Закрыть

Выберите свой город

Закрыть

Нашы ў Афрыцы

Нашы ў Афрыцы
Жыхар Баранавіч Уладзіслаў Пашкевіч (справа) з «суседам» Фрэдзі Мэрк’юры, побач з родным домам сусветнай рок-зоркі ў сталіцы Занзібара – Стоўн-Таўне «Люблю Беларусь, але калі тут робіцца зусім невыносна – уцякаю ў Афрыку!» Баранавіцкі юрыст і аматар прыроды Уладзіслаў Пашкевіч за тры гады паспеў не толькі дзесяць  разоў пабываць у Афрыцы, але і пабудаваць там сабе каралавы дом на беразе акіяна.
Ад родных ніў…   Уладзіслаў Пашкевіч па адукацыі – юрыст, а па жыцці – эколаг. Займацца аховай прыроды, па яго словах, ён марыў яшчэ ў дзяцінстве. А юрыдычная адукацыя ў гэтай справе – толькі на карысць, асабліва калі даводзіцца змагацца з бюракратыяй.
«Адукацыя ў тым, чым ты займаешся, важная менш за ўсё, – мяркуе Улад. – Галоўнае – унутранае памкненне і захопленасць справаю. Калі любіць прыроду і жадаць нешта рабіць дзеля яе – тады будзе плён. Калі ахова прыроды – гэта будзённая праца, напрыклад, з 8.00 да 17.00, то не будзе нічога».
За несаступнасць у сваёй справе і за наравісты характар Уладзіслава Пашкевіча недалюбліваюць як браканьеры ды іншыя парушальнікі навакольнай гармоніі, так і афіцыйныя прыродаахоўныя органы.
У вёсцы на суседняй Ляхавіччыне Уладзіслаў мае свой невялікі дамок. І мясцовыя жыхары часцяком паведамляюць яму пра надзвычайныя здарэнні ў ваколіцах. Тады ён бярэ сябра з машынай або выклікае таксі і едзе. У свой час за падобны «экалагічны дэсант» Уладу не толькі прабівалі ўсе чатыры колы ў машыне, на яго і паляўнічыя стрэльбы нацэльвалі, і ў лесе звязвалі... Хаця часам бывае дастаткова толькі паразмаўляць з людзьмі, каб паставіць іх на месца. На пытанне, якімі словамі даводзіцца ўгаворваць парушальнікаў, Улад адказвае: «Мацюгамі! Мацюгамі трэба размаўляць з такімі людзьмі!»
Некалькі гадоў таму Уладзіслаў Пашкевіч зарэгістраваў прыродаахоўнае грамадскае аб’яднанне «ІНТЭГРЫТАС», асноўныя актывісты якога на сёння – біёлагі з Бярэзінскага біясфернага запаведніка і з БарДУ.
«Я не раз сутыкаўся з тым, што супрацоўнікі дзяржаўных прыродаахоўных органаў ніяк не хацелі рэагаваць на мае сігналы. Так было зусім нядаўна, калі на Шчары ў Ляхавіцкім раёне адбылася экалагічная катастрофа невядомага паходжання, – распавядае Уладзіслаў Пашкевіч. – А часам у дзяржаўныя структуры было немагчыма дастукацца, бо, напрыклад, гэта выпадала на выхадныя дні. У мінулым годзе я быў на прыёме ў Міністэрстве лясной гаспадаркі і пераканаў чыноўнікаў стварыць «гарачую лінію». Праблемы ж здараюцца не толькі ў буднія дні, ці не так?..»
…у Афрыку!
Колькі гадоў таму Улад адпачываў у Егіпце, дзе выпадкова пазнаёміўся з шэф-поварам прэзідэнта Фінляндыі. «Мы разгаварыліся, і я запытаўся: дзе для яго самае прыгожае месца на Зямлі? І ён распавёў мне, што найбольш вольнага часу фінскі прэзідэнт бавіць на афрыканскай выспе Занзібар», – прыгадвае Уладзіслаў Пашкевіч.
Першы раз Улад выправіўся ў Афрыку на 20 дзён разам з сябрам, бо аднаму было страшнавата. Купілі квіток на самалёт з Масквы да Найробі, сталіцы Кеніі, пасля аўтобусам праехалі ўсю Танзанію, а адтуль на пароме трапілі на Занзібар.
Першая вандроўка на паўднёвы кантынент, па словах Улада, была выключна азнаямляльнай.
«І з першага ж разу мы напоўніцу «пакаштавалі» Афрыку, – распавядае Улад. – З аднаго боку, мы зразумелі, што лепшага месца на зямлі сапраўды няма: белыя пляжы, каралавыя рыфы, празрысты акіян, пальмы і маляўнічыя заходы трапічнага сонца… З іншага боку, наша вандроўка скончылася тым, што ў апошні дзень нас цалкам абрабавалі. На шчасце, мой сябар прыхаваў крыху грошай, якіх хапіла, каб даехаць на таксі да аэрапорта…»  
Нашы ў Афрыцы
Уладзіслаў Пашкевіч у Афрыцы, з адной з мясцовых дакторак
Ужо праз год Улад зноў прыехаў у Афрыку. І на гэты раз вярнуўся адтуль не толькі з уражаннямі…
Улад заўважыў, што нядаўна яшчэ зусім чыстая і некранутая Афрыка імкліва пераўтвараецца ў звалку смецця. Галоўная прычына – пластыкавая ўпакоўка, якая масава трапіла туды з еўрапейскімі і кітайскімі таварамі. Мясцовае насельніцтва, па звычцы абыходзячыся з пластыкам і поліэтыленам, як з бананавай лушпінай ці какосавай шкарлупінай, актыўна распаўсюджвае гэта «вечнае смецце» па кантыненце. А жыхары Занзібарскага архіпелага вырашаюць праблему зусім проста: выносяць смецце на ўзбярэжжа, а акіян яго забірае. І сёння ў сусветным акіяне ёсць агромністыя пластыкавыя выспы.
«Там я зразумеў, што экалогіяй недастаткова займацца лакальна, бо, калі сёння праблема ёсць у суседа, заўтра яна з’явіцца ў цябе», – распавядае Уладзіслаў Пашкевіч.
Так «ІНТЭГРЫТАС» пачаў займацца і праблемамі Афрыкі. Экалагічнымі ідэямі напорыстага беларуса заціка-віўся расійскі пасол у Танзаніі. Ён і пазнаёміў Улада з прэзідэнтам Занзібара, які, як выявілася, цудоўна размаўляе па-руску, бо яшчэ ў эпоху СССР закончыў… універсітэт у Адэсе. Так аб’яднанне Уладзіслава Пашкевіча атрымала і танзанскую рэгістрацыю з правам займацца навуковай дзейнасцю ў некалькіх афрыканскіх краінах.   Сёння «ІНТЭГРЫТАС» вядзе перамовы па наладжванні працэсу перапрацоўкі смецця на Афрыканскім кантыненце, займаецца распрацоўкай альтэрнатыўнай упакоўкі для прадуктаў з прыродных матэрыялаў, а таксама ініцыюе экалагічныя праекты па ахове возера Вікторыя, каралавых рыфаў і мангравых лясоў Занзібара. Стараннямі Уладзіслава Пашкевіча цяпер на Занзібары заканчваецца будоўля Міжнароднай біялагічнай станцыі, дзе змогуць працаваць навукоўцы-біёлагі з усяго свету. А для беларускіх школьнікаў «ІНТЭГРЫТАС» абвесціў у межах уласнай праграмы малых грантаў на 2013 год конкурс навукова-даследчых праектаў у сферы экалогіі, умовы якога выкладзены на сайце аб’яднання. Найбольш актыўныя і зацікаўленыя маладыя людзі ў перспектыве змогуць стаць сябрамі арганізацыі і працаваць як у Беларусі, так і ў Афрыцы.   Новае адкрыццё Афрыкі
Сёння ўвесь свет актыўна працягвае адкрываць для сябе цэнтральную Афрыку, кажа Улад. Дзясяткі авіярэйсаў з усяго свету у Дар-Эс-Салам (адміністрацыйны цэнтр Танзаніі) штодня перапоўнены. Танзанія – краіна найлепшых нацыянальных паркаў Афрыкі, дзе здымаецца асноўная частка фільмаў пра міграцыі звяроў. Тут жа знаходзіцца найвялікшае ў Афрыцы і другое па велічыні ў свеце возера Вікторыя, а таксама найвышэйшая кропка кантыненту – гара Кіліманджаро. А праслаўлены дзіцячым пісьменнікам Карнеем Чукоўскім суседні Занзібар (дарэчы, радзіма рок-зоркі Фрэдзі Мэрк’юры) сёння мае ўсе шанцы пераўтварыцца ў сусветны пляжны курорт.
Але не толькі белыя пляжы і празрысты акіян вабяць у Афрыку іншаземцаў. Апрацоўкай і продажам каштоўных камянёў займаюцца пераважна індусы. Кітайцы пабудавалі падводныя фермы, дзе вырошчваюць водарасці. У руках еўрапейцаў і амерыканцаў сканцэнтравана здабыча золата. «З Беларуссю ў Афрыцы кантактаў амаль няма. Я ведаю толькі адну мінскую сям’ю ў Дар-Эс-Саламе, якая гандлюе трактарамі «Беларусь». І гандлюе паспяхова, трэба сказаць», – кажа Уладзіслаў Пашкевіч.
Важны фактар, які прыцягвае ў Афрыку еўрапейцаў і амерыканцаў, па словах Улада, – гэта поўная свабода, адсутнасць заканадаўчай зарэгуляванасці і шырокія магчымасці для бізнэсу. «Афрыка – гэта і сёння чырвоная зямля, тэрыторыя перманентных войнаў паміж канкурэнтамі за кантроль над здабычай карысных выкапняў. Мясцовыя ўрады толькі фармальна кіруюць сваімі краінамі, атрымліваючы мізэрны працэнт ад гэтых здабычаў. Рэальная ўлада знаходзіцца ў руках аўстралійцаў, амерыканцаў і еўрапейцаў. Фактычна, гэта нэакаланізацыя», – мяркуе Уладзіслаў Пашкевіч.
А таму, па словах Улада, у мясцовага насельніцтва, якое жыве ў абсалютнай бядоце, белы чалавек адназначна асацыюецца з войнамі, захопам тэрыторый і рэсурсаў. У Кеніі і Танзаніі беласкурага чалавека называюць «мзунгу» (у перакладзе з афрыканскай мовы суахілі – «мех з грашыма»), разглядаючы нас выключна як сродак для існавання і хаця б мінімальнага заробку.
«У нашым свеце Афрыку часцяком няўдзячна называюць «азадкам свету», які  тым не менш любяць усе. І любяць найперш за поўную свабоду і вечнае лета. Для мяне гэта – галоўныя каштоўнасці», – кажа Улад, які апошнім часам любіць наведвацца ў Афрыку, асабліва падчас беларускай зімы. За тры гады ён ужо больш за дзесяць разоў паспеў пабываць у Афрыцы і нават пабудаваў сабе на Занзібары невялікі каралавы дом на ўзбярэжжы акіяна.
«Люблю Беларусь, але калі тут робіцца зусім невыносна – уцякаю ў «вечнае лета», – кажа Улад. – І ўсім беларусам раю хаця б раз адчуць, што такое Афрыка. Пражыць жыццё і ні разу там не пабываць? Гэта немагчыма!»  
Нашы ў Афрыцы
Уладзіслаў Пашкевіч на выспе Пемба
Заметили ошибку? Выделите текст, нажмите Ctrl+Enter и оставьте замечание!

Комментарий (Максимум 1000 символов)

Вопрос: Первый месяц весны?

Вы знаете что-то интересное или важное и готовы этим поделиться?
Обязательно свяжитесь с нами, это очень просто!

Выберите удобный способ для связи или напрямую отправьте сообщение в редакцию через форму на этой странице.

Govorim.by

vk.com/govorimby

Внимание! Новости рекламного характера публикуются по предварительной договорённости. Подробнее цены на размещение рекламы смотрите здесь

Хотите сэкономить 30% на изготовлении кухни или шкафа-купе?

Новости Барановичей

ФК «Барановичи» 16 июля в 18.30 играет с мозырской «Славией»

Хотите узнать больше? ФК Барановичи - Славия-Мозырь В рамках  1/16 финала борьбы за футбольный Кубок страны в четверг, 16 июля, на стадионе «Локомотив» ФК «Барановичи» 1 023

Пад Баранавічамі ўзгадалі растралянага святара, які ратаваў габрэйскіх дзяцей

Хотите узнать больше? Дзень малітоўнай памяці святароў і прадстаўнікоў інтэлігенцыі, расстраляных у 1942 годзе, адзначылі ў Палонцы Фото: http://catholic.by 13 ліпеня ў 905

В Барановичском районе в ДТП столкнулись «Мерседес», «Фиат» и «Шкода»

Хотите узнать больше? Три машины столкнулись в Барановичском районе Фото: Олег ПУГАЧ Авария произошла утром 13 июля на автодороге Барановичи – Молчадь – Дятлово, вблизи 2 296

В Барановичах после общественного обсуждения 2-й Профессиональный переулок переименуют в ул. Чернышевского

Хотите узнать больше? Ответ горисполкома От жителей города поступило два предложения: назвать данный участок ул. Несвижской или Миловидской, но чиновники решили по-своему. 939

Под Барановичами неожиданный смерч «прошил» гараж, срывая шифер с крыши

Хотите узнать больше? Смерч вырвал полосу шифера с одной стороны крыши. Фото: Юрий ПИВОВАРЧИК Атмосферный вихрь внезапно образовался 13 июля в д. Гирово и так же внезапно 1 172

Жительнице Барановичей родственники подарили деньги и заплатили налог на этот «подарок»

Хотите узнать больше? Горожанка указала в декларации о доходах и имуществе то, что бабушка с дедушкой подарили ей крупную сумму денег. В налоговой выяснили, что расходы 3 021

Двое браконьеров из Барановичского района расставили 10 сетей

Хотите узнать больше? Фото предоставлено Барановичской межрайонной инспекцией охраны животного и растительного мира при Президенте Республики Беларусь. Рыбаки были 1 849

В Барановичах брестский «Буг» почти километр преследовал пьяного скутериста

Хотите узнать больше? Сотрудники ОСВ ДПС «Буг» ГАИ УВД гнались за водителем скутера 800 метров. У мужчины в выдыхаемом воздухе обнаружено более 2 промилле алкоголя. Как 1 082