Закрыть

Выберите свой город

Закрыть

Скупасць і зайздрасць заўсёды побач

Скупасць — вялікая загана, бо дні скупога чалавека праходзяць марна — у зайздрасці. Пра такога ў народзе кажуць, што “яго жаба душыць”. А гэта значыць, што небарака пакутуе, як ад хваробы.

Калі чалавек крыху скупы, то вялікай бяды ў тым няма. Ва ўсялякім разе, гэта лепш, чым марнатраўства. Кепска, калі скупасць — на мяжы сквапнасці.

Не толькі з асобнага скупога чалавека насміхаюцца, а часам смяюцца з жыхароў цэлага рэгіёна ці населенага пункта.

Габрава далёка вядома за межамі Балгарыі. Пра скупасць жыхароў гэтага мястэчка ходзяць анекдоты і праводзяцца нават своеасаблівыя фестывалі жарту і гумару.

— Петка, чаму ў цябе адзін кубак без дна?

— А гэта з яго суседзі ваду п’юць, — адказвае габравец.

У беларусаў таксама не ўсё ў гэтым плане адназначна. Мне давялося пабываць ва ўсіх абласцях Беларусі, і скажу, што ў цэлым беларусы не скупыя, ці, лепш сказаць, не сквапныя. Але тым не менш розніца адчуваецца. На ўсходзе краіны народ больш адкрыты і гасцінны, а вось у цэнтральнай частцы і на паўночным захадзе людзі больш скупыя. Але ашчаднасць як адна з рыс характару чалавека лічыцца з’явай станоўчай. Да таго ж беражлівасці ў нас падчас і не хапае. А адносна сквапнасці і зайздрасці, то тут мы не выключэнне: сярод беларусаў “габраўцаў” хапае.

Але хачу спыніцца на палескім рэгіёне, бо людзі тут асабліва гасцінныя. Аднойчы давялося пераначаваць у адной з вёсак Ганцаўшчыны. Быў не адзін. Восенню цямнее рана, таму адразу селі вячэраць. Не паспеў гаспадар наліць па чарцы, як у хату зайшоў сусед Іван і на стол пляшку паставіў.

— Паспрабуйце маёй, “іванаўскай”, — прапанаваў мужчына. — Найлепшая на ўсю вёску.

А калі мы зрабілі па глытку “іванаўскай”, той паведаміў: “У нас тут Мікалай любіць пахваліцца, дык у яго не гарэлка, а памыі”.

Гарэлка аказалася не горшай. А пазней мы выйшлі на вуліцу і развіталіся з Іванам. Толькі надумалі вярнуцца, як да нас падышоў невысокі мужчына і прывітаўся за руку. Наш гаспадар сказаў, што гэта Мікалай з хаты насупраць. Яны перакінуліся словам, і новы знаёмы запрасіў да сябе. У цемнаце прайшлі на кухню, і Мікалай прынёс з бакоўкі двухлітровы слоік гарэлкі. З другога пакоя пачуўся жаночы голас. Але калі туды зазірнуў гаспадар хаты, жанчына змоўкла.

— Хлопцы, у Івана не гарэлка, а г…! Не махлюю, выпіце “мікалаеўскай” на бярозавіку — і самі пабачыце.

Такой гасціннасці я больш нідзе не сустракаў, хоць у характары палешукоў шмат агульнага. Чаму б не пахваліцца і не пачаставаць, калі гарэлка ўдалася?

У кожнага народа свой погляд на жыццё. І тое, што для аднаго лічыцца нармальным, для другога — непрымальнае.

Пасля развалу Савецкага Саюза многія людзі раптоўна страцілі вялікія грошы. Жыў стары, хадзіў амаль што ў лахманах, а высветлілася, што ў яго прапала 50 тысяч рублёў. Сабраць такую вялікую суму мог толькі скупаваты чалавек, які сабе ў многім адмаўляў. А калі ўнук папрасіў у дзеда грошай на халадзільнік, той не даў.

У большасці выпадкаў скупы чалавек шкодзіць найперш сабе. Нават для свайго рота ён шкадуе, а не тое, каб кагосьці пачаставаць. У скупога няма радасці і весялосці. “Хто любіць багацтва, таму няма карысці ад гэтага, — гаварыў Эклізіяст. — І дык ідзі, еш з вяселлем хлеб твой і пі ў радасці сэрца віно тваё…”.

Быў такі выпадак. Вясной жонка хворага пайшла да свекрыві папрасіць гною.

— Не дам, бо Сяргей ужо не жылец, — адмовіла свякроў.

Выручыў сусед. А Сяргей выздаравеў і перажыў маці, якая была скупым чалавекам ці дурнаватай сквапнай бабай.

Але ж скупасць — яшчэ паўбяды, найбольш даймае такога чалавека зайздрасць, бо яны заўсёды побач. Калі нехта купіў новую мэблю ці нейкую там бытавую тэхніку, то ў другога жыхара павышаецца тэмпература і чалавек два дні хварэе.

Не забываецца прытча са студэнцкіх гадоў. Яўрэй просіць у Бога:

— Госпадзі, зрабі багатым маю радню, знаёмых і… не забудзь Самуіла з Клецка, ён мне калісьці дапамог.

— Госпадзі, дай майму брату Гіві такі ж вялікі дом, які даў мне, а брату Вісарыёну “Волгу”, якой у яго няма, — папрасіў грузін.

А беларус доўга не думаў:

— Госпадзі, дай мне зямелькі, але забяры ў майго суседа.

Класіка! Народ працавіты, і гэтага не аднімеш, але ж “жаба” каго-небудзь ды душыць.

Працягваецца падзел грамадства. З’явіўся сярэдні клас. А нехта мае вялікі дастатак. Часта людзі з рознымі даходамі жывуць у адным доме. І такі падзел далёка не ўсе могуць спакойна ўспрымаць. На Захадзе гэты кантраст не так кідаецца ў вочы, бо там падзел даўно ўжо адбыўся. У элітных раёнах — людзі багатыя, а ў бедных — свае мікрараёны.

Не будзем разважаць, кепска гэта ці добра, але і наша грамадства ідзе гэтым жа шляхам.

Бедныя будуць зайздросціць і лічыць, што яны заслугоўваюць большага. А тое, на што здольны кожны канкрэтны чалавек, да ўвагі не бярэцца.

І якое тут выйсце?

Калі нехта дасягнуў нечага ў жыцці, то не трэба яму зайздросціць, а лепш будзе да яго цягнуцца, каб нешта пераняць, нечаму навучыцца.

Аднойчы ў Германіі мне давялося ўбачыць такі малюнак. У невялікім гарадку ўся плошча і прылягаючыя да яе вуліцы былі забіты аўтамабілямі.

— А што тут адбываецца? — пацікавіўся я.

— У мясцовым тэатры выступае вядомы скрыпач. Вось і з’ехаліся з усёй акругі, — растлумачыў наш нямецкі сябра.

— Няўжо ўсе яны аматары музыкі?

— Не. Але не пабываць на такім канцэрце лічыцца непрыстойным.

У грамадстве павінны быць каштоўнасці, якія цанілі б людзі незалежна ад іх матэрыяльнага становішча ці пасады. Напрыклад, паважлівае стаўленне да чужой працы, думкі, жаданне ўбачыць у іншым чалавеку не ворага, а прыяцеля. Калі ўступаеш дарогу сустрэчнаму, то трэба зрабіць гэта з прыветлівай усмешкай. А што датычыцца скупасці, то трэба памятаць, што, сабраўшы багацце, можна памерці ў галечы.

“Спяшаецца да багацця зайздросны чалавек і не думае, што галеча спасцігне яго”, — гэта зноў Эклізіяст.

Уладзіслаў СНІТКА.

Скупасць і зайздрасць заўсёды побач

Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Ганцевичей

Сацыяльнае жыллё, ільготныя крэдыты і арэнда Дзеці-сіроты ў Беларусі будуць атрымліваць жыллё на пяць гадоў

Хотите узнать больше? Гэта прадугледжана Указам нумар 460, які падпісаў Прэзідэнт Беларусі Аляксандр Лукашэнка. Прадугледжваецца комплексная карэкціроўка Указаў ад 6 530

Пераплат за паездку быць не павінна

Хотите узнать больше? З хвалюючым пытаннем у рэдакцыю раённай газеты звярнулася жыхарка горада Ганцавічы Валянціна Н. Жанчыну цікавіла чаму веруючыя, якія едуць на малебны 446

Пажар у Макаве

Хотите узнать больше? У сераду гарэў жылы дом у Макаве па вуліцы Гагарына. Праз 12 мінут з моманту паступлення паведамлення, пажарныя-выратавальнікі прыбылі на месца 420

Ініцыятыва

Хотите узнать больше? Нядаўна на аўкцыёне прададзены будынак былой Боркаўскай школы. Яго набыў ураджэнец вёскі Хатынічы за 162 мільёны рублёў і ў наступным годзе плануе на 328

На КПД новы дырэктар (абноўлена)

Хотите узнать больше? На мінулым тыдні назначаны і прадстаўлены працоўнаму калектыву новы дырэктар Ганцавіцкага камбіната панэльнага домабудавання, якім стаў Мікалай 553

Апетыт залежыць ад пасады?

Хотите узнать больше? Чарговыя спробы крадзяжу рыбы на рыбгасе “Лактышы” прадухілілі супрацоўнікі пракуратуры раёна і райаддзела ўнутраных спраў на мінулым тыдні. Прычым 382

“Прямая телефонная линия” с руководителем Ганцевичского района

Хотите узнать больше? 21 ноября 2015 года с 9.00 до 12.00 по телефону 2-13-41 проведет “прямую линию” председатель Ганцевичского райисполкома Александр Павлович 398

“Мая прафесія — гонар маёй краіны”

Хотите узнать больше? За сорак гадоў існавання ўстановы адукацыі “Ганцавіцкі ліцэй сельскагаспадарчай вытворчасці” склаліся свае традыцыі. Адной з іх з’яўляецца агляд 475