пад яе ўжо наразаюцца і вось-вось пачнецца пасадка. На 700 гектарах будзе пасеяна кукуруза, плошчы пад яе рыхтуюцца, на 50 гектарах — проса, на 10 — кармавыя буракі, на 150 — аднагадовыя травы. Плануецца атрымаць не менш за 4 тысячы тон зерня ў амбарнай вазе. А каб планы ажыццявіліся, трэба старацца штодзень, што і робяць у гаспадарцы. Поўнасцю падкормлены ўжо азімыя, якія займаюць плошчу ў 912 гектараў, рапс (386 га), на 261  гектары сенажацей, пашаў і шматгадовых культур унесены азот. Па стане на 26 сакавіка ўнесена на палі 16 тысяч тон арганікі, засталося яшчэ раскінуць прыкладна 5 тысяч тон. На наступным тыдні тут справяцца і з гэтай работай.

Здавалася б, ідылічны абразок вясковага жыцця-быцця. Але і ў ім — не без праблем: не заўсёды хапае неабходных сродкаў на набыццё мінеральных угнаенняў, паліва, сродкаў хімапрацоўкі… Але кіраўніцтва сельгаскааператыва не наракае на іх, не сядзіць склаўшы рукі, а дзейнічае, шукае выйсце. І знаходзіць яго. У гаспадарцы моцны касцяк механізатарскіх кадраў. А якая справа — такая і слава.

А як увогуле ідзе пасяўная кампанія ў раёне, мы даведаліся ва ўпраўленні сельскай гаспадаркі і харчавання райвыканкама. Як паведаміў намеснік старшыні райсельгасхарчу Міхаіл Канановіч, пад яравую сяўбу ў сельгаскааператывах Ганцаўшчыны сёлета адведзена плошча ў 11380 гектараў, у тым ліку пад сяўбу яравых зернявых і зернебабовых — 5840 гектараў. Па стане на 26 сакавіка ўсе гаспадаркі прыступілі да гэтай работы і была засеяна плошча ў 2193 гектары. Рытмічна вядзецца догляд пасеваў, іх падкормка,  азімы рапс апрацоўваецца інсектыцыдам супраць сцябловага скрытнахобатніка. Рапс займае ў гэтым годзе плошчу ў 2350 гектараў і ўжо цалкам падкормлены. Завяршаецца падкормка і азімых зернявых. На сераду пяць гаспадарак раёна завяршылі гэтую работу. Уносіцца арганіка, вядзецца падрыхтоўка глебы пад сяўбу іншых культур, перазалужэнне і падсяванне шматгадовых траў, выконваюцца і іншыя неадкладныя работы. Паміж некаторымі гаспадаркамі арганізавана ўзаемадапамога. Вясна набірае разбег, круціцца няспыннае кола вясковых клопатаў. Дзеля хлеба на нашых сталах. Дзеля дастатку ў краіне, дзе ўсё робіцца для таго, каб мірна, спакойна жыў і працаваў яе народ.

Марыя ДЗЁМІНА.

Фота Алы ПЯТЛІЦКАЙ.

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Спутник планеты Земля?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 533

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 448

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 424

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 331

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 560

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 384

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 401

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 476